484.75
-0.16
578.65
-0.24
8.51
+0.02
-1
Եղանակը Երևանում
Հայ
Իսպանիան պատրաստ է ամրապնդել համագործակցությունը բարեկամ Հայաստանի հետ. Իսպանիայի արտգործնախարար
12:34
17 Դեկտեմբերի 2010

Իսպանիան պատրաստ է ամրապնդել համագործակցությունը բարեկամ Հայաստանի հետ, նախօրեին Մադրիդում ԱԳ նախարար Էդվարդ Նալբանդյանի հետ հանդիպման ժամանակ ասաց Իսպանիայի  արտաքին գործերի  նախարար Տրինիդադ Խիմենեսը, հաղորդում է ԱԳՆ մամուլի ծառայությունը: 

«Իսպանիան պատրաստ է գործուն քայլեր ձեռնարկել տարբեր ոլորտներում բարեկամ Հայաստանի հետ համագործակցությունը ամրապնդելու և խորացնելու համար»,- ասաց Խիմենեսը:

Իսպանիայի արտգործնախարարն ընդունել է Հայաստան այցելելու Նալբանդյանի հրավերը՝ նշելով, որ կայցելի Երևան 2011 թ.-ի առաջին կեսին:

Նալբանդյանն իր հերթին նշել է, որ հայ-իսպանական հարաբերություններն ունեն դարերի պատմություն, որը հիշարժան է բարի ավանդույթներով և փոխադարձ բարեկամության դրսևորումներով:

ՀՀ ԱԳ նախարարի խոսքերով՝ իր այցելության հիմնական նպատակն է նոր լիցք հաղորդել երկկողմ հարաբերություններին, որոնք ունեն չօգտագործված մեծ ներուժ:

«Այս տարի Մադրիդում ՀՀ դեսպանության հիմնումը Իսպանիայի հետ հարաբերությունների ամրապնդման և խորացման  Հայաստանի ցանկության վկայությունն է»,- ընդգծել է Էդվարդ Նալբանդյանը:

Հանդիպման ընթացքում Հայաստանի և Իսպանիայի արտգործնախարարությունների ղեկավարները շեշտել են երկկողմ հարաբերությունների խթանման նպատակով բարձրաստիճան փոխայցելությունների կազմակերպման կարևորությունը, քաղաքական երկխոսության  ակտիվացման անհրաժեշտությունը:

«Նախարարներ Նալբանդյանն ու Խիմենեսը բովանդակալից զրույց ունեցան տարբեր բնագավառներում երկկողմ համագործակցության ընդլայնման ուղիների, եվրոպական կառույցների և միջազգային կազմակերպությունների շրջանակներում փոխգործակցության սերտացման վերաբերյալ, մտքեր փոխանակեցին միջազգային օրակարգի և տարածաշրջանային խնդիրների շուրջ», - նշվում է տեղեկատվության մեջ:

Բանակցությունների ընթացքում քննարկվել են նաև Հայաստան - Եվրոպական Միություն հարաբերությունների տարբեր ուղղությունները, Եվրոպական հարևանության քաղաքականության և Արևելյան գործընկերության ծրագրի շրջանակներում երկկողմ համագործակցության խթանման նպատակով ձեռնարկվելիք քայլերը: Նախարարներ Նալբանդյանն ու Խիմենեսը քննարկել են Հայաստանի և Եվրոպական Միության միջև մուտքի արտոնագրերի ստացման ընթացակարգի դյուրացման նպատակով ձեռնարկվելիք քայլերը:

Բացի այդ, զրուցակիցներն անդրադարձել են մշակույթի և տուրիզմի բնագավառներում փոխգործակցության զարգացման հնարավորություններին: 

Երկկողմ հարաբերությունները խթանելու նպատակով նախարարները պայմանավորվածություն են ձեռք բերել քայլեր ձեռնարկել իրավապայմանագրային դաշտի ընդլայնման համար` մշակել մի շարք համաձայնագրեր, մասնավորապես ներդրումների խրախուսման ու պաշտպանության ևտնտեսական ոլորտի այլ փաստաթղթեր:

Քննարկվել են նաև երկու երկրների տնտեսական ոլորտի պատասխանատուների փոխայցելությունների, հայ-իսպանական գործարար համաժողովի կազմակերպման հնարավորությունը:

«Նախարարները համակարծիք էին, որ երկու երկրների միջև ուղիղ չվերթերի առկայությունը նոր լիցք կհաղորդի երկկողմ հարաբերություններին: Այդ առումով պայմանավորվածություն ձեռք բերվեց ստորագրել Օդային հաղորդակցության մասին համաձայնագիր և քաջալերել երկու երկրների ավիափոխադրողներին օդային կապ հաստատելու ուղղությամբ»,- նշվում է տեղեկատվության մեջ:

Նույն օրը Հայաստանի արտաքին քաղաքական գերատեսչության ղեկավարն այցելեց Իսպանիայի խորհրդարան, որտեղ հանդիպել է տարբեր քաղաքական ուժեր ներկայացնող Կոնգրեսի արտաքին հարաբերությունների հանձնաժողովի անդամների հետ: 

Հանդիպմանը քննարկվել են հայ-իսպանական փոխգործակցության զարգացման, երկու երկրների խորհրդարանների միջև համագործակցությանը վերաբերող հարցեր, մտքեր են փոխանակվել իրավապայմանագրային դաշտի ընդլայնման, տարածաշրջանային և միջազզային հարցերի շուրջ:

Իսպանացի պատգամավորները բարձր են գնահատել Մադրիդում դեսպանություն հիմնելու Հայաստանի իշխանությունների որոշումը` նշելով, որ այն լուրջ խթան կհանդիսանա երկկողմ համագործակցության զարգացման համար:

Երեկոյան Էդվարդ Նալբանդյանը այցելել է Մադրիդում ՀՀ դեսպանություն, ուր հանդիպել է իսպանահայ համայնքային կազմակերպությունների ներկայացուցիչների հետ, որոնց ներկայացրել է Հայաստանի արտաքին քաղաքականությունը և պատասխանել իսպանահայերի բազմաթիվ հարցերի: -0-

Loading...
Թեմատիկ նյութեր
Բաժնի այլ նյութեր
10:41
09 Հունվարի 2018
Հայտնի է ՍԴ նախագահ Գագիկ Հարությունյանի նոր պաշտոնն ապրիլից հետո
Հայտնի է դարձել, թե ՍԴ նախագահ Գագիկ Հարությունյանն ինչ նոր պաշտոն է զբաղեցնելու:
17:14
28 Դեկտեմբերի 2017
ԵՄ–ի հետ գործընկերության համաձայնագիրն ուղղվել է վավերացման
Հայաստանի կառավարությունը հինգշաբթի հավանություն է տվել 2017 թվականի նոյեմբերի 24–ին ստորագրված ԵՄ–ի հետ համապարփակ և ընդլայնված համաձայնագրին։
21:39
27 Դեկտեմբերի 2017
Կարեն Կարապետյանը նշել է, թե ով է որոշելու Հայաստանի վարչապետի թեկնածությունը
Հայաստանի հանրապետական կուսակցությունն ապրիլի 9–ին իր կոալիցիոն գործընկերոջ` ՀՅԴ–ի հետ կորոշի, թե ով է զբաղեցնելու վարչապետի պաշտոնը։  
13:48
27 Դեկտեմբերի 2017
Չկա ավելի արժանի առաջնորդ, քան Սերժ Սարգսյանը. Շարմազանով
Չկա Հայաստանի ավելի արժանի ղեկավար, քան նախագահ Սերժ Սարգսյանը, հայտարարել է Էդուարդ Շարմազանովը։
22:00
26 Դեկտեմբերի 2017
Սերժ Սարգսյանը մասնակցել է ԱՊՀ մասնակից պետությունների ղեկավարների ոչ պաշտոնական հանդիպմանը
Սերժ Սարգսյանը հաջողություններ և ակտիվ աշխատանք է մաղթել նաև ԱՊՀ-ում 2018 թվականին նախագահությունը ստանձնող երկրի նախագահին:
18:11
25 Դեկտեմբերի 2017
Սերժ Սարգսյանը կմեկնի Ռուսաստանի Դաշնություն
Նախագահ Սերժ Սարգսյանը դեկտեմբերի 26-ին աշխատանքային այցով կմեկնի Ռուսաստանի Դաշնություն՝ Մոսկվա:
14:43
25 Դեկտեմբերի 2017
Հայաստանում միջգերատեսչական հանձնաժողով է ստեղծվել ԵՄ –ի հետ համաձայնագիրն իրականացնելու նպատակով
ՀՀ նախագահ Սերժ Սարգսյանը դեկտեմբերի 25-ին հրամանագիր է ստորագրել:
14:49
20 Դեկտեմբերի 2017
Հայատյացությունն ադրբեջանական դասագրքերում. Երևանում կայացել է Azerichild.education կայքի շնորհանդեսը
Azerichild.education կայքի շնորհանդեսը կայացել է չորեքշաբթի «Նովոստի–Արմենիա» մամուլի կենտրոնում։
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում: