484.68
+0.06
530.14
+2.1
8.5
-0.03
+15
Եղանակը Երևանում
Հայ
Ադրբեջանի որոշումը ՄԱԿ-ից բանաձևը հետ կանչելու վերաբերյալ առաջին հերթին բազմաթիվ երկրների դիրքորոշմամբ է պայմանավորված. Հայաստանի ԱԳՆ
10:52
11 Սեպտեմբերի 2010

Ադրբեջանի որոշումը ՄԱԿ-ից բանաձևը հետ կանչելու վերաբերյալ առաջին հերթին բազմաթիվ երկրների դիրքորոշմամբ է պայմանավորված, ուրբաթ Հայկական երկրորդ հեռուստաալիքին տված հարցազրույցում ասաց Հայաստանի փոխարտգործնախարար Շավարշ Քոչարյանը։

Սեպտեմբերի 9-ին ՄԱԿ-ի Գլխավոր ասամբլեայում Ադրբեջանը իր կողմից ներկայացված թիվ A/64/L.57 բանաձեւի նախագիծը հանեց քննարկումից եւ քվեարկությունից` խնդրելով համապատասխան օրակարգի կետը տեղափոխել ԳԱ 65-րդ նստաշրջանի օրակարգ:

«Ադրբեջանը ստիպված էր քվեարկությունից և քննարկումից հանել ամռանը ներկայացրած բանաձևը։ Նախևառաջ, այդ քայլի վրա ազդել է տարբեր երկրների, և, անշուշտ, ԵԱՀԿ Մինսկի խմբի դիրքորոշումն այս հարցում, որը ձևավորվել է Հայաստանի կողմից տարված ստվերային աշխատանքի արդյունքում»,- ասաց Քոչարյանը։

Նա նշեց, որ միայն վերջին երկու շաբաթների ընթացքում Հայաստանի ԱԳՆ-ն հսկայական ծավալի աշխատանք է իրականացրել ինչպես տարբեր երկրների դիվանագիտական ներկայացուցիչների, այնպես էլ տարբեր երկրներում իր դեսպանությունների միջոցով։

Քոչարյանի խոսքերով՝ վերջին երկու շաբաթների ընթացքում ավելի քան 600 հանդիպում է անցկացվել տարբեր երկրների արտաքին քաղաքական գերատեսչությունների ներկայացուցիչների հետ, աշխատանք է տարվել ՄԱԿ-ում։

«Նախարարն անձամբ ավելի քան 100 զանգ է կատարել, ինչպես նաև ավելի քան 200 նամակ է ուղարկել տարբեր երկրների իր գործընկերներին, ինչը թույլ է տվել համապատասխան դիրքորոշում ձևավորել, որն էլ ստիպել է Ադրբեջանին հետ կանչել բանաձևը և նույնիսկ հանել այն քվեարկությունից»,- ասաց Քոչարյանը։

«Ադրբեջանը հասկացավ նաև, որ Հայաստանի կողմից համապատասխան համարժեք քայլեր կձեռնարկվեն։ Մենք համարժեք պատասխան ունենք ցանկացած նմանատիպ ոտնձգության համար, և, որն ամենակարևորն է, այդ ժամանակահատվածում բազմաթիվ պետություններ հասկացան, որ Ադրբեջանը խոչընդոտում է բանակցային գործընթացին ԵԱՀԿ Մինսկի խմբի շրջանակներում»,- ասաց Քոչարյանը։

Անդրադառնալով ՄԱԿ-ի քննարկմանը բանաձևի երկրորդ ներկայացման հնարավորությանը՝ փոխնախարարը նշեց, որ ցանկացած պահի ցանկացած պետություն իրավունք ունի ցանկացած բանաձև ներկայացնել ՄԱԿ-ի քննարկմանը, «եթե այս դեպքը դաս չդարձավ Ադրբեջանի համար»։ 

Ըստ նրա՝ եթե Բաքուն կրկին փորձի նման քայլի գնալ, ապա պետք է հստակ հասկանա միջազգային հանրության դիրքորոշումը և Հայաստանի՝ համարժեք  պատասխան տալու պատրաստակամությունը։

Միաժամանակ Քոչարյանը նշեց, որ ԵԱՀԿ ՄԽ համանախագահները համակարծիք են այդ հարցում, և ինչպես 2008-ին՝ համատեղ հանդես եկան Ադրբեջանի առաջարկած բանաձևի դեմ՝ նշելով, որ այն խոչընդոտում է ղարաբաղյան խնդրի խաղաղ կարգավորմանը։

Ըստ նրա՝ Ադրբեջանը որպես արդարացում բանաձևի հետ կանչելուց հետո փորձեց հիմնավորել իր դիրքորոշումը նրանով, որ պայմանավորվածություն է ձեռք բերվել դաշտային առաքելության՝ տարածաշրջան այցելելու վերաբերյալ։

«Իրականությունն այն է, որ այդ պայմանավորվածությունը ձեռք է բերվել դեռևս գարնանը, իսկ Ադրբեջանն այդ բանաձևը ՄԱԿ-ին է ներկայացրել պայմանավորվածության հասնելուց հետո՝ իմանալով, որ նման համաձայնություն արդեն ձեռք է բերվել»,- ասաց փոխնախարարը։

Ավելին, ինչպես նշեց Քոչարյանը, սեպտեմբերի 6-ին ԵԱՀԿ Մինսկի խմբի համանախագահներն իրենք հայտարարեցին, որ գոյություն ունի դեռ գարնանից ձեռք բերված համաձայնություն առաքելության՝ տարածաշրջան ժամանելու վերաբերյալ։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: