486.78
+0.12
515.5
+2.27
8.41
+0.01
-2
Եղանակը Երևանում
Հայ
Հայաստանի խորհրդարանական խմբակցությունները Ադրբեջանում հայ գերու մահվան համակողմանի հետաքննություն են պահանջում
15:31
08 Հոկտեմբերի 2010

Հայաստանի Ազգային ժողովի խմբակցությունները Ադրբեջանում հայ գերու մահվան համակողմանի հետաքննություն են պահանջում, հայտարարեց «Ժառանգություն» ընդդիմադիր խմբակցության քարտուղար, ՀՀ առաջին օմբուդսմեն, իրավապաշտպան Լարիսա Ալավերդյանը:

Ադրբեջանական լրատվամիջոցները, վկայակոչելով երկրի պաշտպանության նախարարության և ռազմական դատախազության համատեղ հայտարարությունը, հայտնում են, որ  հոկտեմբերի 5-ին, գիշերը ժամը 03:00-ին ինքնասպանություն է գործել սեպտեմբերի 11-ից Ադրբեջանում գերության մեջ գտնվող ՀՀ քաղաքացի Մանվել Սարիբեկյանը: Ըստ հաղորդագրության՝ Սարիբեկյանի  պարանոցի վրա հայտնաբերվել է կախվողներին բնորոշ հետք, իսկ դատաբժշկական փորձաքննությունը նրա մարմնի վրա բռնության հետքեր չի հայտնաբերել։

«Բոլոր խորհրդարանական խմբակցությունները ստորագրել են չորս նամակների տակ, որոնք կազմել է «Ժառանգություն» խմբակցությունը, այն հասցեագրված է ՄԱԿ-ի գլխավոր քարտուղարին, Եվրախորհրդարանի, ԵԽԽՎ-ի, ԵԱՀԿ ԽՎ-ի ղեկավարներին մեկ հիմնական պահանջով՝ Սարիբեկյանի մահվան փաստով հետաքննությունը պետք է իրականացվի համապատասխան փորձագետների և հայկական կողմից ներկայացուցիչների պարտադիր մասնակցությամբ», - ուրբաթ խորհրդարանական ճեպազրույցի ժամանակ ասաց Ալավերդյանը:

Նա նշեց, որ հակառակ դեպքում հայկական կողմը կստանա պարզամիտ բացատրություններ, անմիտ հիմնավորումներ, ըստ որոնց՝ հովիվը դառնում է դիվերսանտ:

«Փորձը թույլ է տալիս ինձ ասել, որ Մանվել Սարիբեկյանի մահը այն դեպքերից մեկն է, երբ գերի ընկածները տանջամահ են լինում», - ասաց Ալավերդյանը:

Ինչպես հայտարարեց «Օրինաց երկիր» խմբակցության անդամ Հովհաննես Մարգարյանը, այսօրվա դրությամբ ոչ ոք չի կարող աչք փակել այն փաստի վրա, որ Սարիբեկյանի մահն ինքնասպանություն չէր, այլ սպանություն:

Այդ պատճառով, նրա խոսքերով, խմբակցությունն ուղերձ է ստորագրել, որում դատապարտում է այդ փաստն ու լուրջ հետաքննության անցկացում է պահանջում, որպեսզի տեղի ունեցածը մանրամասն ուսումնասիրվի, իսկ ճշմարտությունը բացահայտվի:

«Անպատիժ մնացած հանցագործությունը ծնում է նոր հանցագործություն, և միջազգային հանրությունը պետք է ոչ միայն լրջորեն դատապարտի այդ փաստը, այլև լուրջ գործողություններ ձեռնարկի», - ասաց Մարգարյանը:

Նախօրեին ԵԽԽՎ-ում հայկական պատվիրակությունում «Ժառանգություն» խմբակցության ներկայացուցիչ Զարուհի Փոստանջյանը ներկայացրել է «Ադրբեջանում հայ գերու մահը» հռչակագիրը, որը շրջանառության մեջ է մտցվել: Հռչակագիրն արդեն 26 ստորագրություն է հավաքել, այդ թվում նաև հայկական պատվիրակության ներկայացուցիչների ստորագրությունը: Հռչակագրում որպես հիմնական պահանջ ներկայացված է անկախ հետաքննության անցկացման գործում միջազգային փորձագետների ներգրավելու անհրաժեշտությունը:

ՀՀ պաշտպանության նախարարությունը հայտարարություն է տարածել, որում Ադրբեջանին մեղավոր է համարում Ադրբեջանում գերության մեջ գտնվող ՀՀ քաղաքացու ողբերգական մահվան համար, քանի որ «որևէ հիմք չկա հավատալու հայ երիտասարդի մահվան վարկածի իսկությանը»:

ՀՀ պաշտպանության նախարարության տեղեկատվության համաձայն՝ ադրբեջանական քարոզչամեքենան համացանցով տարածեց մի տեսանյութ, որում հայ երիտասարդն ասում էր, թե, իբր, իրեն հատուկ պատրաստել են Ադրբեջանում ահաբեկչական գործողություն իրականացնելու համար։ Սակայն այդ կադրերում հստակ երևում էր, որ երիտասարդը ենթարկված էր կտտանքների։

ՀՀ պաշտպանության նախարարությունում նաև կարծում են, որ արդեն որերորդ անգամ Ադրբեջանը հանցավոր քայլերի է գնում՝ չարժանանալով միջազգային իրավասու կառույցների պարսավանքին: «Հենց այդ անպատժելիության զգացողությունն է սպանել միջազգային նորմերով չպաշտպանված մեր հայրենակցին», - նշվում է հայտարարության մեջ:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։