477.88
-0.42
573.6
-0.5
8.31
+0.05
+26
Եղանակը Երևանում
Հայ
Ադրբեջանական բանաձևը Միջազգային դատարան դիմելու հնարավորություն է տալիս հայկական կողմին
16:25
08 Սեպտեմբերի 2010

ՄԱԿ-ի Գլխավոր Վեհաժողովին ներկայացված ադրբեջանական բանաձևը՝ Ղարաբաղի վերաբերյալ, հայկական կողմին Միջազգային դատարան դիմելու հնարավորություն է տալիս, չորեքշաբթի լրագրողներին ասաց Ռամկավար-ազատական կուսակցության ղեկավար Հարություն Առաքելյանը։

Ըստ ադրբեջանական ԶԼՄ-ների հաղորդագրության, սեպտեմբերին ՄԱԿ-ի Գլխավոր Վեհաժողովի 65-րդ նստաշրջանի ժամանակ Բաքուն Ղարաբաղի վերաբերյալ բանաձևի նախագիծ կներկայացնի։

«Մենք ուրախ ենք, որ ղարաբաղյան հարցը կտեղափոխվի ՄԱԿ-ի շրջանակ, քանի որ դա մեզ Միջազգային դատարան դիմելու և Ադրբեջանի կողմից իրականացված հայոց ցեղասպանության հարցն այնտեղ տեղափոխելու հնարավորություն է տալիս»,- ասաց Առաքելյանը։

Նրա կարծիքով՝ հարյուր հազար ականատես փախստական ունենալով, հայկական կողմը պետք է ապացուցի, որ 1988-1994թթ.-ին Ադրբեջանը հայերի հանդեպ ցեղասպանություն է իրագործել։ «Մենք պետք է Միջազգային դատարանից պահանջենք, որպեսզի ազատագրված տարածքները (Ղարաբաղի շուրջ) ճանաչվեն որպես փոխհատուցում հայկական կողմին՝ ցեղասպանության դիմաց»,- ասաց նա։

90-ականների սկզբին Ղարաբաղի Պաշտպանական բանակը վերահսկողության տակ է վերցրել մի շարք տարածքներ, որոնք հարակից են Լեռնային Ղարաբաղի Հանրապետությանը՝ ԼՂՀ շուրջ ստեղծելով «անվտանգության գոտի»։

Առաքելյանը կարծում է, որ Հայաստանը պետք է օգտվի Ադրբեջանի ներկայացրած հնարավորությունից, և այդ հարցի նախաձեռնությունն իր ձեռքը վերցնի։

Միաժամանակ իշխող Հայաստանի Հանրապետական կուսակցության պատգամավոր Գագիկ Մինասյանը նշեց, որ եթե հայկական կողմին հաջողվի միջազգային հանրությանը ցույց տալ, որ հայերի հանդեպ ցեղասպանություն է իրագործվել, ապա դա միայն կամրապնդի Հայաստանի դիրքերը։

Նա նաև նշեց, որ տվյալ պահին միջազգային հանրությունը հստակ արտահայտել է իր տեսակետը, որի համաձայն, ղարաբաղյան խնդրի կարգավորման մասնագիտացված մարմինը ԵԱՀԿ Մինսկի խումբն է համարվում։
 
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: