480.45
+0.06
537.05
+0.45
8.13
+0.06
+19
Եղանակը Երևանում
Հայ
Հայաստանում մեկնարկել է դպրոցական սննդի ծրագիրը
10:38
05 Հոկտեմբերի 2010

ՀՀ կրթության և գիտության նախարարության և ՄԱԿ-ի Պարենի համաշխարհային ծրագրի (WFP)  նախաձեռնությամբ երեկ մեկնարկել է Ռուսաստանի Դաշնության կողմից ֆինանսավորվող դպրոցական սնունդ ծրագիրը, տեղեկացնում է երկրի Կրթության նախարարության մամուլի ծառայությունը։

Ծրագիրը սկսվել է Տավուշի մարզի Թեղուտ գյուղի դպրոցում, որի տարրական դասարաններում սովորում է 86 աշակերտ։ Ծրագրի մեկնարկին ներկա են գտնվել և մասնակիցներին ողջունել են  ՀՀ կրթության և գիտության նախարար Ա. Աշոտյանը, ՀՀ սփյուռքի նախարար Հ. Հակոբյանը, Տավուշի մարզպետ Ա. Ղուլարյանը, ՄԱԿ-ի Պարենի համաշխարհային ծրագրի հայաստանյան գրասենյակի ղեկավար Մ. Լուկյանովան,  «Ռոսսոտրուդնիչեստվոյի» ՀՀ ներկայացուցչության ղեկավար Վ. Կրիվոպուսկովը:

ՀՀ կրթության և գիտության նախարարը, շնորհավորելով բոլորին ծրագրի մեկնարկի կապակցութամբ,  նշել է, որ այն կարևորված է թե առողջական և թե սոցիալական տեսակետից, քանի որ ծրագիրը հավասար հնարավորություններ է ստեղծում բոլոր երեխաների համար:

«ՀՀ կառավարությունն իր գործունեության մեջ միտված է դեպի ժողովուրդ, հասարակության շահեր, կոնկրետ քաղաքացու կոնկրետ կարիքների բավարարում: Իրականացվող ծրագրի ամենախոշոր առանձնահատկությունը կայանում է նրանում, որ այն շարունակվելու  է արդեն որպես ՀՀ պետական ծրագիր: Ծրագրի շրջանակում միջգերատեսչական ջանքերով ՀՀ կառավարության հովանու ներքո մշակվելու է դպրոցական  սննդի ազգային ռազմավարություն, որը կյանքի կկոչվի 2013 թվականից և միտված կլինի ՀՀ առնվազն տարրական դասարանների բոլոր աշակերտներին համապատասխան դպրոցական սննդով մատակարարմանը: Սա խոշոր սոցիալական նախաձեռնություն է, և ես վստահ եմ, որ ծրագրի այս հատվածը լավ հարթակ է այն համատարած, համընդհանուր և որպես պետական ազգային ծրագիր իրականացնելու համար»,- Ա. Աշոտյանի խոսքերն է մեջբերում մամուլի ծառայությունը:

Ինչպես ասվում է հաղորդագրության մեջ, հյուրերն այցելել են դպրոցի ճաշարան, աշակերտների հետ համտեսել մատուցված սնունդը: Այնուհետև շրջայց են կատարել վերջերս վերանորոգված դպրոցի նոր մասնաշենքում, եղել համակարգչային, ռազմագիտության դասասենյակներում, զրուցել աշակերտների և ուսուցիչների հետ: Հյուրերը մասնակցել են նաև դպրոցի բակում անցկացվող ծառատունկին:

8 միլիոն ԱՄՆ դոլար արժողությամբ դպրոցական սնունդ եռամյա ծրագրի նպատակն է բարելավել դպրոցականների սնուցման վիճակը` նպաստելով տարրական դասարանի դպրոցականներ ունեցող ընտանիքների սոցիալական բեռի թեթևացմանը։ Ծրագրի շրջանակում ընդգրկված 1-4-րդ դասարանցիներին օրական մեկ անգամ կտրվի տաք կերակուր։ Նախնական փուլում ծրագրից կօգտվի Տավուշի և Գեղարքունիքի մարզերի դպրոցների շուրջ 12.500 աշակերտ: Հետագայում նախատեսվում է ընդգրկել նաև Լոռու, Շիրակի, Արմավիրի և Արագածոտնի մարզերի դպրոցները։ Հիմնական փուլում ծրագրից կօգտվի արդեն շուրջ 50.000 դպրոցական։

ՊՀԾ-ի աջակցությամբ դպրոցական սնունդ ծրագիրը Հայաստանում իրականացվել է նաև 2002-2008թթ., որում ընդգրկված է եղել տարեկան 25.000-30.000 աշակերտ։

ՊՀԾ-ն քաղցի դեմ պայքարող աշխարհի ամենախոշոր մարդասիրական կազմակերպությունն է։ Ամեն տարի ՊԾՀ-ն սնունդ է մատակարարում ավելի քան 70 երկրի շուրջ 90 միլիոն մարդու։ Դպրոցական սնունդ ծրագիրն արդեն 45 տարի իրականացվում է ավելի քան 60 երկրի շուրջ 22 միլիոն երեխայի համար։ -0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: