487.98
-0.05
577.67
+5.94
8.09
-0.1
+7
Եղանակը Երևանում
Հայ
ՀՀ մշակույթի նախարարությունը և «Գալուստ Գյուլբենկյան» հիմնադրամը համագործակցության հուշագիր են ստորագրել
14:51
03 Սեպտեմբերի 2010

ՀՀ մշակույթի նախարար Հասմիկ Պողոսյանը և «Գալուստ Գյուլբենկյան» հիմնադրամի հայկական բաժնի տնօրեն Զավեն Եկավյանն ուրբաթ մշակույթի և արվեստի ոլորտում համագործակցության հուշագիր են ստորագրել։

Ինչպես նշեց Եկավյանը, հուշագրի կարևորագույն հանգամանքներից մեկը  համագործակցությունն է Հայաստանի պատմամշակութային ժառանգության պահպանման ոլորտում, ինչն իր մեջ է ներառում պատմամշակութային հուշարձանների ուսումնասիրումն ու վերականգնումը։

«Արդեն 56 տարի է, ինչ «Գալուստ Գյուլբենկյան» հիմնադրամը համագործակցում է Հայաստանի հետ։ Այսօր մենք ապրում ենք անկախ Հայաստանում, սակայն մեր միակ նպատակն է աջակցել հայ ժողովրդի մտավոր և կրթական զարգացմանը»,- լրագրողներին ասաց Եկավյանը՝ ընդգծելով, որ համագործակցությունը պետք է առավել համակարգված բնույթ ստանա։

Նա հիշեցրեց, որ հիմնադրամի հիմնադիր, խոշոր ձեռներեց Գալուստ Գյուլբենկյանի  կտակի համաձայն, 1955թ.-ին դեռ Խորհրդային Հայաստանում վերականգնվել է Առաքելական Էջմիածնի եկեղեցիներից մեկի զանգակատունը։

Հուշագիրը նաև համագործակցություն է նախատեսում ժամանակակից արվեստի ոլորտում, մանավորապես՝ ծրագրերի իրականացում երաժշտության, գեղանկարչության, թատրոնի, կինոյի, լուսանկարչության, ճարտարապետության, դիզայնի բնագավառներում։ Նաև կկարգավորվի աշխարհի առաջատար մշակութային կրթական հաստատություններում երիտասարդ կադրերի ուսուցումը, գրականության և գրատպության ոլորտի փոխազդեցությունը, թարգմանության և հայ գրականության հրատարակման ծրագրերի իրականացումը։

Կողմերը պայմանավորվածություններ են ձեռք բերել 2012թ.-ին առաջին հայկական տպագրական գրքի հրատարակման 500-ամյակին նվիրված համատեղ միջոցառումներ իրականացնելու, ինչպես նաև ՅՈՒՆԵՍԿՕ- «Երևանը՝ 2012թ.-ի գրքի համաշխարհային մայրաքաղաք» ծրագրի շրջանակներում։

«Գալուստ Գյուլբենկյան» հիմնադրամը ստեղծվել է 1956 թվականին։ Կազմակերպության հայկական բաժինը 1984 թվականից գլխավորում է բարերար, բանասեր և արևելագետ Զավեն Եկավյանը, ով ԵՊՀ շրջանավարտ և պատվավոր դոկտոր է։

Գալուստ Սարգիս Գյուլբենկյան անգլիահայ ձեռնարկատեր և միլիոնատեր է, 20-րդ դարի  խոշորագույն նավթային մագնատ, մեկենաս։

20-րդ դարի սկզբին ակտիվ մասնակցություն է ունեցել համաշխարհային նավթարտադրության կազմակերպմանը՝ աջակցելով աշխարհի ընկերություններին օպտիմալացնել արդյունահանումը։ 1907 թվականին նրա աշխատանքի արդյունք է հանդիսացել դանիական և բրիտանական նավթային ընկերությունների միաձուլումը Royal Dutch Shell ընկերությունում, աշխատանքի համար Գյուլբենկյանը ստացել է նոր ընկերության բաժնետոմսերի 5 տոկոսը։

Հետագայում մասնակցել է նավթային այլ ընկերությունների (Turkish Petroleum Company, Iraq Petroleum Company…) ստեղծմանը՝ միշտ որպես պարգևատրում ստանալով նոր ընկերությունների բաժնետոմսերի 5 տոկոսը, ինչի համար էլ ստացել է «պարոն հինգ տոկոս» մականունը։ -0-

Loading...
Թեմատիկ նյութեր
Բաժնի այլ նյութեր
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։