484.96
+0.3
573.47
-1.05
8.22
-0.04
-1
Եղանակը Երևանում
Հայ
ԱՄՆ-ն և Ֆրանսիան ողջունել են Հայաստանի, Ադրբեջանի և Ռուսաստանի նախագահների համատեղ հայտարարությունը
13:27
29 Հոկտեմբերի 2010

ԱՄՆ-ն և Ֆրանսիան ողջունել են Աստրախանում հոկտեմբերի 27-ին արված Հայաստանի, Ադրբեջանի և Ռուսաստանի նախագահների համատեղ հայտարարությունը, ուրբաթ հաղորդում են հայկական ԶԼՄ-ները:

Չորեքշաբթի տեղի ունցած եռակողմ հանդիպման արդյունքում Ռուսաստանի, Ադրբեջանի և Հայաստանի նախագահները Հռչակագիր են ստորագրել, որտեղ ռազմագերիների փոխանակում է նախատեսվում և որը կրում է մարդասիրական բնույթ: Հռչակագիրն ուղղված է վստահության միջոցների ամրապնդմանը:

«ԱՄՆ պետքարտուղարը ողջունում է հոկտեմբերի 27-ին Աստրախանում արված նախագահների հայտարարությունը, որով Հայաստանն ու Ադրբեջանը պայմանավորվել են ԵԱՀԿ Մինսկի խմբի և Կարմիր խաչի միջազգային կոմիտեի աջակցությամբ իրականացնել ռազմագերիների փոխանակում ու վերադարձնել զոհվածների մարմինները», - մեջբերում են ԶԼՄ-ները Վաշինգտոնում ճեպազրույցի ժամանակ արված ԱՄՆ պետքարտուղարի տեղակալ Ֆիլիպ Քրոուլիի խոսքերը:

«Մենք բարձր ենք գնահատում համաձայնության ձեռք բերմանն ուղղված նախագահ Մեդվեդևի ջանքերը, որը կողմերի միջև փոխադարձ վստահություն է ձևավորում և ուղղված է 1994 թ.-ին հաստատված հրադադարի ռեժիմի ամրապնդմանը», - ասել է Քրոուլին:

Աստրախանում կայացած հանդիպումը վերջին երկու տարվա ընթացքում ՌԴ նախագահ Դմիտրի Մեդվեդևի նախաձեռնությամբ և աջակցությամբ անցկացված թվով յոթերորդ հանդիպումն էր:

«Այս համատեղ հայտարարությունը դրական զարգացում է ղարաբաղյան հակամարտության խաղաղ կարգավորմանը հասնելու ԵԱՀԿ Մինսկի խմբի գործընթացում: Համաձայնագրում ամրագրված քայլերի շուտափույթ իրականացում ենք ակնկալում», - ավելացրել է ԱՄՆ պետքարտուղարի տեղակալը:

Փարիզը ողջունում է Ադրբեջանի, Հայաստանի և Ռուսաստանի նախագահների համատեղ հռչակագիրը, որը ընդունվել է ՌԴ նախագահ Դմիտրի Մեդվեդևի նախաձեռնությամբ, ասվում է ղարաբաղյան հակամարտության կարգավորման ԵԱՀԿ ՄԽ համանախագահ-երկիր Ֆրանսիայի արտգործնախարարության մամուլի ծառայության հայտարարության մեջ:

«Աստրախանում կողմերի համաձայնեցրած միջոցները կարող են օգնել նվազեցնելու լարվածությունը և հրադադարի ռեժիմի խախտման դեպքերը, որոնք ավելացել են վերջին ամիսների ընթացքում: Հենց դա է պատճառը, որ Ֆրանսիան ակնկալում է, որ դրանք անհապաղ կիրագործվեն», - նշվում է արտգործնախարարության հայտարարության մեջ, հաղորդում է «ՌԻԱ Նովոստին»:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: