487.57
+0.28
567.63
-0.45
8.2
-0.03
+10
Եղանակը Երևանում
Հայ
Ռազմական գործողություններ չեն վերսկսվի տեսանելի ապագայում. փորձագետ
17:58
23 Օգոստոսի 2010

Ղարաբաղյան հակամարտության գոտում ռազմական գործողությունների վերսկսում չի լինի տեսանելի ապագայում, կարծում է Կովկասի Ինստիտուտի քաղաքական հետազոտությունների բաժնի ղեկավար Սերգեյ Մինասյանը։

«Գլխավոր քաղաքական հաղորդագրությունը, որը Մոսկվան արել է Բաքվին՝ Հայաստանում ռուսական ռազմակայանի տեղակայման ժամկետի երկարացման պայմանագրի ստորագրմամբ, այն է, որ ղարաբաղյան հակամարտության առումով Ադրբեջանում կարող են թուլանալ և հանգիստ քնել, քանի դեռ տեսանելի ապագայում հակամարտության գոտում ռազմական գործողությունների վերսկսում չի լինի, կամ էլ դա ինքնասպանություն կլինի այն երկրի համար, որը ռազմական գործողություններ կսկսի»,- երկուշաբթի «Նովոստի» միջազգային մամուլի կենտրոնում «Դմիտրի Մեդվեդևի՝ Հայաստան կատարած այցի արդյունքները» Երևան-Մոսկվա տեսակամուրջի ժամանակ ասաց Մինասյանը։

Երկու պետությունների միջև արձանագրություն է ստորագրվել Գյումրիի ռուսական ռազմակայանի մասին 1995 թ.-ին ստորագրված երկկողմ պայմանագրի մեջ փոփոխություններ կատարելու մասին, որոնք վերաբերում են փաստաթղթի գործողության ժամկետի երկարացմանը: 1995 թ.-ին ստորագրված պայմանագրի գործողության ժամկետը 25 տարի էր, այժմ փաստաթուղթը գործելու է 49 տարի՝ սկսած 1995 թ.-ից:

Մինասյանը նշեց, որ դա առաջին հերթին բացատրվում է Հայաստանում ռուսական ռազմակայանի մասին արձանագրությունում կատարված փոփոխություններով, ինչը Հայաստանին հնարավորություն է տալիս ռուսական ռազմակայանի կողմից հստակ ռազմական աջակցության հույս ունենալ այն դեպքում, եթե ղարաբաղյան հակամարտության գոտում հիպոթետիկ ռազմական գործողությունները վերսկսվեն։

«Այլ կերպ ասած, Հայաստանը կարող է հույս ունենալ, որ ռուսական զորքերն անհրաժեշտության դեպքում և ֆորսմաժորային հանգամանքներում կարող են տեղակայվել Ադրբեջանի հետ Հայաստանի հյուսիս-արևելյան սահմանում կամ Նախիջևանի ուղղությանմբ»,- ասաց նա։

Ըստ քաղաքագետի, մեկ ուրիշ՝ առավել կարևոր փաստը, որը թույլ է տալիս ասել, թե Ռուսաստանը տարածաշրջանի մակարդակով երկարատև ստատուս-քվո և անվտանգության հեռանկարներ է ամրագրում, ռուսական ռազմակայանի օգտագործման հնարավորությունների վերաբերյալ Մեդվեդևի մեկնաբանությունն է, որն արվել է ինչպես երկկողմանի հանդիպման, այնպես էլ ՝ՀԱՊԿ գագաթնաժողովի ժամանակ։

«Նախագահ Մեդվեդևն այն հարցին, թե ինչպես կարձագանքի Ռուսաստանը Լեռնային Ղարաբաղում ռազմական գործողությունների վերսկսմանը, միանշանակ հիշատակեց, որ Ռուսաստանի համար շատ կարևոր է խաղաղություն պահպանելը, և միաժամանակ Ռուսաստանն իր դաշնակից Հայաստանի՝ ՀԱՊԿ անդամի առջև իր պարտականություններն ունի»,- ասաց նա։

Փորձագետն ակնհայտ է համարել այն, որ եթե ռազմական գործողությունները վերսկսվեն, դրանք կանդրադառնան ոչ միայն Ղարաբաղին, այլ նաև հայ-ադրբեջանական սահմանին։

«Եվ դրանից ելնելով՝ Մեդվեդևն այդպես էլ  հնչեցրեց դիրքորոշումը, որ Ռուսաստանը հավատարիմ է մնում Հայաստանի առջև անվտանգության ոլորտում ստանձնած իր պարտավորություններին»,- ասաց Մինասյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։