+20
Եղանակը Երևանում
Հայ
ՀՀ ճանապարհային ոստիկանությունն ուսումնական տարվա առաջին օրերին «անվտանգության տասնօրյակ» կանցկացնի
15:21
31 Օգոստոսի 2010

ՀՀ ճանապարհային ոստիկանությունն ուսումնական տարեսկզբի կապակցությամբ սեպտեմբերի 1-10-ը «ճանապարհային երթևեկության տասնօրյակ» կանցկացնի, երեքշաբթի լրագրողներին ասաց Ճանապարհային ոստիկանության ճանապարհապարեկային ծառայության բաժնի պետ, գնդապետ Նորիկ Սարգսյանը:

Ըստ նրա, «անվտանգության տասնօրյակը» կանցկացվի Հայաստանի ողջ տարածքով` «Ուշադրություն, երեխաներ են» կարգախոսով:

Սարգսյանը նշեց, որ այդ օրերին Ճանապարհային ոստիկանության հիմնական ուժերն ու միջոցները կկենտրոնացվեն դպրոցներին հարակից փողոցներում` ինչպես երեխաների անվտանգությունն ապահովելու, այնպես էլ ճանապարհային երթևեկության կանոնների պահպանումը վերահսկելու նպատակով:

Ըստ ճանապարհապարեկային ծառայության ղեկավարի, 2009թ.-ին Հայաստանում համանման ակցիա անցկացնելու ժամանակ ընդհանուր առմամբ 58 ճանապարհատրանսպորտային պատահար է գրանցվել, որոնց արդյունքում հինգ հոգի զոհվել է և 71-ը մարմնական վնասվածքներ են ստացել:

Միաժամանակ, նշված ժամանակահատվածում 12 ՃՏՊ է գրանցվել երեխաների մասնակցությամբ, որոնց արդյունքում մինչև 16 տարեկան երկու երեխա է զոհվել, ևս 10-ը վնասվածքներ են ստացել:

 «Երեք տարեկան երեխան զոհվել է` իր տան բակում ետ շարժվող բեռնատարի անիվի տակ ընկնելով, 12 տարեկան մեկ երեխա էլ զոհվել է շրջված մեքենայում: Դեպի դպրոց և հետադարձ ճանապարհին ոչ մի երեխա չի տուժել»,- ընդգծեց Սարգսյանը:

Նա կոչ է արել դպրոցականներին` իրենց անվտանգությունն ապահովելու նպատակով քայլել միայն մայթերով և փողոցը ճիշտ տեղով անցնել` ուշադիր հետևելով լուսանշանի ազդանշաններին:

 «Մենք խնդրում և պահանջում ենք բոլոր վարորդներին այդ օրերին չափազանց աչալուրջ լինել, խուսափել ավելորդ շտապողականությունից և դպրոցներին հարակից փողոցներում հատուկ պատասխանատվություն ցուցաբերել` հաշվի առնելով, որ փողոցների աշխույժ հատվածում կարող են երեխաներ հայտնվել: Այդ դեպքերում պետք է կանգ առնել և զիջել ճանապարհը»,- ասաց Սարգսյանը:

Ըստ նրա, որպեսզի երթևեկության համար խոչընդոտներ չստեղծվեն, երեխաների ծնողները պետք է հեռանան երթևեկելի մասից երեխաներին դպրոց հասցնելուց անմիջապես հետո:

«Օրինախախտների  հանդեպ խիստ միջոցներ կկիրառվեն»,- ասաց ճանապարհապարեկային ծառայության ղեկավարը` ավելացնելով, որ այդ հարցում ոչ մի զիջումներ չեն լինի և լրագրողներին առաջարկեց, որպեսզի իրենք էլ համոզվեն ոստիկանների արդյունավետ աշխատանքում:

Նա նաև նշեց, որ սեպտեմբերի 1-ին Ճանապարհային ոստիկանության աշխատակիցների համար ծառայությունը կսկսվի սովորականից կես ժամ շուտ` ժամը 8-ին` բոլոր խաչմերուկների և դպրոցների մոտ: Միաժամանակ, հատուկ ուշադրություն կհատկացվի առավոտվա 08:00- 09:00 ժամերին և ուսումնական օրվա վերջին` 12.00 -14.00:

Ըստ Սարգսյանի, բացի այդ, բոլոր դպրոցները կապահովվեն անհրաժեշտ նախազգուշական նշաններով: -0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: