480.22
-0.22
536.12
+0.67
8.04
-0.02
+23
Եղանակը Երևանում
Հայ
ՀՀ վարչապետն այցելել Շանհայ-Էքսպո 2010 ցուցահանդեսի հայկական տաղավար
11:18
22 Սեպտեմբերի 2010

ՀՀ վարչապետ Տիգրան Սարգսյանը և նրա գլխավորած պատվիրակության անդամներն այցելել են Շանհայ-Էքսպո 2010 միջազգային ցուցահանդեսի հայկական տաղավար։

Էքսպո-2010 համաշխարհային ունիվերսալ ցուցահանդեսը, որն անցկացվում է «Լավագույն քաղաք, լավագույն կյանք» խորագրով, բացվել է ապրիլի 30-ին Շանհայում և կտևի մինչև հոկտեմբերի 31-ը։

Հայաստանի տաղավարն Աշխարհի քաղաքի վիրտուալ մոդելն է՝ ապագայի նոր  մոդուլը։ Նախագիծը 40 երկրների վիրտուալ թաղամասներն է ներկայացնում, այդ թվում՝ Ճապոնիայի, Հորդանանի, Իտալիայի, Հնդկաստանի, Բրազիլիայի, Թունիսի, Պերուի, Ինդոնեզիայի, Մեծ Բրիտանիայի, Զամբիայի, Նորվեգիայի, Լատվիայի, Շվեցարիայի, Շվեդիայի, Մեքսիկայի, Էստոնիայի, Եթովպիայի, Ֆինլանդիայի, Հոլանդիայի, Վիետնամի, Մարոկկոյի, Թուրքիայի, Քենիայի, Նիգերիայի, Բենինի, Էկվադորի և Չինաստանի։

Ըստ ՀՀ վարչապետի խորհրդական Ռուբեն Շատվորյանի՝ նախագծի հիմքում դրված է Աշխարհի քաղաքի համատեղ կառուցման գաղափարը, և Շանհայ-Էքսպո 2010 ցուցահանդեսը հաջող առիթ է այդ նախագծի ներկայացման համար։

«Այսօր արդեն պարզ է, որ այդ նախագիծը բացառիկ հաջողություն է ունեցել Շանհայում»,- երեքշաբթի լրագրողներին ասաց նա։

Միաժամանակ Շատվորյանն ավելացրեց, որ շատ մարդ է այցելել տաղավար, իսկ ցուցահանդեսի կազմակերպիչների կողմից այն բավականին բարձր գնահատականի է արժանացել՝ ցուցահանդեսի հայտարարված թեմային ամենահամահունչը լինելու համատեքստում։

Ամեն օր հայկական տաղավար է այցելում 20 հազար մարդ, իսկ դրա ողջ աշխատանքի ընթացքում տաղավարը Շանհայ-Էքսպո 2010 ցուցահանդեսի 53 մլն այցելուներից ավելի քան 2 մլն այցելու է դիտել։

Կառավարության ղեկավարի խորհրդականը նաև հայտնեց, որ հայկական վիրտուալ նախագիծը ցուցահանդեսի ժամանակ լավագույնն է ճանաչվել և մրցանակ ստացել:

«Այն, որ Հայաստանը 192 երկրների մեջ նման մրցանակ է ստացել՝ դա եզակի  հաջողություն է»,- ընդգծեց նա։

Զարգացման հայկական գործակալության գլխավոր տնօրեն Ռոբերտ Հարությունյանն իր հերթին նշեց, որ հայկական տաղավարի աշխատանքի ոչ լիարժեք հինգ ամիսների ընթացքում հերթերը գրեթե չեն դադարել, ինչը հայկական տաղավարի հանդեպ հետաքրքրության ակնհայտ ապացույց է։

Ըստ նրա՝ հայկական նախագծում ներկայացված որոշումները բավականին հեռանկարային են։

«Սա շփման հնարավորություն ընձեռող նախագիծ է, որի միջոցով կարելի է համախմբել ժողովուրդներին և ազգություններին և ցուցադրել, թե ինչպես կարելի է համերաշխության հիման վրա ապագայի քաղաք կառուցել»,- ասաց նա։

Զարգացման հայկական գործակալությունը ցուցահանդեսի ազգային օպերատորն է։ -0-

Loading...
Թեմատիկ նյութեր
Բաժնի այլ նյութեր
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։  
11:38
07 Հունիսի 2017
Հայտնի է 2018 թ.–ին ՀՀ նախագահի թեկնածուն
ՀՀ իշխանությունները թեկնածու են գտել ՀՀ նախագահի պաշտոնում 2018 թ.–ին: