478.82
+0.2
557.59
+7.08
8.14
+0.04
+23
Եղանակը Երևանում
Հայ
ԵԽԽՎ-ն խայտառակեց իրեն հայ-ադրբեջանական հակամարտության հարցում կանխակալ դիրքորոշման պատճառով. պատվիրակության ղեկավար
17:56
01 Փետրվարի 2011

ԵԽԽՎ-ն խայտառակեց իրեն հայ-ադրբեջանական հակամարտության հարցում ակնհայտ կանխակալ գործունեության պատճառով, երեքշաբթի լրագրողներին ասաց ԵԽԽՎ-ում հայկական պատվիրակության ղեկավար Դավիթ Հարությունյանը:

Հունվարի 28-ին ԵԽԽՎ բյուրոյի նիստի ժամանակ իսպանացի պատգամավոր Խորդի Խուկլա ի Կոստան ընտրվել է հանձնաժողովի նոր նախագահի պաշտոնում: Փաստորեն ենթահանձնաժողովը երկարատև դադարից հետո կարող է վերսկսել իր գործունեությունը: Հանձնաժողովի գործունեության վերսկսմանը դեմ են հայազգի պատգամավորները:

«ԵԽԽՎ-ում ակնհայտ են միանշանակ և միակողմանի մոտեցումները հայ-ադրբեջանական հարաբերությունների հարցում, ինչի կապակցությամբ որոշ հարցերում մենք այլևս պատրանքներ չունենք այս կառույցի նկատմամբ», - ասաց Հարությունյանը:

Նրա խոսքերով՝ կառույցի կանխակալության մասին խոսում են մի քանի փաստեր, որոնց թվում է այն, որ Բյուրոյի նիստի վերաբերյալ նյութերը տրամադրվել են հայկական կողմին նիստի նախօրեին, իսկ Բյուրոյի անդամներին ուղղված հայկական պատվիրակության նամակը ընդհանրապես չի տարածվել:

Բացի այդ, ինչպես նշել է հայկական պատվիրակության ղեկավարը, ենթահանձնաժողովի նախագահի ընտրությունների ժամանակ ներկայացվել են ակնհայտ կանխակալ թեկնածուներ, մասնավորապես՝ Մայքլ Հենկոկը, ով ինքն է հայտարարել իր ոչ օբյեկտիվ լինելու մասին, քանի որ կարծում է, որ «Հայաստանն օկուպացրել է Ադրբեջանի տարածքի 50 տոկոսը»:

«Այս ամենը վկայում է ներքին խաղերի և այն ամենի մասին, թե որքանով է ԵԽԽՎ-ն անվստահելի կառույց դարձել որոշ հարցերում », - ասաց Հարությունյանը:

Նա նշեց, որ հաշվի առնելով նման մոտեցումները՝ Հենկոկի թեկնածությունը փոխվեց և որոշում ընդունվեց, որ ժամանակավոր ենթահանձնաժողովի նախագահի պաշտոնը կզբաղեցնի իսպանացի պատգամավորը, ում հետ հայկական պատվիրակությանը մինչ այժմ չի հաջողվել հանդիպել՝ հաշվի առնելով նաև այն, որ քվեարկության պահին նա դահլիճում չէր:

Հարությունյանի խոսքերով՝ հայկական պատվիրակությունը պատրաստ էր, որ արհեստական խոչընդոտներ են ստեղծվելու, ինչի կապակցությամբ նախապես անձամբ հանդիպել է Բյուրոյի գրեթե բոլոր անդամների հետ և ներկայացրել է իր դիրքորոշումները:

«Այնուամենայնիվ, Բյուրոն որոշեց վերստեղծել ենթահանձնաժողովը, սակայն ոչ քվեարկության միջոցով, քանի որ քաղաքական խմբերի ղեկավարները սկզբունքորեն չառարկեցին նախագահողին», - ասաց Հարությունյանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: