478.57
+0.37
561.79
+1.96
8.05
+0.02
+22
Եղանակը Երևանում
Հայ
Ժերար Դեպարդյեն Երևանում հարգանքի տուրք է մատուցել Հայոց ցեղասպանության զոհերի հիշատակին
11:18
06 Սեպտեմբերի 2010

Աշխարհահռչակ դերասան Ժերար Դեպարդյեն շաբաթ օրն այցելել է Ծիծեռնակաբերդ և հարգանքի տուրք է մատուցել Հայոց ցեղասպանության զոհերի հիշատակին՝ ծաղիկներ դնելով «Անմար կրակի» մոտ:

Դեպարդյեն ժամանել էր Հայաստան ուրբաթ երեկոյան՝ «Կարոտ» միջազգային փառատոնին մասնակցելու նպատակով, որը սեպտեմբերի 2-ին մեկնարկել էր Ստեփանակերտում և շարունակվել է Երևանում: Դեպարդյեի այցը տևել է երկու օր:

«Ես այսօր այցելել եմ 1915 թ.-ին  տեղի ունեցած Հայոց ցեղասպանության զոհերի հուշարձանին: Ինձ վրա Ցեղասպանության հուշարձանը շատ մեծ տպավորություն է թողել, ինչպիսի տպավորություն թողնում են նմանատիպ այլ հուշարձաններ, օրինակ՝ Իսրայելում գտնվող «Յադ Վաշեմ» Հոլոքոստի զոհերին նվիրված հուշարձանը», - ասել է Դեպարդյեն:

«Ես Հայաստանի մասին բավականին վաղուց գիտեմ, քանի որ Ֆրանսիայում ծանոթ եմ բազմաթիվ հայերի հետ, գիտեմ, թե ինչու և ինչպես են նրանք հայտնվել այնտեղ և ինչ է նշանակում 1915 թ.-ին տեղի ունեցած ցեղասպանությունը», - շաբաթ օրը մամուլի ասուլիսի ժամանակ ասել է դերասանը:

Նա նշել է, որ ծանոթ է հայերի արդեն չորրորդ սերնդի հետ, որոնց հաջողվել է փրկվել ցեղասպանությունից՝ ավելացնելով, որ Ֆրանսիայում շատ են հայկական արմատներ ունեցող հայտնի դերասաններն ու մարզիկները:

Դեպարդյեի խոսքերով՝ ամենաշատը իրեն զարմացնում է այն փաստը, որ Ֆրանսիայում բնակվող հայերը չեն մոռացել ոչ իրենց ավանդույթները, ոչ էլ լեզուն, «հնարավոր է՝ այն պատճառով, որ նրանք միշտ մնում են իրենց նախնիների ստվերների հետ»:

«Նրանք խոսում են ինչպես մայրենի, այնպես էլ այն երկրի լեզվով, որը նրանց օթևան է տվել: Եվ ես գիտեմ, որ այսօր կան երիտասարդներ, որոնք ցանկանում են իրենց համար վերագտնել հայրենի երկիրը՝ Հայաստանը», - ասել է Դեպարդյեն:

«Կարոտ» միջազգային 3-րդ փառատոնն առաջին անգամ տեղի է ունենում Հայաստանում և Լեռնային Ղարաբաղում՝ ՀՀ ԱԺ նախագահ Հովիկ Աբրահամյանի հովանու ներքո, ԼՂՀ նախագահ Բակո Սահակյանի, ՀՀ և ԼՂՀ մշակույթի նախարարությունների աջակցությամբ: Նախորդ երկու փառատոներն անցկացվել են Մոսկվայում: Փառատոնի նպատակը սփյուռքում հայկական մշակույթի պահպանումը և այն ներկայացնելն է: Փառատոնի գլխավոր իրադարձությունը «Կարոտ» մրցանակների հանձնումն է ինչպես Հայաստանի, այնպես էլ աշխարհի մշակույթի, արվեստի, գիտության, սպորտի և այլ ոլորտների ականավոր գործիչներին, հայ ժողովրդի բարեկամներին, այն մարդկանց, ում ստեղծագործությունը կապված է Հայաստանի հետ, ով իր գործունեությամբ ավանդ է ներդրել հայկական և համաշխարհային մշակույթում:

«Կարոտ» մրցանակի են արժանացել Շառլ Ազնավուրը, Նիկոլայ Ռիժկովը, Սոս Սարգսյանը, Իոսիֆ Կոբզոնը, Անդրեյ Բիտովը, Նիկիտա Սիմոնյանը, Արմեն Ջիգարխանյանը, Շավարշ Կարապետյանը, Վլադիմիր Սպիվակովը, Կոնստանտին Օրբելյանը, Արթուր Աբրահամը:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: