483.58
+0.74
513.85
-7.76
7.67
+0.05
-3
Եղանակը Երևանում
Հայ
Ադրբեջանի կողմից ռազմական գործողությունների վերսկսումը Ղարաբաղի նկատմամբ իրատեսական չէ. զինվորական փորձագետ
13:54
14 Հունվարի 2011

Ադրբեջանական կողմի՝ Լեռնային Ղարաբաղի Հանրապետության նկատմամբ լայնածավալ ռազմական գործողությունների վերսկսման մասին հայտարարությունները որևէ իրական և փաստացի հիմք չունեն, կարծում է զինվորական փորձագետ Դավիթ Ջամալյանը։

«Նմանատիպ հայտարարությունները մեզ համար սովորական են դարձել, և մոտ ապագայում պետք չէ ակնկալել, որ Ադրբեջանը կհրաժարվի իր դատարկ  հռետորությունից»,- ուրբաթ մամուլի ասուլիսում ասաց Ջամալյանը։

Ըստ նրա` ռազմական գործողությունների վերսկսումն իրատեսական չէ, նախևառաջ, այն պատճառով, որ Ադրբեջանը որևէ ռազմական առավելություն չունի հայկական կողմի նկատմամբ։

«Հակառակը, 2010 թվականի ընթացքում Հայաստանի Զինված ուժերի ռազմական տեխնիկայի զինանոցը և հանդերձանքը էապես համալրվել է, մասնավորապես, դա վերաբերում է ռամզաօդային և հրթիռային տեխնիկային։ Ըստ էության, մենք չեզոքացրել ենք ադրբեջանական ԶՈՒ ուժեղ կողմերը՝ ՌՕՈՒ և հրթիռային զորքերը»,- ավելացրեց Ջամալյանը։

Փորձագետը նշեց, որ դեպքերի այսպիսի զարգացման դեպքում Ադրբեջանի կողմից լայնածավալ ռազմական գործողությունների վերսկսումը ոչ այլ ինչ է, եթե ոչ պրիմիտիվ ավանտյուրա։

Նա կարծում է նաև, որ 2011 թվականին առաջնային գծում տեղ գտած լարվածությունը չի նվազի, սակայն պետք չէ լուրջ հետևանքների սպասել, քանի որ հրադադարի ռեժիմի խախտման դեպքերը, մանր դիվերսիաներն Ադրբեջանի նախագահ Իլհամ Ալիևի հայտարարություններն արդարացնելու փորձ են։

«Ավելին ակնկալել պետք չԷ, նախևառաջ, այն պատճառով, որ հայկական բանակն ավելի զգայուն և ուշադիր է դարձել ամեն ինչի նկատմամբ, դա են ապացուցում 2010 թվականի ընթացքում ադրբեջանցիների տասնյակ դիվերսիաները, որոնք կասեցվել են հայ զինվորների կողմից»,- ասաց փորձագետը։

Իր հերթին Հայաստանի քաղաքական հետազոտությունների ինստիտուտի փորձագետ Արծրուն Հովհաննիսյանն ավելացրեց, որ Հայաստանի ԶՈՒ ռազմական նոր քաղաքականություն են սկսել՝ կասեցման քաղաքականություն։

«Իհարկե, պետք չէ թերագնահատել հակառակորդին, նրանք իսկապես զինվում են, բազմապատկում են ռազմական բյուջեի չափերը, սակայն ամեն ինչում շտապում են, և արդյունքում՝ Ադրբեջանի ձեռք բերած ռազմական տեխնիկայի, հանդերձանքի և սպառազինության մեծ մասը 25 տարի անց օգտագործման համար պիտանԻ չի լինի»,- ասաց նա։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: