478.3
+0.07
574.1
-0.3
8.31
+0.05
+18
Եղանակը Երևանում
Հայ
ՀՀ նախագահը իր ցավակցություններն է հայտնել դերասան Կիմ Երիցյանի մահվան կապակցությամբ
16:50
28 Դեկտեմբերի 2010

ԵՐԵՎԱՆ, 28 դեկտեմբերի. /Նովոստի-Արմենիա/. Հայաստանի նախագահ Սերժ Սարգսյանը ցավակցական հեռագիր է հղել ՀՀ ժողովրդական արտիստ Կիմ Երիցյանի մահվան կապակցությամբ, հաղորդում է պետության ղեկավարի մամուլի ծառայությունը։

Կիմ Երիցյանը մահացել է դեկտեմբերի 26-ին՝ 80 տարեկան հասակում։

«Խոր վշտով տեղեկացա Հայաստանի Հանրապետության ժողովրդական արտիստ Կիմ Երիցյանի մահվան մասին: Տասնամյակներ շարունակ սիրված դերասանի մարմնավորած կերպարները լավատեսության և բարության զգացումներ էին արթնացնում հայ հանդիսատեսի սրտում»,- մամուլի ծառայությունից մեջբերեցին նախագահի հեռագիրը։

Ինչպես նշվում է նախագահի հեռագրում, Կիմ Երիցյանն ապրեց արտիստական բեղմնավոր մի կյանք, ստեղծեց վառ դերակատարումներով հագեցած մի կենսագրություն, որտեղ միահյուսված էին կա­տա­կերգական, ֆարսային և դրամատիկական կերպավորումները` լի տաղան­դա­վոր արվեստագետի ինքնատիպ մեկնաբանություններով:

Նախագահը նշել է, որ հայ մշակույթի երախտավորների աստղաբույլում միշտ էլ սիրով ու գնահատանքով է շրջապատված եղել մեծ դերասանը, որի վկայությունն են նրա վայելած համաժողովրդական սերն ու գնահատանքը:

«Սիրված դերասանի հիշատակը հավերժ կմնա նրա արվեստի երկրպագուների սրտերում և հայ թատրոնի ու կինոյի պատմության մեջ»,- ասվում է հեռագրում։

Թատրոնի և կինոյի դերասան, Հայաստանի ժողովրդական արտիստ Կիմ Երիցյանի հուղարկավորությունը տեղի կունենա Երևանի քաղաքային պանթեոնում դեկտեմբերի 29-ին:

Երիցյանի հոգեհանգիստը տեղի կունենա դեկտեմբերի 28-ին Երևանում, հետևյալ հասցեում՝ Վարդանանց 2-րդ նրբանցք, բն. 6։ Երիցյանի հետ հրաժեշտը տեղի կունենա դեկտեմբերի 29-ի կեսօրին Կոմիտասի անվան Կամերային երաժշտության տանը։

Կիմ Երիցյանը ծնվել է 1930 թվականին Թբիլիսիում։ 1951 թ.-ից ապրել է Երևանում: 1955-1973 թթ. որպես դերասան աշխատել է Հ. Պարոնյանի անվան երաժշտական կոմեդիայի թատրոնում` ապրելով ստեղծագործական մեծ առաջընթաց, անձնավորելով բազմաթիվ ուշագրավ և գլխավոր դերեր: Այս թատրոնում տաղանդավոր արտիստին համընդհանուր ճանաչում բերեց Պըլը Պուղու դերը Ա. Բարսեղյանի «Պըլը Պուղի» հերոսական կատակերգությունում, որը Կիմ Երիցյանը խաղացել է 350-ից ավելի անգամ լեփ-լեցուն դահլիճներում:

1973-2006 թթ. աշխատել է Հ. Ղափլանյանի անվան դրամատիկական թատրոնում, որտեղ և էլ ավելի բացահայտվեց Կ. Երիցյանի ինքնատիպ տաղանդը: Նրա խաղաոճին բնորոշ է ողբերգականի և կատակերգականի միասնությունը: Երիցյանը տպավորիչ գունեղությամբ կերտել է բազմաթիվ կերպարներ հայ և համաշխարհային կերպարներից, որոնք դերասանական արվեստի ակնառու նվաճումներ են. Ագրիպաս աղա, Գնդապետ, Թովմաս, Սերգեյ Կարպիչ, Մաշու, Ալդոմիրցի և այլն;

Կ. Երիցյանը նկարահանվել է հայկական կինեմատոգրաֆիայի բազմաթիվ ֆիլմերում` «Նվագախմբի տղաները», «Շրթներկ N 4», «Սուտլիկ որսկանը», «Քաոս», «Հող և ոսկի» և այլն: Կիմ Երիցյանը բազմաթիվ դերեր է խաղացել նաև հեռուստաթատրոնում:

Իր ստեղծագործական կյանքի ընթացքում նա մարմնավորել է ավելի քան հարյուր դեր, արժանացել հանդիսատեսի ջերմ վերաբերմունքին և անկեղծ համակրանքին:

Հայ թատրոնին մատուցած ակնառու ծառայությունների համար Կիմ Երիցյանը 2009 թ. շնորհվել է ՀՀ ժողովրդական արտիստի բարձր կոչում: Վերջերս մեծ շուքով նշվեց սիրված արտիստի ծննդյան 80-ամյա հոբելյանը. հոբելյարը պարգևատրվեց ՀՀ մշակույթի նախարարության Ոսկե մեդալով:--0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: