483.58
+0.74
513.85
-7.76
7.67
+0.05
+2
Եղանակը Երևանում
Հայ
Դամասկոսում Փոխըմբռնման հուշագիր է ստորագրվել Հայաստանի և Սիրիայի խորհրդարանների միջև
12:40
24 Նոյեմբերի 2010

ՀՀ ԱԺ նախագահ Հովիկ Աբրահամյանը և ՍԱՀ ԺԺ նախագահ Մահմուդ ալ-Աբրաշը նախօրեին Դամասկոսում Փոխըմբռնման հուշագիր են ստորագրել, «Նովոստի-Արմենիա» գործակալությանը հայտնեցին հայկական խորհրդարանի մամուլի ծառայությունից։

Փաստաթուղթն ուղղված է բարեկամական կապերի և համագործակցության զարգացմանն ու ամրապնդմանը։

ՀՀ ԱԺ նախագահ Հովիկ Աբրահամյանը շնորհակալություն է հայտնել հրավերի և ջերմ ընդունելության համար և վերահաստատել Մահմուդ ալ-Աբրաշին պաշտոնական այցով Հայաստան այցելելու իր հրավերը, որը սիրով ընդունվել է:

Առանձնազրույցից հետո երկու խոսնակները շրջայց են կատարել Սիրիայի խորհրդարանի շենքում, որից հետո տեղի է ունեցել ՀՀ ԱԺ և ՍԱՀ ԺԺ պատվիրակությունների հանդիպումը ընդլայնված կազմով:

Ողջունելով ներկաներին` ՀՀ ԱԺ նախագահը նշել է, որ Հայաստանը և հայ ժողովուրդն ամենաջերմ զգացումներն են տածում   Սիրիայի և Սիրիայի ժողովրդի  նկատմամբ, որի հետ հայերին կապում են պատմամշակութային ընդհանրություններն ու դարավոր բարեկամությունը:

Հովիկ Աբրահամյանը շեշտել է, որ հայ ժողովրդի պատմության մեջ Սիրիան ունեցել է ճակատագրական նշանակություն, և հայ ժողովրդի գոյատևումը մեծապես պայմանավորված է այն աջակցությամբ, որի շնորհիվ 20-րդ դարի սկզբին բռնագաղթված տասնյակ հազարավոր հայեր ապաստան գտան Սիրիայի հյուրընկալ հողում:

ԱԺ նախագահը բարձր է գնահատել երկու երկրների միջև գոյություն ունեցող քաղաքական հարաբերությունները և կարևորել  տնտեսական կապերի ակտիվացումը: Նա անհրաժեշտ է համարել միջխորհրդարանական գործակցության զարգացումը, բարեկամության խմբերի գործունեության ակտիվացումը և փոխայցերը:

Կարևորվել է նաև միջազգային կառույցներում համագործակցությունը։

Մահմուդ ալ-Աբրաշը շնորհակալություն հայտնեց Հովիկ Աբրահամյանին իր հրավերը ընդունելու և Սիրիա այցելելու համար և նշեց, որ բարձր է գնահատում խորհրդարանական դիվանագիտության դերը երկկողմ հարաբերությունները ամրապնդելու հարցում:

Զրուցակիցները համակարծիք էին, որ Հայաստանի և Սիրիայի ժողովուրդների միջև առկա է փոխադարձ անկեղծ համակրանք, որն ամրապնդում է երկու երկրների բարեկամական հարաբերությունները:

Կողմերը համաձայնեցին, որ հայ-սիրիական հարաբերությունների ներուժն ամբողջությամբ իրացնելու գործում յուրահատուկ ներդրում կարող են կատարել երկու երկրների խորհրդարանականները:

Հանդիպման ընթացքում երկու երկրների պատգամավորները կարևորեցին Սիրիայի հայ համայնքի դերը հայ-սիրիական համագործակցությունը խորացնելու գործում:

Անդրադարձ եղավ նաև տարածաշրջանային խնդիրներին, ղարաբաղյան հակամարտության խաղաղ կարգավորման գործընթացին, հայ-թուրքական հարաբերություններին և երկկողմ հետաքրքրություն ներկայացնող այլ հարցերի ևս:

Հայկական խորհրդարանի խոսնակի գլխավորած պատվիրակությունը նոյեմբերի 22-ից պաշտոնական այցով Սիրիայում է գտնվում։

Պատվիրակության կազմում են ՀՀԿ խմբակցության ղեկավար Գալուստ Սահակյանը, ՀՅԴ խմբակցության ղեկավար Վահան Հովհաննիսյանը, ԱԺ գյուղատնտեսական և բնապահպանական հարցերի մշտական հանձնաժողովի նախագահ Խաչիկ Հարությունյանը, ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Արամ Սաֆարյանը, պատգամավորներ Անահիտ Բախշյանը, Սուրիկ Պողոսյանը, Մարտին Սարգսյանը, ԱԺ աշխատակազմի ղեկավար Գեղամ Ղարիբջանյանը: -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: