478.82
+0.2
557.59
+7.08
8.14
+0.04
+24
Եղանակը Երևանում
Հայ
Թուրքիայի համար վտանգավոր երկրների ցուցակից Հայաստանի բացառումը քարոզչական նպատակներ ունի. փորձագետ
13:51
09 Նոյեմբերի 2010

Հայաստանի բացառումը Թուրքիայի համար վտանգավոր երկրների ցուցակից զուտ քարոզչային նպատակներ ունի, ասաց Հայաստանի պաշտպանության նախարարությանն առընթեր Հանրային խորհրդի անդամ, ռազմական հոգեբան Դավիթ Ջամալյանը։

Թուրքիայի ազգային անվտանգության խորհուրդը հոկտեմբերի վերջին հավանություն է տվել ազգային անվտանգության նոր ռազմավարությանը, այսպես կոչված «Կարմիր գրքին», որը քաղաքական փաստաթուղթ է Թուրքիայի ազգային անվտանգության ոլորտում: Ռազմավարության նոր տարբերակում Հայաստանը և մի շարք այլ երկրներ բացառվում են Թուրքիայի համար արտաքին սպառնալիք ներկայացնող երկրների ցուցակում:

«Եթե թուրքական կողմն առանց նախապայմանների հարաբերությունների կարգավորման հայեցակարգին հետևելու փորձ անի, նշանակում է, հնարավոր է, որ իսկապես քաղաքականությունում որևէ բան վերանայվել է։ Հակառակ դեպքում մենք գործ ունենք Ռուսաստանը տարածաշրջանից դուրս մղելուն ուղղված ակնհայտ քարոզչական ակցիայի հետ»,- երեքշաբթի մամուլի ասուլիսում հայտարարեց Ջամալյանը։

Այդ կապակցությամբ նա պարզաբանեց, որ Հայաստանը հանվել է Թուրքիայի համար վտանգ ներկայացնող երկրների ցուցակից, սակայն այդ ցուցակում շարունակում է մնալ Ռուսաստանը։

 «Չեմ բացառում, որ մեր քաղաքացիական հասարակությունում և հանրային հատվածում կարող են կարծիքներ հնչել այն մասին, որ ռուսական ռազմակայանը խանգարում է հայ-թուրքական հարաբերությունների կարգավորմանը, մինչդեռ մենք քաջ գիտակցում ենք, որ ռուսական բազան մեր անվտանգության ապահովման լրացուցիչ երաշխիքն է»,- ասաց Ջամալյանը։

Փորձագետի կարծիքով, երկու երկրների հարաբերությունների բարելավման համար պետք է փոխվեն երկու կողմերի դիրքորոշումները։

«Եթե թուրքական կողմն իսկապես չի դիտարկում Հայաստանը որպես հակառակորդ, սա պետք է հետևողական քայլերի որոշակի շարունակություն նախատեսի, և, նախևառաջ, հարկ է առողջացնել թուրքական հասարակության դիրքորոշումը Հայաստանի նկատմամբ»,- ասաց նա։

Ջամալյանը կարծում է, որ այդ դեպքում որոշակի փոփոխություններ պետք է կատարվեն Թուրքիայի արժեհամակարգում, պետք է պաշտոնական ուղիներով փոխանցվող դիրքորոշման հանդուրժողականության տարր ձևավորվի։

«Թուրքական հասարակությունը պետք է պատրաստ լիներ շփվել մեզ հետ, սակայն ոչ միայն նման միտում չի նկատվում, այլ նաև, ավելին, Թուրքիայի պաշտոնական քաղաքականությունում որոշակի հակասություններ են նկատվում»,- ասաց նա, պարզաբանելով, որ Հայաստանն այլևս Թուրքիայի հակառակորդը չէ, ու՞մ դեմ է աշխատելու Ադրբեջանի հետ նրա կազմած միությունը։

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: