486.78
+0.12
515.5
+2.27
8.41
+0.01
-1
Եղանակը Երևանում
Հայ
Հայաստանի և Ֆրանսիայի մարզերի միջև համագործակցությունն ակտիվորեն զարգանում է. փոխվարչապետ
14:32
07 Հոկտեմբերի 2010

Հայաստանի և Ֆրանսիայի շրջանների միջև համագործակցությունը տարեցտարի ակտիվորեն զարգանում է ինչպես աշխարհագրորեն, այնպես էլ բովանդակային առումով, ապակենտրոնացված համագործակցության հայ-ֆրանսիական համաժողովի ժամանակ հայտնեց ՀՀ փոխվարչապետ, տարածքային կառավարման նախարար Արմեն Գևորգյանը:

«Եթե համագործակցության սկզբում խոսքը գնում էր 1988թ.-ի ավերիչ երկրաշարժի արդյունքում տուժած Հայաստանի մարզերին օգնելու մասին, ապա այժմ այդ համագործակցությունը բացառապես փոխադարձ շահեր ներկայացնող նախագծերի վրա է հիմնվում»,- ասաց փոխվարչապետը:

Ապակենտրոնացված համագործակցության համաժողովն անցկացվում է հոկտեմբերի 7-8-ը Երևանում: Մասնակցում են ՀՀ բոլոր մարզերի վարչությունների և Երևանի քաղաքապետարանի, ինչպես նաև Ֆրանսիայի մի շարք շրջանների ներկայացուցիչները:

«Մենք ուրախ ենք արձանագրել, որ մեր ժողովուրդների միջև համագործակցությունը զարգանում է, նոր բնագավառներ է ընդգրկում: Այդ զարգացումների տրամաբանական շարունակությունը համաժողովն է, որը համագործակցությանը  նոր որակի սկիզբ կդնի»,- ասաց Գևորգյանը:

Ըստ նրա, 1996թ.-ին Հայաստանում տեղական ինքնակառավարման ներկա համակարգի ներմուծման պահից սկսած՝ հանրապետությունում տեղական ինքնակառավարման մարմիններ են ձևավորվել՝ տեղական ինքնակառավարման մասին Եվրոպական խարտիային համապատասխան:

«Մենք շարունակում ենք Հայաստանում տարածքային կառավարման օրենսդրային հիմքեր ամրագրել: Այդ ուղղությամբ տարվող ջանքերի կենտրոն են դարձել 2005թ.-ի սահմանադրական բարեփոխումները, որոնք այդ թվում նաև տեղական ինքնակառավարմանն են վերաբերել: Երևանը մասնավորապես նույնպես համայնք  է համարվում»,- նշեց Գևորգյանը:

Նախարարն ընդգծեց, որ այսօր Հայաստանում համայնքները դինամիկ կերպով զարգանում և հետաքրքիր ու հեռանկարային գործընկերների են վերածվում:

«Ապակենտրոնացման քաղաքականությունն այսօր նույնպես մնում է ՀՀ կառավարության օրակարգում, և մենք սերտ համագործակցության մեջ ենք Եվրամիության հետ, առաջիկա երեք տարիների համար տեղական ինքնակառավարման նոր հայեցակարգ ենք մշակում»,- ասաց նա:

Գևորգյանն ավելացրեց, որ միայն ինստիտուցիոնալ կերպով ամրագրված շրջանները կարող են հավասար և հեռանկարային գործընկերներ լինել:

«Մենք կարևորում ենք ապակենտրոնացված համագործակցության ճանապարհով փորձի փոխանակումը: ՀՀ հիմնական արտաքին քաղաքական վեկտորների թվում է եվրոպական ուղղությունը, և Հայաստանի ու Ֆրանսիայի մարզերի միջև համագործակցությունն ամենալայնածավալներից մեկն է, և այն կարելի է ռազմավարական անվանել»,- նշեց փոխվարչապետը:

Ըստ Գևորգյանի, Հայաստանը սկսել է Եվրոպական տարածաշրջանների ասամբլեային անդամակցելու գործընթացը,  ինչը լրացուցիչ հնարավորություն է Ֆրանսիայի հետ համագործակցությունն ընդլայնելու համար: -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։