477.88
-0.42
573.6
-0.5
8.31
+0.05
+31
Եղանակը Երևանում
Հայ
Թուրքիայում կայացած Օլիմպիադայում հայ շախմատիստները հաղթանակ տարան թիմային ոգու շնորհիվ. մարզիչ
17:35
09 Դեկտեմբերի 2010
ԵՐԵՎԱՆ, 9 դեկտեմբերի. /Նովոստի-Արմենիա/. Հայաստանի շախմատի պատանիների հավաքականը Թուրքիայում կայացած Շախմատի համաշխարհային օլիմպիադայում U16 տարիքային խմբում հաղթանակ տարավ կոլեկտիվի համախմբվածության շնորհիվ, համոզված է հայկական թիմի մարզիչ Արսեն Եղիազարյանը:

«Իհարկե, հաղթանակը հեշտ չէր: Պետք է նշեմ, որ ի տարբերություն մեծահասակների օլիմպիադաների՝ այս մրցաշարում հաշվի էին առնվում ընդհանուր բալերը, այլ ոչ թե հավաքականի հաղթակաները, այնպես որ ամեն կես բալը չափազանց կարևոր էր մեզ համար: Եթե չլիներ հաշվարկի նման համակարգը, ապա մենք չեմպիոնի տիտղոսը կնվաճեինք ավելի շուտ և ավելի հեշտ», - հինգշաբթի մամուլի ասուլիսի ժամանակ ասաց Եղիազարյանը:

Հայկական թիմը հիանալի արդյունք ցույց տվեց նոյեմբերի 26-ից նոյեմբերի 4-ը Թուրքիայի Բուրդուր քաղաքում անցկացված U-16 կատեգորիայում Պատանիների օլիմպիադայի ժամանակ՝ տասը փուլերում հավաքելով 9,5 միավոր: Միակ ոչ-ոքին գրանցվեց վերջին փուլում Turkey-Write թիմի հետ խաղում:

Հայաստանի հավաքականի կազմում հանդես եկան Կարեն Գրիգորյանը, Ռոբերտ Աղասարյանը, Հովհաննես Գաբուզյանը, Դավիթ Շահինյանն ու Տիգրան Ս. Պետրոսյանը:

Խոսելով վերջին փուլում գրանցված ոչ-ոքիի մասին՝ Եղիազարյանը նշեց, որ պատանի շախմատիստների համար օլիմպիադան շատ լարված ու բարդ էր: «Բնական է, որ վերջում երեխաների մոտ որոշակի գերհոգնածություն կար», - ասաց նա:

Եղիազարյանն ափսոսանքով նշեց, որ հաջորդ տարի Հայաստանը չի կարող նույն կազմով մասնակցել պատանիների օլիմպիադային, քանի որ հավաքականի երեք անդամներն այդ ժամանակ արդեն դուրս կգան U16 տարիքային կատեգորիայից:

Մրցաշարից ստացած իրենց տպավորություններն ասացին նաև օլիմպիադայի պատանի չեմպիոնները:

«Մեզ համար այս հաղթանակը սպասված էր, քանի որ մենք ջանասիրաբար մարզվում էինք, հատկապես վերջին շաբաթվա ընթացքում», - ասաց Հովհաննես Գաբուզյանը: Նա կարծում է, որ հայ շախմատիստների հաջողությունը պայմանավորված էր ողջ օլիմպիադայի ընթացքում ցուցադրած կայուն խաղով:

«Մեր հավաքականում թույլ օղակ չկար: Եթե մյուս թիմերում առաջին և երկրորդ խաղատախտակը շատ ավելի լավ էր խաղում, քան երրորդն ու չորրորդը, ապա մենք նման խնդիր չունեինք», - հայտարարեց Գաբուզյանը:

Կարեն Գրիգորյանն իր հերթին նշեց, որ մրցաշարում առանցքային պահեր էին ռուսաստանցիների և թուրքերի նկատմամբ տարած հաղթանակները: «Այդ հանդիպումներից հետո մենք արդեն հասկացանք, որ հաղթանակի իրական հնարավորություն ունենք, զգացինք, որ մեր խաղը ստացվում է, և հավատացինք մեր ուժերին», - ասաց նա:

Թիմի մեկ այլ անդամ Ռոբերտ Աղասարյանի խոսքերով՝ հայկական հավաքականի գլխավոր ուժն այն էր, որ նրա բոլոր անդամները մտերիմ ընկերներ են, շատ լավ գիտեն միմյանց, իրենց թույլ և ուժեղ կողմերը, ինչը զգալիորեն հեշտացնում էր խնդիրը:

Վերջում Տիգրան Ս. Պետրոսյանը հայտարարեց, որ հաղթանակի հասնելը դժվար էր: «Նույնիսկ համեմատաբար թույլ թիմերը մեզ հետ ավելի նպատակաուղղված էին խաղում և փորձում էին մեզանից բալեր «քաշել»: Մեր հաղթանակի գործոններից մեկն այն էր, որ մենք ուշադիր էինք խաղում բոլոր հավաքականների հետ՝ չնվազեցնելով տեմպը», - ասաց Պետրոսյանը:

Հայաստանը երկրորդ անգամ է նվաճում Պատանիների օլիմպիադայի հաղթողի տիտղոսը: 1998 թ.-ին նմանատիպ հաղթանակի հասան Լևոն Արոնյանը, Գաբրիել Սարգսյանը, Տիգրան Լ. Պետրոսյանն ու Վարուժան Հակոբյանը:-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: