484.68
+0.06
530.14
+2.1
8.5
-0.03
+12
Եղանակը Երևանում
Հայ
Կովկասագետները Երևանում կվերլուծեն Հարավային Կովկասի վերջին զարգացումների արդյունքները` շեշտը չդնելով հակամարտությունների վրա
16:55
22 Փետրվարի 2011

Երևանում անցկացվող «Կովկասի և ներկայիս կովկասագիտության խնդիրները» խորագրով միջազգային համաժողովի մասնակիցները կվերլուծեն Հարավային Կովկասի վերջին զարգացումների արդյունքները՝ չշեշտադրելով հակամարտությունները, լրագրողներին ասաց Կովկասագետների գիտական հանրության նախագահ Ալեքսանդր Կռիլովը:

«Մենք բավականին լայն ծրագիր ունենք, 27 զեկույց... Այստեղ մենք համատեղում ենք կովկասագիտության ավանդական ուղղությունները՝ ազգագրությունը, բանասիրությունը, հնագիտությունը և փորձում ենք համատեղել ժամանակակից իրողությունների հետ: Երկու բաժանմունք է ձևավորվել՝ առաջինում հիմնականում կքննարկվեն գիտական խնդիրները, իսկ երկրորդում՝ ժամանակակից Կովկասի խնդիրների լայն շրջանակը, ինչպես նաև կվերլուծվեն անկախության պայմաններում Հարավային Կովկասի քսանամյա զարգացման արդյունքները», - ասաց Կռիլովն՝ ավելացնելով, որ հակամարտությունների վրա շեշտ չի դրվի, քանի որ հակամարտությունների վերաբերյալ անցկացվել են բազմաթիվ համաժողովներ, և բոլոր կողմերի դիրքորոշումները հայտնի են:

«Ժամանակի կորուստ է կրկին վիճելն ու նույն փաստարկները ներկայացնելը, սակայն հետաքրքիր է քննարկել այդ երկրների ներքաղաքական, սոցիալական, տնտեսական իրավիճակը, և, ցավոք, դա այդքան էլ քննարկված չէ: Մենք կցանկանայինք լուրջ զրույց ունենալ, այնուհետև հաշվի առնելով այն մակարդակը, որի վրա գտնվում է Կովկասը՝ արդեն նայել դեպի ապագա և ինչ-որ կերպ պատկերացնել հեռանկարը», - ասաց Կովկասագետների գիտական հանրության նախագահը:

Կովկասի ինստիտուտի տնօրեն Ալեքսանդր Իսկանդարյանն իր հերթին նշեց, որ համաժողովի հարցերի քննարկումը չափազանց կարևոր է Հայաստանի համար:

«Հայաստանը ներսից ընկալվում է որպես կղզյակ, որին բախվում են համաշխարհային օվկիանոսի ալիքները: Պատկերացում կա, որ այստեղ կատարված ամեն ինչը բացառիկ է, երբևէ տեղի չի ունեցել, ոչ մի տեղ չկան նման օրինակներ, մշակված տեխնոլոգիաներ: Միաժամանակ դա այդպես չէ, և համեմատությունն ինքդ քեզ ճանաչելու միջոցներից մեկն է», - ասաց Իսկանդարյանը:

Նրա խոսքերով՝ կովկասագիտությունը ակադեմիական տեսակետից գիտության համար պարզապես հետաքրքիր գիտաճյուղ չէ, այն կարող է ունենալ նաև գործնական իմաստ, քանի որ Կովկասի տարբեր երկրներում գոյություն ունեն տարբեր մոդելներ:

«Այդ երկրները տարբեր կերպ են զարգանում, նրանք ունեն տարբեր փորձ, զարգացման տարբեր ուղիներ: Զարգացման այդ ուղիները՝ քաղաքական, տնտեսական, հարկավոր է ուսումնասիրել որպես մի ամբողջություն, որպես օրինաչափություններ ունեցող որևէ բան: Այս ամենը հանգեցնում է նրան, որ կուտակվում է գիտելիք, իսկ այն հարկավոր է քաղաքական գործիչներին, տնտեսական վերնախավին, ինչպես նաև մշակութային վերնախավին՝ որոշումներ ընդունելու համար», - ասաց Իսկանդարյանը:

Նրա խոսքերով՝ սա Կովկասագետների գիտական հանրության առաջին համաժողովն է:

«Փորձ է արվում ստեղծել պրոֆեսիոնալների համաշխարհային ցանց, ովքեր զբաղվում են մեր տարածաշրջանով: Ես ուրախ կլինեմ, եթե այդ փորձը հաջողվի իրականացնել», - ասաց Իսկանդարյանը:

Միջոցառմանը մասնակցում են գիտնականներ Ռուսաստանից, Հայաստանից և Հարավային Կովկասի այլ երկրներից, ինչպես նաև Մեծ Բրիտանիայից, Լեհաստանից և Սլովակիայից:

Համաժողովն անցկացնում է Կովկասագետների գիտական հանրությունը՝ Կովկասի ինստիտուտի, Երևանի Վ. Բրյուսովի անվան պետական լեզվաբանական համալսարանի և Հայաստանում Ոչ կառավարական կազմակերպությունների կովկասյան համաժողովի հետ համագործակցությամբ:

Կովկասագետների գիտական հանրությունը գրանցվել է 2010 թ.-ի դեկտեմբերի 6-ին ՌԴ արդարադատության նախարարության կողմից՝ որպես գիտնականների հասարակական, ոչ առևտրային, անկախ, կամավոր միություն, ովքեր ուսումնասիրում են Կովկասն ու նրա հարակից շրջանները:

Կովկասագետների գիտական հանրության նպատակն է միավորել կովկասագետներին՝ փորձի փոխանակման և հրատապ տեսական ու գործնական խնդիրների լուծման, ինչպես նաև Կովկասի գիտական ուսումնասիրմանն աջակցելու նպատակով:-0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: