483.55
-0.56
568.22
-2.21
8.18
-0.05
+4
Եղանակը Երևանում
Հայ
Ռուբեն Գալչյանի «Հորինված պատմություն» գիրքը հակահարված է ադրբեջանական քարոզչությանը
16:58
28 Հոկտեմբերի 2010

«Հորինված պատմություն. Ադրբեջան և Հայաստան, կեղծիքներ ու փաստեր» գիրքը հակահարված է Ադրբեջանի հակահայկական քարոզչությանը, հինգշաբթի լրագրողներին ասաց գրքի հեղինակ, Լոնդոնում Հայաստանի նախկին Պատվո հյուպատոս, քարտեզագետ Ռուբեն Գալչյանը:

Գրքի հայերեն և ռուսերեն տարբերակների շնորհանդեսը տեղի է ունեցել հինգշաբթի Երևանում: Գրքի անգլերեն տարբերակը լույս է տեսել 2009 թ.-ին: Գիրքը գրված է որպես պատասխան անցյալ 50 տարիների ադրբեջանական գիտական հրատարակություններում առկա հակահայ հերյուրանքների ու կեղծիքների:

«Նմանատիպ ադրբեջանական գրքերը լույս են տեսնում եվրոպական տարբեր լեզուներով և անվճար տրամադրվում են ողջ աշխարհի գրադարաններին, համալսարաններին ու քաղաքական կառույցներին», - ասաց Գալչյանն՝ ավելացնելով, որ այս ամենին ի պատասխան՝ հայկական կողմն այս տարիների ընթացքում կարողացել է միայն մի քանի հոդված ներկայացնել:

«Եթե մենք հետագայում ևս շարունակենք լռել, ապա մի քանի սերունդ անց Հայաստանի մասին ոչինչ չիմացող երիտասարդությունը աշխարհի գրադարաններում կգտնի միայն ադրբեջանական աշխատություններ, որոնք կհավաստիացնեն, որ հայերը Հայկական լեռնաշխարհի տարածքում եկվորներ են», - ասաց նա:

Քարտեզագետի խոսքերով՝ այս գրքում հին և նոր քարտեզների, տարբեր նյութերի հիման վրա արտացոլված է 1918 թ.-ին «Ադրբեջանի Հանրապետություն» անունը կրող երկրի առաջացման պատմությունը:

«Գրքում ներկայացված փաստաթղթային նյութը հաստատում է 20-րդ դարում Ադրբեջանի ծագման ճշմարտությունը՝ ադրբեջանցիների այն պնդումներին ի հակառակ, թե նրանք Կովկասի ալբանացիների հետնորդներն են», - ասաց Գալչյանը:

Այս համատեքստում գրքի հեղինակն իր տարակուսանքը հայտնեց այն բանի կապակցությամբ, որ ադրբեջանցիները ևս հայտարարում են թուրքերի հետ իրենց ազգակցության մասին:

«Սա պարզապես պարադոքս է, թուրքերի և Կովկասի ալբանացիների միջև որևէ ընդհանուր բան չկա, և հետո ինչու՞ են ադրբեջանցիներն իրենց ձեռքով ոչնչացնում Նախիջևանում գտնվող քրիստոնեական ժառանգության բոլոր հուշարձանները, որոնք, նրանց խոսքերով, «ալբանացիների» ժառանգությունն են», - ասաց քարտեզագետը:

Ադրբեջանցիների այն հայտարարությունների համատեքստում, որ հայերը Հայկական լեռնաշխարհում հայտնվել են 1810-ականներին, Գալչյանն ընդգծեց, որ 2500 տարվա բոլոր օտարերկրյա քարտեզների վրա տարածաշրջանի գոյություն ունեցող երկրներից նշված են միայն Հայաստանն ու Իրանը, Թուրքիան քարտեզների վրա հայտնվել է 13-րդ դարում, Վրաստանը՝ 12-րդ դարում, իսկ Ադրբեջանը՝ միայն 1918 թ.-ին:

Վերջում քարտեզագետը կարևորեց մեծ քանակությամբ նման գրքերի ստեղծումը:

2004 թ.-ին անգլերենով լույս է տեսել Գալչյանի առաջին ուսումնասիրությունը՝ «Հայաստանի պատմական քարտեզները», որտեղ հավաքված են աշխարհի տարբեր գրադարաններում և թանգարաններում գտնվող քարտեզները, որոնց վրա Հայաստանը պատկերացված է մ.թ.ա 6-րդ դարից սկսած մինչև մեր օրերը:-0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: