484.11
-0.64
570.43
-1.33
8.23
+0.04
-2
Եղանակը Երևանում
Հայ
Կիրակի Երևանի փոքր կենտրոնում կդադարեցվի երթևեկությունը
18:16
06 Հոկտեմբերի 2010

Երևանի 2792-ամյա տոնակատարության կապակցությամբ, վաղ առավոտյան 08:30-ից անվտանգության նկատառումներով փոքր կենտրոնում կդադարեցվի երթևեկությունը, հաղորդում են Երևանի քաղաքապետարանի կայքում։

Երևանի հիմնադրման տարեթիվը համարվում է հին ուրարտուական քաղաք Էրեբունիի հիմնադրման տարին (մ.թ.ա. 782թ.): Քաղաքը հիմնադրվել է Ուրարտուի թագավոր Արգիշտի I-ի օրոք։

Մշակութային, մարզական, ժամանցային միջոցառումներ կանցկացվեն մայրաքաղաքի փոքր կենտրոնի տարբեր զբոսայգիներում, պուրակներում և հրապարակներում։ Տոնական միջոցառումների համար բեմեր կձևավորվեն 20 տարբեր վայրերում։

Գեղարվեստական բազմաոճ միջոցառումները մեկնարկելու են գրեթե միաժամանակ. նախատեսվում են թատերականացված բեմականացումներ, տիկնիկային ներկայացումներ, մանկական խաղեր, հեղինակային, էստրադային, ժողովրդական երգեր, դասական, ջազ և ռոք երաժշտություն, մնջախաղ, վազքի մարաթոն և այլն՝ շուրջ 2 տասնյակ բովանդակային բեմեր։

Ամենամեծ թատերական բեմականացումը նախատեսված է «Էրեբունի» թանգարանին հարող հրապարակում, որտեղից 3000 հոգուց բաղկացած զորախումբը Արգիշտի թագավորի գլխավորությամբ քայլերթով կշարժվի դեպի Ռուսաստանի հրապարակ, որտեղ շքերթի մասնակիցներին կողջունի Երևանի քաղաքապետը։

Երևանի հիմնադրման 2792-ամյակին նվիրված տոնական հանդիսավոր շքերթը՝ քաղաքապետարանին հարակից Ռուսաստանի հրապարակից դեպի Հանրապետության հրապարակ, նախատեսված է կեսօրին՝ ժամը 14:00-ից 15:00-ն։

Տոնական միջոցառումները կամփոփվեն Հանրապետության հրապարակում՝ գալա-համերգով։ Ժամը 22:00-ին տոնական Երևանի երկինքը կզարդարի շքեղ հրավառությունը։

Հոկտեմբերի 10-ին առավոտյան ժամը 12:00-ից մայրաքաղաքում գործելու են տեղեկատվական  մոտ 30 կետեր, որտեղից մեր համաքաղաքացիները կարող են ստանալ տոնական միջոցառումների մասին տեղեկատվություն, բուկլետներ, կրծքանշաններ, գլխարկներ, դրոշակներ, փուչիկներ և այլն։

Այս տարի տոնակատարությունը կանցկացվի «Երևանը մենք ենք» կարգախոսով։

Երևանի 2792-ամյակի տոնակատարություններին մասնակցելու են նաև 11 օտարերկրյա  պատվիրակություններ բարեկամ և գործընկեր քաղաքներից՝ Մոսկվայից, Խարկովից, Սանկտ Պետերբուրգից, Շիրազից, Սպահանից, Մարսելից, Լիոնից,  Բեյրութից և այլ քաղաքներից։

Երևանի ավագանու հոկտեմբերի 5-ի որոշմամբ «Էրեբունի-Երևան» տոնակատարության շրջանակներում հաստատվել են նաև  «Երևանի պատվավոր քաղաքացի» կոչմանն արժանացած անձանց անունները:

Երևանի պատվավոր քաղաքացիների շարքն այս տարի կհամալրեն Երևանի մետրոպոլիտենի գնացքավար Սամվել Պետրոսյանն ու  սիրիահայ բարերար, «Փյունիկ» բարեգործական միության պատվավոր նախագահ Գաբրիել Ջեմբերջյանը: Սամվել Պետրոսյանը արդեն 30 տարի է` մեծ նվիրումով ու սիրով աշխատում է մետրոպոլիտենում, իսկ Գաբրիել Ջեմբերջյանն իր բարեգործությամբ աջակցել և աջակցում է մայրաքաղաքում իրականացվող տարբեր համաքաղաքային ծրագրերի: Մասնավորապես, նրա շնորհիվ վերազինվել են դպրոցական լաբորատորիաներ, բակերում տեղադրվել են նոր խաղեր, երաժշտական գործիքներ են տրամադրվել Երևանի երաժշտական դպրոցներին: -0-

Loading...
Թեմատիկ նյութեր
Բաժնի այլ նյութեր
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։