478.42
-0.15
561.67
-0.12
8.1
+0.05
+27
Եղանակը Երևանում
Հայ
GNC-Alfa-ն ավարտել է Երևան-Մասիս-Երևան օպտիկամանրաթելային մայրուղու անցկացումը
15:26
03 Սեպտեմբերի 2010

GNC-Alfa ընկերությունն ավարտել է երկաթուղու երկայնքով Երևան-Մասիս-Երևան օպտիկամանրաթելային մայրուղու անցկացումը: Վերջին մալուխի խորհրդանշական զոդումը տեղ է ունեցել ուրբաթ Արարատում:

Երևան-Մասիս-Երևան օպտիկամանրաթելային մայրուղու անցկացման աշխատանքները մեկնարկել էին աշնանը «Հարակովկոսյան երկաթուղի» ՓԲԸ-ի և GNC-Alfa ընկերության միջև մարտին ստորագրված համագործակցության շրջանակներում:

Ինչպես պաշտոնական արարողության ժամանակ նշեց GNC-Alfa-ի գլխավոր տնօրեն Հայկ Ֆարամազյանը, մալուխի անցկացման աշխատանքները սկսվել են հուլիսին, և այսօր շահագործման է հանձնվում 50,5 կմ երկարություն ունեցող առաջին հատվածը, որն օպտիկամանրաթելային ցանցով կապահովի Երևան, Արարատ, Մասիս, Վեդի քաղաքները:

«Երկու միլիոն դոլար ընդհանուր արժողությամբ նախագիծը ներառում է ցանցի հետագա ընդլայնում, մասնավորապես՝ արդեն իրականացվում են Չարենցավան, Սևան, Հրազդան, Դիլիջան, ինչպես նաև Էջմիածին և Արմավիր ուղղություններով օպտիկամնաթելային մալուխի անցկացման աշխատանքները», - ասաց Ֆարամազյանը՝ չբացառելով մինչև Զոդ ցանցի ընդլայնման հնարավորությունը:

Նրա խոսքերով՝ դա թույլ կտա ընկերությանը մինչև Հայաստանի հարավային շրջաններ հասցնել այդ բնակավայրերի համար աննախադեպ ցանց՝ վայրկյանում 10 գիգաբիթ արագությամբ, ինչը թույլ կտա ոչ միայն մերձակա բնակավայրերի բնակիչներին ապահովել բարձր արագություն ունեցող ինտերնետով, այլև տվյալների փոխանցման ծառայություններ տրամադրել:

Ֆարամազյանը նշեց, որ մինչև տարեվերջ նախատեսվում է նաև շահագործման հանձնել Երևան-Եղվարդ-Աբովյան-Չարենցավան-Հրազդան-Սևան-Դիլիջան հատվածի ցանցը, ինչպես նաև ավարտել Մասիս-Էջմիածին-Արմավիր հատվածի շինարարությունը:

ՀԿԵ-ի գլխավոր ինժեներ Սերգեյ Հարությունյանն իր հերթին նշեց, որ ընկերության բեռնափոխադրումների շուրջ 40 տոկոսը բաժին է հասնում այնպիսի հատվածների, ինչպիսիք են Արարատը, Հրազդանը, Սևանը, Զոդը, որոնք տեղեկատվության փոխանակման ժամանակակից համակարգի կարիք ունեին, որը կապված է գնացքների երթևեկության և կառավարման համակարգի ներդրման հետ:

«Բացի փոխադրումների ավտոմատացումից, համակարգը կօգտագործվի նաև ներքին նպատակների, մասնավորապես՝ ժամանակակից կապ ապահովելու, տարբեր գործընթացների ավտոմատացման համար, այդ թվում նաև՝ ուսուցման ծրագրերի գործնական իրագործման, վառելիքի վերահսկման, տոմսերի էլեկտրոնային ձևակերպման համար», - ասաց Հարությունյանը:

Նա նշեց, որ հիմնական ուղղությունների և մինչև Զոդ փոքր հատվածի (շուրջ 200 կմ) շինարարությունից հետո ՀԿԵ-ի ենթակառուցվածքն ամբողջովին կզինվի ժամանակակից էլեկտրոնային համակարգով:

GNC-Alfa ընկերությունը հիմնվել է 2007 թվականին։ Ընկերության գործունեության հիմնական ուղղությունները հեռահաղորդակցման մայրուղային ցանցերի կառուցումն ու շահագործումը և տրանսպորտային ցանցի ծառայությունների տրամադրումն է։ GNC-Alfa-ն արդեն ավարտել է Իրանից Երևան օպտիկամանրաթելային մայրուղային մալուխի շինարարությունը, ինչպես նաև երկու ելք է ապահովել Վրաստանից:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։