484.45
-0.06
527.28
+8.56
8.65
+0.04
+6
Եղանակը Երևանում
Հայ
Ա1+ հեռուստաալիքը դատարանում կբողոքարկի թվային հեռարձակման արտոնագրի տրամադրման մերժումը
16:22
17 Փետրվարի 2011

ԵՐԵՎԱՆ, 17 փետրվարի. /Նովոտի-Արմենիա/. «Մելտեքս» ընկերությունը (Ա1+ ընդդիմադիր հեռուստաալիքի սեփականատեր) մտադիր է դատական կարգով վիճարկել Հեռուստառադիոհեռարձկման ազգային հանձնաժողովի (ՀՌՀԱՀ) կողմից թվային հեռարձակման արտոնագիր ստանալու հեռուստաընկերության դիմումը մերժելու մասին որոշումը, տեղեկացրեց «Մելտեքս» ՓԲԸ-ի փաստաբան Տիգրան Տեր-Եսայանը:

ՀՌՀԱՀ-ը 2010 թ.-ի դեկտեմբերի 22-ին տեղի ունեցած նիստի ժամանակ մերժել է հանրապետական ռադիոհաճախականություններով թվային հեռարձակման արտոնագիր ստանալու «Մելտեքս» ընկերության դիմումը՝ հօգուտ «ԱրմՆյուզ» հեռուստաալիքի:

«Մենք մտադիր ենք երկուշաբթի հայց ներկայացնել Հայաստանի վարչական դատարան՝ «Մելտեքս» ՓԲԸ-ի խախտված իրավունքները վերականգնելու նպատակով», - հինգշաբթի մամուլի ասուլիսի ժամանակ ասաց փաստաբանը:

Տեր-Եսայանը ՀՌՀԱՀ-ի որոշումը համարեց ոչ օբյեկտիվ՝ նշելով, որ հանձնաժողովը կողմնակալ վերաբերմունք է ցուցաբերել «ԱրմՆյուզ» ալիքի նկատմամբ, որը մրցույթում Ա1+-ի մրցակիցն էր՝ նման կերպ ոտնահարելով «Մելտեքս» ընկերության իրավունքները:

Այս կապակցությամբ փաստաբանը մի շարք փաստարկներ ներկայացրեց, որոնք, նրա կարծիքով, ապացուցում են ՀՌՀԱՀ-ի կանխակալ դիրքորոշումը: Մասնավորապես, Տեր-Եսայանը նշեց, որ նշված դիմումի համաձայն՝ «ԱրմՆյուզի» հեռարձակման ցանցում հայրենական արտադրության ծրագրերի մասնաբաժինը կազմում է 87 տոկոս, «Մելտեքս» ընկերությանը՝ 100 տոկոս:

Բացի այդ, փաստաբանը կասկած հայտնեց «ԱրմՆյուզի» տենդերային փաթեթի այն կետի իսկության կապակցությամբ, որը վերաբերում է հեռուստաալիքի կադրային կազմին, ինչպես նաև ֆինանսավորման աղբյուրներին:

«Մելտեքս» ՓԲԸ-ի տնօրեն Մեսրոպ Մովսեսյանն իր հերթին հայտարարեց, որ ՀՌՀԱՀ-ը՝  հանձնաժողովի նախագահ Գրիգոր Ամալյանի գլխվորությամբ, պետք է կանգնի դատարանի առաջ և պատասխան տա իր «փնթի» աշխատանքի համար:

Մովսեսյանը նաև ընդգծեց, որ Ա1+ հեռուստաալիքի նկատմամբ անարդար վերաբերմունք է ցուցաբերվել, և եթե հաշվի առնենք ֆինանսական տեսակետը, ապա «ԱրմՆյուզ» հեռուստաալիքը ներկայացրել է ընդամենը մեկ ֆինանսական փաստաթուղթ, իսկ Ա1+-ը՝ վեց փաստաթուղթ, որոնցից մեկը հանձնաժողովն անվավեր է ճանաչել վրիպակի պատճառով:

2002 թ.-ին ՀՌՀԱՀ-ը «Շարմ» ընկերությանը հաղթող է ճանաչել 37-րդ դեցիմետրային ալիքի հեռարձակման իրավունքի մրցույթում, ինչի հետևանքով Ա1+ ընդդիմադիր հեռուստաընկերությունը, որը հինգ տարվա ընթացքում հեռարձակում էր իրականացնում այդ հաճախականության վրա, զրկվեց եթերից, ինչը ընդդիմության շրջանում դժգոհության ալիքի պատճառ դարձավ:

2008 թ.-ի հունիսին Մարդու իրավունքների եվրոպական դատարանը բավարարեց «Մելտեքս» ընկերության և նրա ղեկավար Մեսրոպ Մովսեսյանի հայցը ընդդեմ Հայաստանի: Եվրոպական դատարանը վճռեց, որ Ա1+-ին եթերից զրկելով՝ խախտվել է Մարդու իրավունքների կոնվենցիայի 10-րդ հոդվածը (խոսքի ազատություն) և պարտադրել է երկրի կառավարությունը վճարել 30 հազար եվրո փոխհատուցում:

Թվային հեռարձակմանն անցնելու օրենքի համաձայն՝ Հայաստանում կստեղծվի թվային հեռարձակման ցանց, մասնավորապես Երևանում կգործի 18 հեռուստաալիք և 12 ռադիոկայան, իսկ հանրապետության մարզերում՝ 9 հեռուստաալիք և 4 ռադիոկայան:-0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: