482.13
-0.46
538.83
-4.47
8.55
+0.02
+13
Եղանակը Երևանում
Հայ
Հայաստանի արտաքին քաղաքականությունն էական ձեռքբերումների է հասել վերջին ժամանակներս. փորձագետ
18:30
09 Դեկտեմբերի 2010

Հայաստանի արտաքին քաղաքականությունը վերջին երկու տարիների ընթացքում մի շարք էական ձեռքբերումներ է ունեցել, կարծում է Գլոբալիզացման և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը։

«Նախագահը վերջին տարիներին կարողացավ հանդես գալ մի շարք հետաքրքիր նախաձեռնություններով, որոնց թվում են, մասնավորապես, Թուրքիայի հետ հարաբերությունների բարելավման և ղարաբաղյան հարցով բանակցությունները, որոնք մինչ այդ իմիտացիոն դաշտում էին, բայց այս երկու տարիների ընթացքում դրանք իրապես վերսկսվել են»,- ասաց նա հինգշաբթի լրագրողներին։

Գրիգորյանը նշեց, որ նախագահ Սարգսյանի ջանքերի շնորհիվ աշխուժացել է Ադրբեջանի հետ բանակցային գործընթացը ղարաբաղյան հակամարտության կարգավորման վերաբերյալ, ինչը նվազեցրել է պատերազմի հավանականությունը։

«Այո, բանակցությունները դժվար են առաջ ընթանում, հակասությունները շատ են, բայց այն, որ դրանք ընթանում են, արդեն մեծ ձեռքբերում է։ Կարծում եմ, որ Թուրքիայի և Ղարաբաղի մասով նախաձեռնությունները ճիշտ են, քանի որ սա բարձրացրել է Հայաստանի կշիռը ողջ աշխարհում և հետաքրքրություն է առաջացել նրա նկատմամբ»,- ասաց նա։

Այս համատեքստում փորձագետը կարևորում է Աստանայում նախագահի ելույթը, քանի որ դրանով որոշակի սահման գծվեց, որը Բաքվի կողմից անցնելու դեպքում անխուսափելի են ռազմական գործողությունները և Հայաստանի կողմից Արցախի անկախության ճանաչումը։
 
Գրիգորյանը մեծ ձեռքբերում համարեց նաև ԵԱՀԿ գագաթնաժողովի հայտարարությունները ղարաբաղյան հարցով, որովհետև կրկին հաստատվեցին Մուսկոկում և Աքվիլայում ձեռք բերված հայտարարությունները։ «Հայաստանի շահերից է բխում այն, որպեսզի հարցը լուծվի Մինսկի խմբի շրջանակներում»,- ասաց նա։

Ընդհանուր առմամբ նա դրական գնահատեց գագաթնաժողովի ձեռքբերումները, քանի որ տասնմեկ տարի անց երկրները կրկին հավաքվեցին և կոնսեսնուսի եկան մի շարք հարցերով, ստորագրվեց նաև փաստաթուղթ։

Միաժամանակ Գրիգորյանը նշեց, որ այդ ձեռքբերումները չպետք է մնան կառավարական մակարդակի վրա, և իշխանությունները պետք է հասնեն նրան, որ այդ աշխուժությունը փոխանցվի նաև այլ ոլորտներ։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։