478.04
+0.15
564.85
-3.12
8.3
-0.03
+19
Եղանակը Երևանում
Հայ
Ադրբեջանը փորձում է ներքին քարոզչությունը տեղափոխել արտաքին ասպարեզ. ՀՀ ԱԳ նախարար
11:59
11 Փետրվարի 2011

ԵՐԵՎԱՆ, 11 փետրվարի. /Նովոստի-Արմենիա/. Ադրբեջանը փորձում է իր ներքին քարոզչությունը տեղափոխել արտաքին ասպարեզ, հայտարարեց ՀՀ ԱԳ նախարար Էդվարդ Նալբանդյանը՝ պատասխանելով լրագրողների այն հարցին, թե ինչու՞ է Ադրբեջանը շահագրգռված ԵԽԽՎ Ղարաբաղի հարցով ենթահանձնաժողովի աշխատանքով:

ԵԽԽՎ Բյուրոյի` հունվարի 28-ին կայացած նիստում իսպանացի պատգամավոր Խորդի Չուկլան ի Կոստան ընտրվել է ԵԽԽՎ Ղարաբաղի հարցով ենթահանձնաժողովի նոր նախագահ։ Փաստորեն ենթահանձնաժողովը վերսկսել է իր գործունեությունը երկարատև ընդմիջումից հետո ԵԽԽՎ նախագահ Մևլյութ Չավուշօղլուի նախաձեռնությամբ, ինչի դեմ ակտիվ հանդես է գալիս հայկական կողմը։

«Սա ևս մեկ վկայությունն է այն բանի, որ Ադրբեջանն ավելի շատ շահագրգռված է ղարաբաղյան հարցի քննարկումը տեղափոխել այլ ձևաչափեր, քան շարունակել բանակցությունները երկար տարիների ընթացքում գոյություն ունեցող ձևաչափում՝ ԵԱՀԿ ՄԽ համանախագահության միջոցով հակամարտության լուծմանը հասնելու  նպատակով», - ասաց նա ուրբաթ Երևանում իր ուկրաինացի գործընկեր Կոնստանտին Գրիշչենկոյի հետ համատեղ մամուլի ասուլիսի ժամանակ:

Նալբանդյանն ավելացրեց, որ Ադրբեջանը «պարզապես փորձում է իր ներքին քարոզչությունը տեղափոխել արտաքին ասպարեզ, աղմկել հակամարտության կապակցությամբ, այլ ոչ թե կոնկրետ զբաղվել հարցի կարգավորմամբ»:

ՀՀ ԱԳ նախարարը նաև նշեց, որ այս ենթահանձնաժողովի նախորդ գործունեությունը առանձնահատուկ արդյունավետություն չցուցաբերեց բանակցային գործընթացի առաջխաղացմանն աջակցելու տեսանկյունից:

«Հենց դա է պատճառը, որ այս կապակցությամբ մեր դիրքորոշումն այն էր, ինչ արտահայտեցին խորհրդարականաններն ու արտգործնախարարությունը», - ասաց նա՝ ավելացնելով, որ «հենց դա է» Հայաստանի և Ադրբեջանի դիրքորոշումների տարբերությունը:

ԵԽԽՎ Ղարաբաղի հարցով ենթահանձնաժողովի գործունեության վերսկսման կապակցությամբ իրենց դժգոհությունն են հայտնել նաև ԵԱՀԿ ՄԽ համանախագահ-երկրները: Տեղեկատվության համաձայն՝ ՄԽ համանախագահները, հայտնելով իրենց դժգոհությունը, նշել են, որ այս ենթահանձնաժողովի վերսկսման մասին որոշման բացասական հետևանքների համար պատասխանատվությունն ամբողջովին կրում է ԵԽԽՎ բյուրոն:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: