484.51
-0.37
518.72
-3.16
8.61
-0.05
+4
Եղանակը Երևանում
Հայ
Հայ հնագետներն Արցախի Տիգրանակերտի պեղումների ժամանակ հին պղնձե մետաղադրամներ են հայտնաբերել
17:04
30 Օգոստոսի 2010

ԵՐԵՎԱՆ, 30 օգոստոսի. /Նովոստի-Արմենիա/. Ղարաբաղում Տիգրանակերտի պեղումների ժամանակ հայ հնագետները պղնձե մետաղադրամներ են հայտնաբերել՝ թվագրված մոտավորապես մ.թ.ա. 1-ին դ.-ից մինչև մ.թ.1-ին դ., երկուշաբթի լրագրողներին ասաց ՀՀ ԳԱԱ հնագիտության և ազգագրության ինստիտուտի հնագիտական արշավախմբի ղեկավար, պատմական գիտությունների դոկտոր Համլետ Պետրոսյանը։

Արցախի Տիգրանակերտի հերթական պեղումների փուլն անցկացվել է հունիսի 15-ից մինչև օգոստոսի 25-ն ընկած ժամանակահատվածում։ 2010 թ. Տիգրանակերտի պեղումներն ընթանում են 3 հիմնական հատվածում: Ամրացված թաղամասում, որը ստեղծվել է Տիգրան Մեծի օրոք, բացվում է հյուսիսային պարսպապատը: Երկրորդը միջնաբերդի հատվածի պեղումներն են, որտեղ բացվում են ժայռափոր համալիրները: Եվ երրորդը, որը հիմնական տեղամասն է, բազիլիկ եկեղեցու պեղումներն են, որտեղ հարավից եկեղեցուն կցված է եղել բաց սյունասրահ:

«Վերջին 10 օրվա ընթացքում Տիգրանակերտի նոր հին գերեզմանատանը երկու թաղված սափոր է հայտնաբերվել, որոնց մեջ երկու պղնձե մետաղադրամներ են եղել, որոնք ըստ արտաքին տեսքի պարգևադրամներ են և , ամենայն հավանականությամբ մ.թ.ա 1-ին դարի և մ.թ.1-ին դարին են պատկանում»,- ասաց Պետրոսյանը։

Ինչպես նշեց փորձագետը, մետաղադրամի վրա փորագրված է թագավորի կիսադեմը, սակայն դեռ դժվար է ասել, թե ում կիսադեմն է, քանի որ պղնձե մետաղադրամները ժամանակի ընթացքում օքսիդանում են, ինչը դժվարեցնում է մետաղադրամի արտաքին տեսքի ուսումնասիրությունը։

Ըստ նրա, տվյալ պահին մետաղադրամը, որն ըստ փորձագետների գնահատականի, լավ է վիճակում գտնվում, ուղարկվել է մաքրման և մշակման, որից հետո հնարավոր կլինի ասել ոչ միայն, թե ում կիսադեմն է պատկերված դրա վրա, այլ նաև թե կոնկրետ որ ժամանակահատվածի դրամահատմանն է այն պատկանում։

Նա նշեց, որ մետաղադրամներից մեկը գտնվել է հայտնաբերված կմախքի ծնոտում, որի պատճառով ատամները կանաչ փառով են պատվել։ Ինչպես պարզաբանեց հնագետը, այդ ծիսակարգը բացատրվում է նրանով, որ ըստ ավանդույթի, «մահվան գետը» անցնելու համար անհրաժեշտ է մահացողների հոգիների նավավարին վճարել, ինչի համար էլ հանգուցյալի գերեզմանում մետաղադրամ են դրել։

Ինչպես կարծում է փորձագետը, նման օրինաչափությունը թույլ կտա  ավելի շատ մետաղադրամներ գտնել դամբարանադաշտում, ինչը կարևոր դեր կխաղա Տիգրանակերտի ուսումնասիրման մեջ։

«Այս դեպքում Տիգրանի ժամանակի և Տիգրանի հատած դրամների գյուտերն ավելի հավանական են դառնում»,- ասաց Պետրոսյանը։

Տիգրանակերտի պեղումները իրականացվում են 2005 թ.-ից ՝ «Երկիր» միության նախաձեռնությամբ։

Աշխատանքների առաջին տարում ճշտվել էր քաղաքի կոնկրետ գտնվելու վայրը, իսկ 2006 թ.-ին իրականացվել են պեղումներ քաղաքի և դրա շրջակա միջավայրի տարբեր մասերում, որոնք ի հայտ են բերել միջնաբերդի մի մասը, քաղաքի ամրացված մասի սանդղավանդերից մեկի հիմնապատը, կենտրոնական շրջանում գտնվող վաղքրիստոնեական բազիլիկան։

Պեղումները վկայում են այն մասին, որ Տիգրանակերտը կառուցվել է միասնական պլանի հիման վրա և կատարյալ կառուցապատմամբ հզոր քաղաք-ամրոց է, ունեցել է քաղաքային բարձր մշակույթ և դարերի ընթացքում պահպանել է հայկական պատկերը-0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: