485.33
+0.37
572.16
-1.31
8.2
-0.02
-1
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Հայաստանի խորհրդարանական ընդդիմությունն առաջարկում է ավելի ակտիվ պայքարել ընտրախախտումների դեմ
16:04
22 Նոյեմբերի 2010

Հայաստանի խորհրդարանական ընդդիմությունն առաջարկում է բարձրացնել քարոզարշավի արդյունավետությունը, բարձրացնել հանրապետությունում ընտրական գործընթացների ժամանակ ընտրախախտումների դեմ պայքարում իրավապահ մարմինների ներգրավվածությունը:

Ինչպես երկուշաբթի «Հայաստանի ներկայացրած ընտրական օրենսգիրքը և միջազգային հեռանկարները» համաժողովի ժամանակ նշեց «Ժառանգություն» խորհրդարանական ընդդիմադիր խմբակցության ղեկավար Ստեփան Սաֆարյանը, «Ժառանգություն» և ՀՅԴ խորհրդարանական ընդդիմադիր խմբակցությունները մի քանի խնդիր են նշում Հայաստանի ընտրական գործընթացներում, մասնավորապես՝ ընտրողների կողմից մեկ անգամից ավել քվեարկության դեպքերը, քարոզարշավի և քվեարկության ընթացքի իրավական վերահսկողության անկատարելիությունը, քաղաքականության մեջ կնոջ ներգրավվածության անբավարար մակարդակը, ինչպես նաև ընտրողների կաշառվածությունը:

Պատգամավորն ընդգծեց, որ ընդդիմությունն առանձնահատուկ կարևորում է այս խնդիրների լուծումը, մեխանիզմների մշակումը, որոնք կբացառեն կրկնակի քվեարկության հնարավորությունը, հավասար պայմաններ կապահովեն ընդդիմության և իշխանության համար: Սաֆարյանն ավելացրեց, որ կուսակցության ընտրացուցակներում շուրջ 30 տոկոսը պետք է կանայք լինեն:

«Լավ ընտրություններ անցկացնելու համար բավական է Հայաստանի գործող Ընտրական օրենսգիրքը: Դրա համար միայն հարկավոր է իշխանությունների քաղաքական կամքը, գործընթացի թափանցիկությունն ու դրա մեջ բոլոր ուժերի ներգրավվածությունը», - ասաց պատգամավորը:

Նրա խոսքերով, 2008թ.-ին Ընտրական օրենսգրքի բարեփոխման աշխատանքային խմբի աշխատանքների ժամանակ խմբի առաջարկների մեծ մասը հավանության արժանացավ, սակայն որոշների շուրջ փոխհամաձայնություն ձեռք չբերվեց: Ինչպես հիշեցրեց Սաֆարյանը, խմբի աշխատանքն ավարտվեց նույն 2008թ.-ին:

«Այդ պատճառով մեզ համար անսպասելի էր, երբ խումբն առանց ընդդիմության մասնակցության Վենետիկի հանձնաժողով փոփոխությունների միանգամից երկու օրինագիծ ներկայացրեց», - ասաց պատգամավորն՝ ավելացնելով, որ ընդդիմությունը ստիպված էր Ընտրական օրենսգրքում փոփոխությունների այլընտրանքային օրինագիծ մշակել:

Սաֆարյանը նշեց, որ համաժողովը կարող է օգնել մերձեցնել իշխանության և ընդդիմության տեսակետները, միավորել Ընտրական օրենսգրքում կողմերի առաջարկած փոփոխությունները:

ՀՅԴ-ի խորհրդարանական խմբակցության ղեկավար Վահան Հովհաննիսյանը համաժողովի մասնակիցներին հղած իր նամակում նշել է, որ ամեն անգամ, երբ Հայաստանում սկիզբ է առնում հերթական նախընտրական շրջանը, հատկապես խորհրդարանական ընտրություններից առաջ, իշխանությունները բուռն գործունեություն են ծավալում ՀՀ Ընտրական օրենսգրքի բարելավման, կատարելագործման և եվրոպական չափանիշներին հասցնելու ուղղությամբ: Իր նամակում Հովհաննիսյանը հայտարարել է, որ արդար ընտրություններ անցկացնելու համար պետք է մատչելի դարձնել քվեարկություններին մասնակցած ընտրողների անվանացանկերը:

«Այս առաջարկն առաջին անգամ չի հնչում: Մեր կուսակցության կողմից այն բազմիցս ներկայացվել է, սակայն ՀՀ իշխանությունների կողմից ընտրության գաղտնիության պատրվակով միշտ մերժվել է... Ընտրողների մասնակցության գաղտնիությունը զուտ ձևական բնույթ է կրում: Դատեք ինքներդ. երկրում կա մոտ երկու հազար ընտրական տեղամաս, յուրաքանչյուր տեղամասում ընտրության պահին գտնվում են հանձնաժողովի յոթ անդամներ, կուսակցությունների և մեծամասնական թեկնածուների երկու-երեք տասնյակ վստահված անձիք, բազմաթիվ առաքելություններ ներկայացնող դիտորդներ և այլն: Դրան գումարենք ոստիկաններին, լրագրողներին, հենց իրենց՝ ընտրողներին, և պարզ թվաբանական հաշվարկը ցույց կտա, որ ընտրությանը քաղաքացիների մասնակցելու փաստին այս կամ այն չափով տեղեկացված է առնվազն քառորդ միլիոն մարդ», - կարծում է Հովհաննիսյանը:

Պատգամավորի կարծիքով՝ գաղտնի պետք է մնա ոչ թե ընտրություններին մասնակցելու փաստը, այլ ինքը քվեն՝ այն, թե ինչպես է քվեարկել քաղաքացին:

«Հայաստանի ներկայացրած ընտրական օրենսգիրքը և միջազգային հեռանկարները» համաժողովի կազմակերպիչներն են Հայաստանի Ազգային ժողովը, ՀՀ կենտրոնական ընտրական հանձնաժողովը, Եվրոպայի խորհրդի գրասենյակը Հայաստանում, ԵԱՀԿ-ի երևանյան գրասենյակը, USAID-ի հայաստանյան առաքելությունն ու Ընտրական համակարգերի միջազգային հաստատությունը (IFES):-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։