482.13
-0.46
538.83
-4.47
8.55
+0.02
+12
Եղանակը Երևանում
Հայ
Երևանը տարօրինակ է համարում Բաքվի մերժումը՝ շփման գծից դիպուկահարներին հեռացնելու մասին
10:46
28 Սեպտեմբերի 2010

Երկուշաբթի ՀՀ պաշտպանության նախարարությունը հայտարարություն է տարածել ադրբեջանական կողմի՝ շփման գծից դիպուկահարներին հեռացնելու մերժման վերաբերյալ։

Կիրակի օրը ՄԱԿ-ի գլխավոր քարտուղար Գի Մունը ՀՀ արտգործնախարար Էդվարդ Նալբանդյանի հետ հանդիպման ժամանակ հայտնել էր, որ կողմ է ղարաբաղյան հակամարտության գոտու շփման գծից դիպուկահարների հեռացմանը, ինչը կօգնի կողմերի միջև հրադադարի ռեժիմի ամրապնդմանը։ Ի պատասխան Ադրբեջանի ՊՆ մամուլի ծառայության ղեկավար Էլդար Սաբիրօղլուն հայտնել էր, որ այդ քայլը չի նպաստի հակամարտության կարգավորմանը։

«Այս առնչությամբ ՀՀ պաշտպանության նախարարությունը հայտարարում է, որ հայկական կողմը բազմիցս հանդես է եկել դիպուկահարներին շփման գծից հեռացնելու նախաձեռնությամբ՝ գտնելով, որ դա իսկապես կարող է թուլացնել շփման գծում առկա լարվածությունը և երկուստեք նվազեցնել կորուստները: Հիշեցնենք, որ նույն առաջարկով հանդես են եկել նաև ԵԱՀԿ ՄԽ համանախագահները»,- ասվում է ՀՀ ՊՆ մամուլի ծառայության տարածած հայտարարության մեջ։

Հայկական պաշտպանական գերատեսչությունում տարօրինակ են համարում, որ հրադադարի ռեժիմի խախտման և դիվերսիոն գործողություններ իրականացնելու մասին անընդհատ կեղծ մեղադրանքներ առաջադրելով հայկական կողմին, ադրբեջանական կողմը չի ցանկանում արձագանքել շփման գծից դիպուկահարների հեռացման նախաձեռնությանը։

«Ինչ վերաբերում է հայկական կողմից հրադադարի ռեժիմի խախտման մասին հերթական ապատեղեկատվությանը, որը հնչեցրել է Սաբիրօղլուն, ապա մեկ անգամ ևս ընդգծում ենք, որ հայկական կողմը խստորեն հետևում է հրադադարի ռեժիմին, ինչը չի կարելի ասել Ադրբեջանի զինված ուժերի մասին»,- ասվում է հայտարարության մեջ։

Փաստաթղթում նշվում է, որ ասվածի վառ օրինակն է ադրբեջանական դիվերսիոն խմբերի հայկական տարածք ներխուժելու անհաջող փորձերը, որոնք մարդկային զոհերի պատճառ են դարձել։ «Սեպտեմբերի 17-ին ադրբեջանական դիպուկահարի գնդակից զոհվել է ԼՂՀ ՊԲ ժամկետային զինծառայող Անդրանիկ Սարգսյանը»,- հիշեցրեցին ՀՀ ՊՆ-ից։

Հայկական պաշտպանական գերատեսչությունից նշեցին, որ այդ միջադեպերի առիթով հայտարարություններով ելույթ է ունեցել ԵԱՀԿ գործող նախագահը, ԵԱՀԿ ՄԽ համանախագահները, ԵՄ ներկայացուցիչները՝ նշելով, որ հետագա ուժի գործադրումը միայն բարդացնում է իրավիճակը և կարող է տառապանքների, ավերածությունների և հակամարտության ու թշնամանքի շարունակման հանգեցնի։

«Հայկական կողմից ադրբեջանական քաղաքացիական բնակչության գնդակոծման մասին Ադրբեջանի ՊՆ մամուլի քարտուղարի հաստատումները չեն համապատասխանում իրականությանը։ Անհրաժեշտ ենք համարում ևս մեկ անգամ նշել, որ ՀՀ Զինված ուժերը խստորեն հետևում են հրադադարի ռեժիմին և տարբեր տեսակի գործողությունների են դիմում միայն որպես պատասխան հակառակորդի ոտնձգություններին»,- ասվում է հայտարարության մեջ։ -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։