485.25
-0.08
569.44
-2.72
8.18
-0.02
+5
Եղանակը Երևանում
Հայ
Համանախագահները կոչ են անում ղարաբաղյան հակամարտության կողմերին դադարեցնել շփման գծի խախտումները
11:47
11 Սեպտեմբերի 2010

ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Բեռնար Ֆասիեն (Ֆրանսիա) և Իգոր Պոպովը (Ռուսաստան) սեպտեմբերի 6-9-ը Բաքու-Ստեփանակերտ-Երևան այցի արդյունքում հինգշաբթի հանդես են եկել հայտարարությամբ՝ կոչ անելով ղարաբաղյան հակամարտության կողմերին դադարեցնել խախտումները շփման գծում։

«Համանախագահները հերթական անգամ վճռականորեն կոչ են անում կողմերին պահպանել հրադադրի ռեժիմը և զսպվածություն դրսևորել, զերծ մնալ հրապարակային հայտարարություններից և դադարեցնել խախտումները շփման գծում»,- ասվում է ԵԱՀԿ կայքում տեղադրած հայտարարությունում։

Հայտարարությունում ասվում է, որ միջնորդները ողջունում են Ադրբեջանի՝ ՄԱԿ-ի Գերագույն Վեհաժողովի նստաշրջանի օրակարգից բանաձևը հետ կանչելու որոշումը։ Միաժամանակ համանախագահները կրկնել են, որ ԵԱՀԿ Մինսկի խումբը մնում է այն միակ ձևաչափը, որը կոչված է կարգավորել ղարաբաղյան հակամարտությունը խաղաղ ճանապարհով։

Սեպտեմբերի 8-ին՝ ԼՂՀ և Ադրբեջանի Զինված ուժերի շփման գծում անցկացված դիտարկման ժամանակ ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Բեռնար Ֆասիեն (Ֆրանսիա) և Իգոր Պոպովը (Ռուսաստան), ինչպես նաև ԵԱՀԿ գործող նախագահի անձնական ներկայացուցիչ, դեսպան Անջեյ Կոսպրշիկը երկու կողմերի ռազմական ներկայացուցիչների ուղեկցությմաբ հատել են շփման գոտին և ուղղվել են դեպի Ստեփանակերտ, որպեսզի ցույց տան, որ շփման գիծը չի կարող խոչընդոտ հանդիսանալ հարևան երկրների ճանապարհին։

Հայտարարության համաձայն՝ այդ քայլով համանախագահները ցանկացան նաև ցույց տալ կողմերին, որ 1994 թվականին ստորագրված հրադադարը հարկ է խստորեն պահպանել։ Սկսած 2001 թվականի նոյեմբերից սա առաջին դեպքն է, երբ միջնորդները հատել են շփման գիծը։

Համանախագահները հայտարարել են, որ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի, ինչպես նաև Լեռնային Ղարաբաղի ղեկավարության հետ հանդիպումների ընթացքում իրենք ներկայացրել են իրենց հետագա գործողությունների ծրագիրն առաջիկա ամիսների համար։ Նրանք ընդգծել են, որ կողմերը պետք է կառուցողական մոտեցում ցուցաբերեն տվյալ ծրագրի իրագործման համար, որպեսզի ԵԱՀԿ առաջիկա գագաթնաժողովում որոշակի առաջընթաց արձանագրվի։

ԵԱՀԿ ՄԽ համանախագահները բոլոր կողմերի հետ քննարկել են նաև ԼՂՀ հարակից տարածքում դաշտային դիտորդական առաքելության իրականացման հարցը, որը վաղօրոք համաձայնեցվել է կողմերի հետ:

Առաքելությունը կիրականացվի սեպտեմբերի վերջից մինչև հոկտեմբերի կեսը։ Նրանք առաջիկա առաքելության որոշ մանրամասներ են ներկայացրել և հայտնել, որ մոտ ապագայում ավարտին կհասցնեն առաքելության նախապատրաստական աշխատանքները։

Մինչև տարածաշրջան վերադառնալը և դաշտային առաքելության իրականացումը համանախագահները կմեկնեն Վաշինգտոն, այնուհետև՝ Նյու Յորք՝ ՄԱԿ-ի Գլխավոր  Վեհաժողովի շրջանակներում կողմերի հետ աշխատելու նպատակով։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։