486.21
-0.98
517.62
-1.72
8.15
+0.04
-8
Եղանակը Երևանում
Հայ
Ղարաբաղում պատերազմի վերսկսման հավանականությունը մեծ չէ, եթե չփոխվի ուժերի հավասարակշռությունը. ռուս փորձագետ
17:30
22 Փետրվարի 2011
ԵՐԵՎԱՆ, 22 փետրվարի. /Նովոստի-Արմենիա/. Ղարաբաղում պատերազմի վերսկսման հավանականությունը մեծ չէ, եթե չփոխվի ուժերի հավասարակշռությունը, երեքշաբթի Երևանում լրագրողներին ասաց Կովկասագետների գիտական հանրության նախագահ, պատմական գիտությունների դոկտոր Ալեքսանդր Կռիլովը:

«Ռազմական գործողությունների վերսկսման հավանականությունը ես չնչին եմ համարում, եթե մենք խոսում ենք մեծ, լայնամասշտաբ պատերազմի մասին պետությունների միջև։ Իհարկե, փոխհրաձգությունները կշարունակվեն, «դիպուկահարների պատերազմը» և այլն, բայց մենք դա տեսնում ենք երկար տարիներ։ Ըստ էության՝ ոչինչ չի փոխվել երկար տարիների ընթացքում, այդ իսկ պատճառով եթե ներկայիս ուժերի հավասարակշռությունը չփոխվի, ապա նման պատերազմի հավանականությունը շատ ու շատ փոքր է»,- ասաց Կռիլովը, ով մասնակցում էր Երևանում անցկացվող «Կովկասի և ներկայիս կովկասագիտության խնդիրները» խորագրով միջազգային համաժողովին:

Ըստ նրա՝ շահերի և ուժերի հավասարակշռության հետ կապված իրավիճակը ներկայումս բավականին կայուն է, և դժվար թե Ադրբեջանն այն կարողանա խախտել։
 
«Իսկ եթե այդ բալանսը փոխվի, եթե ինչ-որ կերպ սկզբում որոշ շրջաններ զիջվեն ամրացված դիրքերով, ապա այստեղ իսկապես գայթակղություն կառաջանա, որ բլից- կրիգ անցկացվի և ընտրվի լուծման ռազմական ուղին։ Ինձ թվում է, որ հայկական իշխանությունն առանց Ղարաբաղի անվտանգության և անկախության երաշխիքների, որոնք պարզ կդարձնեն նրա ապագա կարգավիճակը, չի գնա միակողմանի զիջումների»,- ասաց Կռիլովը։

Բացի այդ, փորձագետի կարծիքով, իրավիճակը կարող է փոխվել նաև Մերձավոր Արևելքում իրավիճակի բացասական ազդեցության արդյունքում։

Կռիլովը կարծում է, որ եթե այդ ազդեցությունը ապակայունացնի իրավիճակը, եթե ինչ-որ նոր գործոններ հայտնվեն, ապա կարող են ամենաանսպասելի և ամենադրամատիկ փոփոխություններ տեղի ունենալ։

Այնուամենայնիվ, փորձագետի կարծիքով, սառեցված հակամարտության իրավիճակն ավելի լավ է, քան «թեժ» հակամարտության վերսկսումը, ինչը ցույց տվեցին Վրաստանի վերջին իրադարձությունները։

«Այնպես որ կարծում եմ, որ այստեղ նմանատիպ ավանտյուրաներ դժվար թե կարելի է սպասել առաջիկա տարիներին... Բանակցությունները պատերազմից և ռազմական գործողությունների վերսկսումից լավ են, թող այդ բանակցությունները տևեն ևս 50 տարի, բայց կգտնվի խաղաղ լուծում, ոչ թե ռազմական»,- ասաց փորձագետը՝ նշելով, որ կողմերն առայժմ պատրաստ չեն փոխզիջման, չկա դիրքորոշումների մերձեցում։

«Եթե կողմերը հրաժարվում են մերձեցնել դիրքորոշումները, ոչ ոք դա չի կարող անել նրանց փոխարեն»,- ասաց Կռիլովը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: