484.68
+0.06
530.14
+2.1
8.5
-0.03
+12
Եղանակը Երևանում
Հայ
Թուրքական ընդդիմադիր կուսակցության ներկայացուցիչների այցը Հայաստան Թուրքիայի իշխանությունների պարզունակ քարոզչական քայլն է. փորձագետ
15:40
01 Նոյեմբերի 2010

Իբր հայ-թուրքական բարելավման օգտին հանդես եկող «Հզոր Թուրքիա» թուրքական ընդդիմադիր կուսակցության ներկայացուցիչների այցը Հայաստան Թուրքիայի իշխանությունների պարզունակ քարոզչական քայլն է, կարծում է թուրքագետ Ռուբեն Մելքոնյանը։

Նախորդ շաբաթվա վերջին «Հզոր Թուրքիա» թուրքական ընդդիմադիր կուսակցության ներկայացուցիչները Երևանում են գտնվել և մտադիր են եղել Հայաստանում ասուլիս անցկացնել և հանդիպել Հայաստանի ԱԳՆ ներկայացուցիչներին, սակայն արտաքին քաղաքականության գերատեսչությունը մերժել է ընդունել նրանց։

«Թուրքիայի իշխանությունները ժամանակ առ ժամանակ Հայաստան են ուղարկում տարբեր էմիսարների, ինչպիսին են «Հզոր Թուրքիա» կուսակցության ներկայացուցիչները։ Անհրաժեշտ է ընդգծել, որ այդ կուսակցությունը որևէ վարկանիշ չունի սեփական երկրում։ Իշխանությունները պարզապես դրանով շատ պարզունակ քայլի են դիմել՝ այցելել Հայաստան «կառուցողական» և «բարիդրացիական» մտադրություններով»,- երկուշաբթի մամուլի ասուլիսի ժամանակ ասաց Մելքոնյանը։

Թուրքագետի կարծիքով, նման առաքելությունների նպատակը պատրանք ստեղծելն է, թե Թուրքիայում քաղաքական բազմակարծություն կա, և արմատական ազգայնականներին զուգընթաց կան «ազատական» ուժեր, սակայն իրականում այդ կուսակցության գաղափարախոսությունը որևէ կերպ չի տարբերվում պետական քաղաքականությունից։

«Նրանց աշխատաոճում շատ հակասություններ կան։ Նրանք հայտարարում են, որ իրենց այցը բացառապես ժողովրդական դիվանագիտության օրինակ է՝ ընդունելություն պահանջելով ԱԳՆ-ից»,- նշեց նա։

Ըստ նրա, թուրք քաղաքագետներն ունեին «մաքսիմում-ծրագիր»՝ Հայաստանում ասուլիս կազմակերպել, հանդիպել ԱԳՆ ներկայացուցիչներին, և «մինիմում-ծրագիր»՝ Երևանում մամուլի ասուլիս ունենալ և հայտնել սեփական մտադրությունները։

Թուրքագետը հայ լրագրողներին կոչ արեց ավելի քիչ ուշադրություն դարձնել թուրքական իշխանությունների նմանատիպ քարոզչական գործողություններին, քանի որ նրանք հենց դրան էլ սպասում են։

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը: -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: