484.11
-0.64
570.43
-1.33
8.23
+0.04
+2
Եղանակը Երևանում
Հայ
Ադրբեջանը ղարաբաղյան բանաձևի քվեարկությունն իրեն հարմար ժամանակ է տեղափոխել. ՀՀ ԱԳՆ նախկին ղեկավար
15:03
10 Սեպտեմբերի 2010

Ադրբեջանը ՄԱԿ-ի Գլխավոր Վեհաժողովին ներկայացրած ղարաբաղյան բանաձևը քննարկումից և քվեարկությունից չի հանել, այլ ընդամենն իրեն հարմար ժամանակ է տեղափոխել, ուրբաթ լրագրողներին ասաց ՀՀ արտաքին գործերի նախկին նախարար, ընդդիմադիր Հայ Ազգային Կոնգրեսի ներկայացուցիչ, ՄԱԿ-ում Հայաստանի նախկին ներկայացուցիչ Ալեքսանդր Արզումանյանը։

Ադրբեջանը որոշել է ՄԱԿ-ի Գլխավոր ասամբլեայում իր իսկ կողմից ներկայացված թիվ A/64/L.57 բանաձևի նախագիծը հանել քննարկումից և քվեարկությունից և տեղափոխել համապատասխան օրակարգի կետը ԳԱ 65-րդ նստաշրջանի օրակարգ:

«Ադրբեջանական բանաձևի հիմնական նպատակը ՄԱԿ-ի փախստականների հարցերով գերագույն կոմիսարիատի առաքելությունը դեպի տարածաշրջան ուղղելն է, ինչին հաջողվել է հասնել նաև ԵԱՀԿ Մինսկի խմբի համանախագահների աջակցությամբ»,- ասաց Արզումանյանը։

Ըստ նրա, այդ կերպ Ադրբեջանը հասել է իրեն ցանկալի արդյունքներին և աննպատակահարմար է համարել տվյալ պահին հարցը քվեարկության դնելը։

Ինչպես նշեց նախկին նախարարը, այդուհանդերձ, Ադրբեջանը ԵԱՀԿ Մինսկի խմբի բանակցություններում ամրապնդել է իր դիրքերը, ինչպես նաև քայլեր է ձեռնարկել ղարաբաղյան կարգավորման հարցում միջազգային կազմակերպությունների առավել լայն շրջանակներ ներգրավելու ուղղությամբ։

 «Ադրբեջանը նման նախաձեռնություններով է հանդես գալիս 2005թ.-ից և չնայած ՄԱԿ-ի Գլխավոր Վեհաժողովի որոշումները խորհրդատվական բնույթ են կրում և կատարման համար պարտադիր չեն, այունամենայնիվ լավ առիթ են հակամարտության տրամաբանությունը փոխելու նպատակով միջազգային կառույցների կողմից ընդունված ձևակերպումներն օգտագործելու համար»,- ասաց Արզումանյանը։

Ըստ նրա, Հայաստանը պետք է ժամանակին արձագանքեր տվյալ բանաձևին, որը 2006թ.-ից սկսած՝ ՄԱԿ-ի շրջանառության մեջ է գտնվում, իսկ 2010թ.-ի հունիսին պաշտոնապես ներառվել է քննարկումների օրակարգում, և պետք է նման նախաձեռնությամբ հանդես գար՝ կապված Հին Ջուղայում մշակույթի հայկական հուշարձանների ավերման հետ, և միջազգային հանրության աջակցությունը կստանար։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: