478.38
-0.01
573.43
+2.18
8.23
-0.08
+22
Եղանակը Երևանում
Հայ
Մայրաքաղաքում հրամանատարաշտաբային ուսումնավարժություն անցկացվեց
13:03
02 Նոյեմբերի 2010

ԵՐԵՎԱՆ, 2 նոյեմբերի. /Նովոստի-Արմենիա/. Երևանի քաղաքապետի կողմից հաստատված Երևանի բնակչության պաշտպանության համակարգի նախապատրաստման 2010թ. հիմնական միջոցառումների պլանի համաձայն, նոյեմբերի 1-ին մայրաքաղաքում անցկացվեց հրամանատարաշտաբային ուսումնավարժություն, հաղորդում է Երևանի քաղաքապետարանի տեղեկատվության և հասարակայնության հետ կապերի վարչությունը:

«Հակառակորդի հանկարծակի հարձակման ժամանակ Երևան քաղաքի քաղաքացիական պաշտպանության  միջոցառումների կազմակերպումը և իրականացումը» թեմայով ուսումնավարժության նպատակն էր ստուգել Երևանի քաղպաշտպանության համակարգի` խաղաղ պայմաններից ռազմական դրության անցնելու պատրաստականությունը:

Ուսումնավարժանքի գործնական մասին ներկա էին արտակարգ իրավիճակների նախարար Արմեն Երիցյանը, Երևանի քաղաքապետ Գագիկ Բեգլարյանը, վարժական տագնապով ներկայացած բոլոր պատասխանատուները:

Սցենարի համաձայն, պայմանական թշնամու հարձակման հետևանքով մայրաքաղաքում տուժել են ռազմավարական և քաղաքացիական մի քանի օբյեկտներ: Երևանում պայմանականորեն արտակարգ իրավիճակ էր հայտարարված:

Էլեկտրական շչակով տրվեց <<օդային տագնապ>> ազդանշանը:

Իրականացվեց ղեկավար կազմի և անձնակազմի պատսպարում:

Կազմավորված վրանային ավանում քաղպաշտպանության բժշկական ծառայության և Հայկական կարմիր խաչի ուժերով տուժածները բժշկական օգնություն էին ստանում:

Պայմանական հաջորդ իրավիճակում բախվել են ամոնիակ տեղափոխող ավտոմեքենան և մարդատար ավտոբուսը: Հրշեջներն այստեղ ջրային վարագույրով մեկուսացնում էին բարձր ճնշման տակ գտնվող ամոնիակի ցիստեռնը: Վարակման հնարավոր գոտուց դուրս բերված տուժածներին ցուցաբերվում էր առաջին բուժօգնություն:

Պայմանական թշնամու հարձակումից փլվել էր նաև վարչական շենքին հարակից շինությունը: Փրկարարները փլատակներից դուրս էին բերում տուժածներին: Վարչական շենքում ևս հրդեհ էր բռնկվել: Հրդեհը մարվում էր: Ուսումնավարժանքի վերջին դրվագն օդանավակայանում էր: Այստեղ պայմանական վթարային վայրեջք էր կատարել ՏՈՒ-154 օդանավը: Դեպքի վայր էին ժամանում վթարափրկարարական խմբի հաշվարկները: Ուղևորներին ու անձնակազմին շտապ տարհանում էին, հրդեհը մարվում էր:

Ուսումնավարժանքից Երևանի քաղաքապետը գոհ էր: Կարևորելով հրամանատարաշտաբային ուսումնավարժությունները` Գագիկ Բեգլարյանը նշեց, որ այդ բնույթի միջոցառումներ մայրաքաղաքում պետք է ավելի հաճախ կազմակերպվեն: «Այսպիսի վարժանքները նախ կարևոր են մայրաքաղաքի բնակչությանը աղետներից ու տարբեր վտանգներից զերծ պահելու առումով: Նաև նրանով, որ յուրաքանչյուր պատասխանատու, յուրաքանչյուր մարդ իմանա, թե երբ և ինչ է անելու: Թող վթարներ չլինեն, չլինեն բնական աղետներ, բայց մենք պետք է պատրաստ լինենք: Ես կարևորում եմ մեր համագործակցությունը ԱԻՆ-ի հետ, և անպայման նման միջոցառումներ պետք է ավելի հաճախ անցկացնենք Երևանում»,- նշեց Գագիկ Բեգլարյանը:

 

 

Քաղաքապետը, բարձր գնահատելով վարժանքի արդյունքները, դրվատանքի խոսքեր ասաց նաև վարժանքի մասնակից փրկարարների մասին: «Մեր տղաների արհեստավարժությունը բոլորդ տեսաք: Իրականում նրանք պատրաստվածությամբ չեն զիջում ոչ մի այլ պետության փրկարարներին: Երևանցիները կարող են միանշանակ վստահել մեր տղաներին: Համոզված եմ, որ նրանց մասնագիտական կարողությունները ավելի ու ավելի են զարգանալու»:

 

ՀՀ արտակարգ  իրավիճակների նախարար Արմեն Երիցյանի խոսքով` ուսումնավարժանքները նպաստում են փրկարարական խմբերի էլ ավելի պատրաստվածությանը: «Ուսումնավարժանքի ընթացքում կարողանում ենք հայտնաբերել ինչպես մեր թերությունները, այնպես էլ ուժեղ կողմերը: Այսպիսի ուսումնավարժանքները ես շատ եմ կարևորում: Մենք պետք է պատրաստ լինենք միշտ»,- նշեց ՀՀ ԱԻՆ նախարարը: -0-

Loading...
Թեմատիկ նյութեր
Բաժնի այլ նյութեր
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին: