485.92
+0.24
514.49
-2.52
8.16
-0.01
-9
Եղանակը Երևանում
Հայ
Հայաստանում տարեկան շուրջ 1400-1450 մարդ է հիվանդանում տուբերկուլյոզով. փորձագետ
17:13
17 Նոյեմբերի 2010

ԵՐԵՎԱՆ, 17 նոյեմբերի. /Նովոստի-Արմենիա/. Տուբերկուլյոզի ազգային ծրագրի կենտրոնական գրասենյակի վիճակագրական տվյալների համաձայն, Հայաստանում տարեկան շուրջ 1400-1450 մարդ (բնակչության շուրջ 0,04 տոկոսը) հիվանդանում է տուբերկուլյոզով, չորեքշաբթի լրագրողներին տեղեկացրեց Երևանի Մխիթար Հերացու անվան պետական բժշկական համալսարանի Ֆթիզիոպուլմոնոլոգիայի ամբիոնի դոցենտ Լյուբով Նիկոլայանը:

«Վիճակագրական տվյալների համաձայն, Հայաստանում տարեկան 100 000-ից շուրջ 44-45 հոգի հիվանդանում է տուբերկուլյոզով, որոնցից 4-5-ը մահանում է», - ասաց Նիկոլայանը:

Դոցենտի խոսքերով՝ չնայած բոլոր երկրներում տուբերկուլյոզով հիվանդների թիվն ավելանում է, Հայաստանում վերջին տարիներին այդ թվերը մխիթարական են:

Հայաստանում տուբերկուլյոզով հիվանդների թիվն ավելացավ Սպիտակում և Գյումրիում տեղի ունեցած երկրաշարժից հետո, և աճի միտումը պահպանվեց մինչև 1996թ.-ը՝ կազմելով բնակչության ընդհանուր թվի 0,067 տոկոս: 1996-2002թթ.-ին այս ցուցանիշն անփոփոխ մնաց, սակայն 2002 թ.-ից հետո և մինչ օրս նկատվում է տուբերկուլյոզով հիվանդների թվի մինչև 0,037 տոկոս անկում:

«Այս ցուցանիշների նվազումը, առաջին հերթին, կապված է այն բանի հետ, կառավարությունը վերջին շրջանում մարզերում բարելավել է տուբերկուլյոզի կանխարգելման միջոցառումներն այդ հիվանդությամբ հիվանդանալու ռիսկին ենթարկվող մարդկանց շրջանում, որոնց թվում են ազատազրկման վայրերում գտնվողները և զինծառայողները», - ասաց նա:

Նիկոլայանը ընդգծեց, որ տուբերկուլյոզից մահանալու դեպքերում մեղավոր են հենց հիվանդները, ովքեր հենց առաջին ախտանիշներից հետո բժշկի չեն դիմում:

«Հայաստանում տուբերկուլյոզի բուժումն անվճար է, դիսպանսերում կան բոլոր ժամանակակից տեխնոլոգիաներն ու դեղորայքը, սակայն վիճակագրական տվյալների համաձայն, տուբերկուլյոզով հիվանդների միայն 1/3-ն է դիմում բժշկի առաջին ախտանիշներից հետո, մնացած 2/3-ը դիմում է բժշկի արդեն ծանր վիճակում: Տուբերկուլյոզից մահացած մարդկանց 50 տոկոսը նրանք են, որոնց հիվանդության մասին հայտնի է դարձել հիվանդության արդեն վերջին փուլում», - ասաց նա:

Ինչպես պարզաբանեց մասնագետը, տուբերկուլյոզի բուժումը, եթե հիվանդությունը ժամանակին է հայտնաբերվել, տևում է 6-8 ամիս, առաջին երկու ամսվա ընթացքում հիվանդը բուժումն անցնում է ստացիոնար պայմաններում, որտեղ անցնում է հակամանրէաբանական բուժում, և մասնագետները հետևում են օրգանիզմի վրա դեղորայքի ազդեցության գործընթացը, ինչից հետո 4-6 ամսվա ընթացքում հիվանդը կարող է բուժումն անցնել ամբուլատոր պայմաններում մասնագետի հսկողության տակ:

«Հիվանդության առաջին ախտանիշները գրեթե չեն տարբերվում թոքերի և վիրուսային հիվանդությունների ախտանիշներից, առկա է օրգանիզմի ընդհանուր թուլություն, հոդացավեր, գլխացավ, ախորժակի բացակայություն,  տենդ, մշտական հազ, խորխի արտադրություն, այս ախտանիշներից հետո հարկավոր է դիմել բժշկի: Ցավոք, հիվանդները մասնագետին են դիմում միայն արյունախխումից հետո, երբ հիվանդությունն արդեն բավականին խորացած է», - նշեց Նիկոլայանը:

Առողջապահության համաշխարհային կազմակերպության տվյալներով՝ ամեն տարի գրանցվում է տուբերկուլոզի կայուն ձևերի 500.000 դեպք, իսկ հիվանդների թիվը կազմում է ավելի քան 1 մլն մարդ: Յուրաքանչյուր տարի աշխարհում մահանում է այս հիվանդությամբ 110.000 վարակված։ ԱՀԿ տվյալներով՝ հիվանդների մոտ 62 տոկոսը արձանագրվում է Չինաստանում, Ռուսաստանում և Հնդկաստանում։ -0-

Loading...
Թեմատիկ նյութեր
Բաժնի այլ նյութեր
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։