483.99
+0.93
563.46
+1.42
8.32
+0.02
+11
Եղանակը Երևանում
Հայ
Ադրբեջանական գերության մեջ գտնվող ՀՀ քաղաքացու սպանության գործը պետք է փոխանցվի միջազգային ատյաններին. պատգամավոր
21:41
10 Նոյեմբերի 2010

ԵՐԵՎԱՆ, 10 նոյեմբերի. /Նովոստի-Արմենիա/. Ադրբեջանական գերության մեջ գտնվող ՀՀ քաղաքացի Մանվել Սարիբեկյանի սպանության գործը պետք է փոխանցվի Մարդու իրավունքների եվրոպական դատարան և ՄԱԿ-ի խոշտանգման դեմ կոմիտե (Committee against torture – CAT), կարծում է ՀՀ մարդու իրավունքների առաջին պաշտպան, «Ժառանգություն» ընդդիմադիր խորհրդարանական խմբակցության անդամ Լարիսա Ալավերդյանը:

«Իմ նախաձեռնությամբ խորհրդարանական խմբակցությունների ղեկավարները մեկ ամիս առաջ նամակ են հղել ՄԱԿ-ին, ԵԱՀԿ-ին, ԵՄ-ին և ԵԽ-ին, սակայն մինչ օրս մենք պատասխան չենք ստացել: Ես դա կապում եմ այն բանի հետ, որ այդ կառույցներում նման նախադեպ չի եղել և չկա համապատասխան ընթացակարգ: Բացի այդ, պատասխանի ուշացումը կարող է կապված լինել բյուրոկրատական քաշքշուկների հետ», - չորեքշաբթի մամուլի ասուլիսի ժամանակ ասաց պատգամավորը:

Նրա խոսքերով՝ հայ խորհրդարանականների այս քայլը զուտ քաղաքական գործողություն էր, և դրա վրա չի կարելի կանգ առնել:

«Այս փուլում մեր իրավապահ մարմինները պետք է սկսեն աշխատել համապատասխան միջազգային կառույցների՝ ՄԻԵԴ-ի և ՄԱԿ-ի հետ՝ բողոքարկելով, որ ադրբեջանական կողմը խախտել է Ժնևյան կոնվենցիայի տասնյակ դրույթներ», - նշեց Ալավերդյանը:

Հայաստանի առաջին օմբուդսմենը նշեց նաև, որ մասնավոր կարգով Եվրոպական դատարան կարող է դիմել նաև Սարիբեկյանի ընտանիքը:

«Սարիբեկյանի գործով արդար դատի ապահովման հետևողականությունը կարևոր նշանակություն ունի պատժելիության սկզբունքի իրականացման և նման միջադեպերի կրկնությունը կանխելու տեսակետից», - ընդգծեց պատգամավորը:

Գերեվարված Մ.Սարիբեկյանի մահվան դեպքի առթիվ առանձին դաժանությամբ դիտավորյալ սպանության հատկանիշներով հարուցված քրեական գործի նախաքննությունը Հայաստանում շարունակվում է Ազգային անվտանգության ծառայության քննչական վարչության վարույթում:

Հայկական կողմը նոյեմբերի 4-ին ստացել էր 20-ամյա հայ հովիվ Մանվել Սարիբեկյանի մարմինը՝ Ադրբեջանին փոխանցված այդ երկրի քաղաքացի Հելդար Տագիևի մարմնի դիմաց, ով անօրինական կերպով հատել էր հայկական սահմանը նախորդ տարվա դեկտեմբերին։

Ադրբեջանական ԶԼՄ-ների հաղորդմամբ, գերեվարված Սարիբեկյանն իբր կախվել է հոկտեմբերի 5-ին։ Ավելի վաղ ադրբեջանական ԶԼՄ-ները տեղեկատվություն են տարածել, որում փորձել են ներկայացնել ադրբեջանական կողմից ձերբակալված հայ հովվին որպես «դիվերսիոն խմբի անդամ»։

Արդեն նոյեմբերի 5-ին Հայաստանի գլխավոր դատախազությունը հայտնել է, որ դիակի դատաբժշկական հետազոտության արդյունքում պարզ է դարձել, որ դիակի վրա առկա են կտտանքների հետքեր, ինչը վկայում է, որ Մ.Սարիբեկյանը ենթարկվել է խոշտանգումների, անմարդկային վերաբերմունքի։ Հայաստանի գլխավոր դատախազ Աղվան Հովսեփյանի կարգադրությամբ Ոստիկանությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասով (դիտավորյալ սպանություն՝ առանձին  դաժանությամբ): Նախաքննությունը հանձնարարվել էր ՀՀ ոստիկանության քննչական գլխավոր վարչությանը:

Գեղարքունիքի մարզի Թթուջուր գյուղի բնակիչ Մանվել Սարիբեկյանը (ծնված՝ 27.02.1990թ). գերեվարվել էր 2010 թվականի սեպտեմբերի 11-ին: Նախնական տվյալներով՝ 20-ամյա երիտասարդը մի քանի խոշոր եղջերավոր անասունների տարել էր արոտավայր: Ժամը 17-ի սահմաններում «Քեղուտ» հանդամասում, մառախուղի հետևանքով կորցնելով կողմնորոշումը նա հայտնվել էր հայ-ադրբեջանական սահմանի վրա և գերեվարվել ադրբեջանցիների կողմից: -0-

Loading...
Թեմատիկ նյութեր
Բաժնի այլ նյութեր
22:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
02:05
01 Նոյեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
19:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
00:49
26 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
03:07
25 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
01:23
25 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
21:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
03:10
20 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
22:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
21:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
02:19
19 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
01:10
17 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները: