486.78
-0.64
574.01
+0.22
8.17
+0.03
+4
Եղանակը Երևանում
Հայ
ՀՀ գլխավոր դատախազությունում կրկին հերքում են Հայաստան ՀԴԲ-ի գործակալների ժամանման մասին տեղեկատվությունը
10:21
10 Նոյեմբերի 2010

ԵՐԵՎԱՆ, 10 նոյեմբերի. /Նովոստի-Արմենիա/. Իրականությանը չեն համապատասխանում մամուլի այն հրապարակումները, թե  ԱՄՆ հետաքննությունների դաշնային բյուրոյի 8 աշխատակից է ժամանել Հայաստան ԱՄՆ իրավապահ մարմինների կողմից բանկային և բժշկական ապահովագրության ոլորտում բացահայտված զեղծարարությունների քրեական գործի կապակցությամբ, նշվում է «Նովոստի-Արմենիա» գործակալություն ստացված ՀՀ գլխավոր դատախազության մամուլի ծառայության հայտարարության մեջ:

«Այդ գործով ԱՄՆ Հետաքննությունների դաշնային բյուրոյի որևէ գործակալ Հայաստան չի ժամանել», - նշվում է փաստաթղթում:

Հոկտեմբերի 13-ին Նյու Յորքում և Լոս-Անջելեսում ձերբակալվել է հանցավոր խմբի շուրջ 40 անդամ, որոնց պարագլուխը Հայաստանի արտագաղթյալներ կամ ՀՀ քաղաքացիներ են: Ձերբակալված անձանց կասկածում են ԱՄՆ 25 նահանգներում գոյություն չունեցող 118 բուժհաստատությունների ստեղծման միջոցով շուրջ 162 միլիոն դոլար գողանալու մեջ, ինչն այս բնագավառի պատմության մեջ խոշորագույն մեքենայությունն է: Քննության տվյալների համաձայն՝ հայկական հանցավոր խմբի պարագլուխը «օրենքով գող» Արմեն Ղազարյանն էր, ով ավելի հայտնի է «Պզո» մականունով, նա ձերբակալվել է Երևանում 2009 թ.-ի ապրիլի 7-ին:

Գլխավոր դատախազությունից ընդգծել են, որ հայկական մամուլում տպագրված այդօրինակ լուրերի անհեթեթության մասին փաստել էր ԱՄՆ Հետաքննության դաշնային բյուրոյի իրավական հարցերով կցորդ Քեվին Դոնովանը՝  ՀՀ գլխավոր դատախազի հետ դեռևս հոկտեմբերի 21-ին տեղի ունեցած հանդիպման ժամանակ՝ հայտարարելով, որ  ՀԴԲ-ի որևէ աշխատակից Հայաստան չի ժամանել:

«Ինչ վերաբերում է Դոնովանին, ապա հարկ ենք համարում պարզաբանել, որ նա  տարածաշրջանում ԱՄՆ հետաքննությունների դաշնային բյուրոյի ներկայացուցիչն է և նրա հիմնական նստավայրը Թբիլիսին է», - նշվում է Գլխավոր դատախազության մամուլի ծառայության հայտարարության մեջ:

Մամուլի ծառայությունից հիշեցրել են, որ հանդիպման ընթացքում Դոնովանը  շնորհակալություն է հայտնել ցուցաբերված համագործակցության պատրաստակամության համար և նշել, որ քրեական գործով անհրաժեշտություն առաջանալու դեպքում ԱՄՆ-ն կդիմի իրավական փոխօգնության խնդրանքով: 

«Առ այս պահը Հայաստանի իրավապահ մարմինները չեն ստացել իրավական փոխօգնության խնդրանք, հետևապես մամուլի այն հրապարակումները, թե ՀԴԲ-ի աշխատակիցներ են Հայաստան ժամանել և սկսել իրականացնել ինչ-ինչ ստուգումները՝ ընդամենը հերյուրանքներ են, երևակայության արգասիք», - նշվում է փաստաթղթում:

Գլխավոր դատախազությունից ընդգծեցին, որ որևէ երկրի իրավապահ մարմնի աշխատակից չի կարող որևէ այլ երկրի տարածքում իրականացնել որևէ քննչական գործողություն՝ առանց տվյալ երկրի իրավապահ մարմինների նախնական համաձայնությունը ստանալու:

Հայտարարության մեջ նշվում է, որ Հայաստանի և ԱՄՆ-ի իրավապահները նախկինում ևս համագործակցել են կոնկրետ քրեական գործերով միմյանց ցուցաբերելով իրակավան օգնություն:

«Դիտարկվող քրեական գործը բացառություն չէ: Կլինի իրավական փոխօգնության հարցում՝ դատախազությունն իր լիազորությունների շրջանակներում կաջակցի: Առ այս պահը նման խնդրանք չի ստացվել», - նշվում է հայտարարության մեջ:-0-

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: