480.44
-0.05
545.78
+5.04
8.07
-0.08
+31
Եղանակը Երևանում
Հայ
ՀՀ նախագահը ուղևորվել է Մյունխեն՝ անվտանգության հարցերով համաժողովին մասնակցելու
19:56
04 Փետրվարի 2011

ՀՀ նախագահ Սերժ Սարգսյանի գլխավորած պատվիրակությունն այսօր աշխատանքային այցով ժամանել է Գերմանիայի Դաշնային Հանրապետություն, որտեղ մեկնարկել է անվտանգության քաղաքականության հարցերով մյունխենյան համաժողովը, «Նովոստի-Արմենիա» գործակալությանը հաղորդեցին հայկական պետության ղեկավարի մամուլի ծառայությունից:

Մյունխենի անվտանգության կոնֆերանսն աշխարհում նմանատիպ ֆորումներից ամենախոշորն է և համեմատվում է միայն Դավոսի տնտեսական ֆորումի հետ: Այս տարի այն կանցկացվի 47-րդ անգամ:
Մյունխենի կոնֆերանսի աշխատանքներին, բացի նախագահ Սերժ Սարգսյանից, մասնակցում են նաև Վրաստանի և Ադրբեջանի նախագահներ Միխեիլ Սահակաշվիլին ու Իլհամ Ալիևը: Թուրքիան այստեղ ներկայացնում է ԱԳ նախարար Ահմեդ Դավութօղլուն:

Ինչպես միշտ, այս տարի ևս Մյունխենի համաժողովը մասնակիցների բավականին ներկայացուցչական կազմ է հավաքել: Շուրջ 350 առաջնորդների, քաղաքական գործիչների, կառավարության անդամների, փորձագետների, գործարարների ու մենեջերների թվում են ՄԱԿ գլխավոր քարտուղար Պան Գի Մունը, ԵՄ նախագահ Հերման վան Ռոմպոյը, ՄԲ վարչապետ Դեյվիդ Քեմերոնը, Գերմանիայի կանցլեր Անգելա Մերկելը, ՆԱՏՕ-ի գլխավոր քարտուղար Անդերս ֆոգ Ռասմուսենը, ՌԴ փոխվարչապետ Սերգեյ Իվանովը, ԱՄՆ պետքարտուղար Հիլարի Քլինթոնը, ՌԴ ԱԳ նախարար Սերգեյ Լավրովը, ԵՄ արտաքին հարաբերությունների հանձնակատար Քեթրին Էշթոնը, Համաշխարհային բանկի նախագահ Ռոբերտ Զելիկը, հայտնի ֆինանսիստ Ջորջ Սորոսը և այլն:
 
Այս տարվա քննարկումները ևս խոստանում են հետաքրքիր դառնալ: Կոնֆերանսի մասնակիցները մտադիր են քննարկել մի շարք արդիական խնդիրներ` կապված, մասնավորապես, համաշխարհային ֆինանսական ճգնաժամի հետևանքների, Եվրոպայում միջուկազերծ տարածքի ձևավորման, Մեծ Մերձավոր Արևելքում հակամարտությունների հաղթահարման ու զինաթափման, ինչպես նաև գլոբալ և տարածաշրջանային այլ մարտահրավերների, որոնց թվում նաև Աֆղանստանում առկա իրավիճակը:

Հատուկ անդրադարձ է կատարվելու նաև կիբերանվտանգության խնդրին: Թեև նախնական ծրագրով նախատեսված չէ, սակայն ակնկալվում է, որ ֆորումի մասնակիցները կանդրադառնան նաև Եգիպտոսում և Արաբական աշխարհում ընդհանրապես ծավալվող իրադարձություններին:

1962 թվականից գործող այս ֆորումը շուրջ 30 տարի փակ ակումբ է եղել, որտեղ քննարկումների մասնակցել են միայն ՆԱՏՕ-ի անդամ երկրներն ու արևմտաեվրոպական մի քանի երկիր:
Սակայն վերջին քսան տարում Մյունխենն ավելի մեծ աշխարհագրական տարածք է ընդգրկում ու ընդլայնում է քննարկվող գլոբալ ու տարածաշրջանային անվտանգության հարցերի շրջանակը:

Այստեղ տարբեր տարիների ծրագրային ու սկանդալային ելույթներ են ունեցել աշխարհի տարբեր առաջնորդներ: Օրինակ 2007 թվականին այստեղ ունեցած ելույթում ՌԴ այդ ժամանակվա նախագահ Վլադիմիր Պուտինը սուր քննադատության ենթարկեց Միացյալ Նահանգներին, ինչից հետո վերլուծաբանները նոր «սառը պատերազմի» կանխագուշակություններ էին անում:

Իսկ 2008 թվականին ԱՄՆ փոխնախագահ Ջո Բայդենը հենց Մյունխենի կոնֆերանսում ունեցած ելույթում ներկայացրեց նորընտիր նախագահ Բարաք Օբամայի արտաքին քաղաքական մոտեցումները, որտեղ նաև ռուս-ամերիկյան հարաբերությունները կարգավորելու կոչ արեց` հորդորելով «սեղմել վերաբեռնավորման կոճակը»: -0-

Loading...
Թեմատիկ նյութեր
Բաժնի այլ նյութեր
13:16
29 Հունիսի 2017
Վարչապետի թիմը վայելում է իմ և մեր ամբողջ քաղաքական թիմի լիակատար վստահությունը. Սերժ Սարգսյան
Կառավարության ներկայիս կազմը վայելում է նախագահի և ամբողջ քաղաքական թիմի լիակատար վստահությունը, ասել է ՀՀ նախագահը։
15:50
28 Հունիսի 2017
Արդարադատության նախարարը մեկնաբանել է Հայաստանում 2018 թ.-ին թավշյա հեղափոխության հավանականությունը
Դավիթ Հարությունյանը չորեքշաբթի մեկնաբանել է երկրում թավշյա հեղափոխություն իրականացնելու հավանականութունը 2018 թ.-ի ապրիլին:
18:38
27 Հունիսի 2017
ԵԽԽՎ ադրբեջանամետ նախագահը կարող է պաշտոնանկ արվել
Եվրախորհրդի Խորհրդարանական վեհաժողովի (ԵԽԽՎ) ադրբեջանամետ նախագահ Պեդրո Ագրամունտը կարող է  պաշտոնանկ արվել:
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը: