481.32
+0.33
567.52
-1.39
8.41
+0.07
+12
Եղանակը Երևանում
Հայ
Աստանայի գագաթնաժողովում մթնոլորտը բարենպաստ էր Հայաստանի համար. քաղաքագետ
15:04
03 Դեկտեմբերի 2010

Աստանայում ԵԱՀԿ գագաթնաժողովի ընդհանուր մթնոլորտը բարենպաստ էր Հայաստանի համար, ինչի մասին է վկայում ԵԱՀԿ Մինսկի խմբի համանախագահ երկրների դիրքորոշումը, կարծում է «Նորավանք» գիտակրթական հիմնադրամի տնօրեն Գագիկ Հարությունյանը։

Լեռնային Ղարաբաղի հակամարտության կարգավորման ԵԱՀԿ Մինսկի խմբի համանախագահ երկրների պատվիրակությունների ղեկավարները, ովքեր մասնակցել են Աստանայի գագաթնաժողովին, ինչպես նաև Հայաստանի և Ադրբեջանի նախագահներ Սերժ Սարգսյանը և Իլհամ Ալիևը չորեքշաբթի հանդես են եկել հայտարարությամբ այն մասին, որ եկել է ղարաբաղյան հակամարտության վերաբերյալ վճռական քայլերի ժամանակը:

Հայտարարությունում կոչ է արվում Հայաստանի և Ադրբեջանի նախագահներին՝ ուշադրությունը բևեռել Լեռնային Ղարաբաղի հակամարտության վերջնական կարգավորմանը ձգտելու վերաբերյալ միջազգային իրավունքի սկզբունքների և նորմերի, Միավորված Ազգերի Կազմակերպության կանոնադրության, Հելսինկիի եզրափակիչ ակտի, ինչպես նաև Մեդվեդևի, Սարկոզիի և Օբամայի՝ 2009 թվականի հուլիսի 10-ին Ակվիլայում, և 2010 թվականի հունիսի 26-ին Մուսկոկում արված հայտարարության հիման վրա:

«Աստանայի գագաթնաժողովի արդյունքում ընդունված վերջնական հռչակագրում չի հիշատակվում Ղարաբաղը, ինչը վկայում է ԵԱՀԿ մոտեցումների փոփոխության մասին, և համանախագահ երկրների հայտարարությունը ցույց է տալիս, որ ղարաբաղյան խնդրի շուրջ ստեղծված հիմնական ֆոնը փոխվել է Հայաստանի օգտին»,- ուրբաթ լրագրողներին ասաց Հարությունյանը։ Այդ կապակցությամբ նա դրական է համարում հայտարարությունում Միավորված ազգերի կազմակերպության կանոնադրության հիշատակումը:

Քաղաքագետը նշեց, որ դրան նպաստել է եկու հանգամանք՝ Ռուսաստանի դերի ամրապնդումը ԵԱՀԿ Մինսկի խմբում և հայկական կողմի դիրքերի ամրապնդումը, որը սկսվել է 2010 թվականի փետրվարին Չաթըմ Հաուսում Սերժ Սարգսյանի ելույթից։

Հարությունյանն ավելացրեց, որ հայկական կողմը վճռականություն դրսևորեց և ցույց տվեց, որ խնդրի լուծումը ռազմական ճանապարհով անհեռանկարային է, և ադրբեջանական կողմը փակուղի է մտել, ինչը նախագահ Ալիևին ստիպում է զիջել դիրքերը։

«Ալիևն Աստանայում հասկացավ իր դիրքերի խոցելիությունն ընդհանուր քաղաքական ֆոնի ներքո և որոշեց խուսափել Հայաստանի նախագահի հետ հանդիպումից»,- ասաց նա։

Քաղաքագետը բարձր գնահատեց Սարգսյանի ելույթը՝ նշելով, որ արվեցին բոլոր անհրաժեշտ շեշտադրումները և ճիշտ բերվեց Նախիջևանում հայկական միջնադարյան գերեզմանատան ոչնչացման օրինակը։
 
Հայաստանի նախագահը, հանդես գալով Աստանայում՝ ԵԱՀԿ գագաթնաժողովում, ասել է, որ Նախիջևանի հայկական գերեզմանատան ոչնչացումը հայկական մշակութային ժառանգության լրիվ ոչնչացման երկարատև և հետևողական քաղաքականության բարձրակետն էր։

Ադրբեջանի իշխանությունների թողտվությամբ Նախիջևանի Հին Ջուղայի հին հայկական գերեզմանոցը այլևս գոյություն չունի և ադրբեջանցիների կողմից վերածվել է ռազմակայանի։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: