478.76
-0.07
556.89
-1.04
7.99
+0.01
+33
Եղանակը Երևանում
Հայ
Կարմիր խաչը կշարունակի աջակցել Հայաստանի և Ադրբեջանի միջև գերիների և զոհվածների փոխանակմանը
18:52
04 Նոյեմբերի 2010

Կարմիր խաչի միջազգային կոմիտեն (ԿԽՄԿ) հաստատում է հավատարմությունը Ադրբեջանի և Հայաստանի միջև ռազմագերիների և զոհվածների փոխանակման գործընթացին, ասաց Եվրոպայի և Կենտրոնական Ասիայի ԿԽՄԿ գործողությունների ղեկավար Պասկալ Մեժ Վագները:

Երևանը հինգշաբթի Բաքվին է հանձնել նախորդ տարվա դեկտեմբերի վերջին հայկական սահմանն անօրինական հատած Ադրբեջանի քաղաքացի Հելդար Տագիևին՝ փոխարենը ստանալով ադրբեջանական գերության մեջ զոհված հովիվ Մանվել Սարիբեկյանի մարմինը։ Ադրբեջանական ԶԼՄ-ների հաղորդագրության համաձայն՝ սեպտեմբերի 11-ին գերի վերցված Մանվել Սարիբեկյանն իբր կախվել էր հոկտեմբերի 5-ին։ Ավելի վաղ ադրբեջանական ԶԼՄ-ները տեղեկատվություն էին տարածել, որում փորձել են մոլորված հայ հովվին որպես «դիվերսիոն խմբի անդամ» ներկայացնել:

«Մենք ողջունում ենք 2010 թվականի հոկտեմբերին Աստրախանում Հայաստանի և Ադրբեջանի նախագահների հանդիպման արդյունքում ձեռք բերված պայմանավորվածությունը ռազմագերիներին և զոհվածների աճյունները փոխանակելու վերաբերյալ, ինչպես նաև ԿԽՄԿ-ի հնարավոր օժանդակությունը այս հարցին: Մենք ցանկանում ենք վերստին հաստատել  չեզոք միջնորդ հանդիսացող մեր կազմակերպության պատրաստակամությունը հայրենադարձումներ իրականացնելու գործում: Սակայն հարկ եմ համարում նշել, որ ԿԽՄԿ-ն հայրենադարձում է ազատ արձակված գերիներին միայն համոզվելուց հետո, որ նրանք վերադառնում են հայրենիք իրենց հոժար կամքով», - մեջբերում է Վագների խոսքերը կազմակերպության մամուլի ծառայությունը:

Փոխանցումը տեղի է ունեցել ի կատարումն 2010 թ.-ի հոկտեմբերի 27-ին Աստրախանում Հայաստանի, Ադրբեջանի և Ռուսաստանի նախագահների միջև ստորագրված համաձայնագրի:

Ինչպես նշվում է տեղեկատվության մեջ, հայրենադարձության գործընթացին աջակցելու հնարավորությունը Վագները քննարկել է Հայաստանի և Ադրբեջանի պաշտպանության նախարարների և արտգործնախարարների հետ սեպտեմբերին կայացած հանդիպումների ժամանակ:

«Մենք մշտապես կապի մեջ ենք լինում այն բոլոր ընտանիքների հետ, որոնք ունեն գերի ընկած, անհայտ կորած կամ մահացած հարազատներ և կիսում ենք նրանց անհանգստությունն ու վիշտը։ Միշտ էլ ցավ ես ապրում, երբ ստիպված ես վատ լուր հաղորդել կամ էլ զոհվածի աճյուն հայրենադարձել», - ասել է Երևանում ԿԽՄԿ պատվիրակ Մելանի Վոնրոսպախը, ով մասնակցեց հայրենադարձմանը։

Ինչպես նշվում է տեղեկատվության մեջ, գերության մեջ գտնվող Հայաստանի քաղաքացու մահվան մասին ադրբեջանական իշխանություններից պաշտոնական տեղեկություն ստանալուն պես ԿԽՄԿ-ն անմիջապես տեղեկացրեց զոհվածի ընտանիքին։

Համաձայն իր հանձնառությանը՝ ԿԽՄԿ-ն այցելում է ղարաբաղյան հակամարտության հետևանքով ազատազրկված ռազմագերիներին և ներկալված քաղաքացիական անձանց։ Գործելով որպես չեզոք միջնորդ՝ կազմակերպությունն աջակցում է նրանց հայրենադարձմանը, ինչպես նաև զոհվածների աճյունների հայրենադարձմանը՝ հակամարտող կողմերի համաձայնությամբ:

Ապրիլին ԿԽՄԿ-ն հայրենադարձրել է ադրբեջանցի երկու քաղաքացիական անձանց աճյունները և մեկ ռազմագերի։

Ներկայումս կազմակերպությունը ներգրավված է այլ ներկալված անձանց և զոհվածների աճյունների հայրենադարձման շուրջ քննարկումներում երկու ուղղությամբ, շփման գծում վերջերս զոհված երկու ադրբեջանցի զինվորների աճյունների հայրենադարձման հարցը ներառյալ։

ԿԽՄԿ-ն գործում է Հայաստանում և Ադրբեջանում 1992 թվականից ի վեր՝ ղարաբաղյան հակամարտության հետ կապված։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: