487.29
-0.01
568.08
+2.76
8.23
+0.01
+4
Եղանակը Երևանում
Հայ
Հայաստանի և Ռուսաստանի նախագահները դաշնակցային գործակցության նոր հեռանկարներ են տեսնում
17:24
21 Օգոստոսի 2010

Հայաստանի և Ռուսաստանի նախագահներ Սերժ Սարգսյանն ու Դմիտրի Մեդվեդևը համոզված են, որ երկու երկրների հարաբերությունների զարգացման ներկա փուլը դաշնակցային գործակցության, բոլոր բնագավառներում կապերի ինտենսիվ խորացման նոր հեռանկարներ է բացում՝ ելնելով երկու երկրների բարգավաճման և իրենց ժողովուրդների բարեկեցության բարձրացման, Կովկասում և ողջ աշխարհում ամուր խաղաղության, կայունության և անվտանգության ապահովման շահերից:

Ինչպես նշվում է ՌԴ նախագահ Դմիտրի Մեդվեդևի՝ Հայաստան կատարած պետական այցից հետո ընդունված ռուս-հայկական համատեղ հայտարարության մեջ, որը հրապարակված է ՌԴ նախագահի պաշտոնական կայքում, բանակցությունների ընթացքում մանրամասն քննարկվել են Ռուսաստանի և Հայաստանի միջև դաշնակցային, ռազմավարական գործընկերության հարաբերությունների զարգացման վիճակն ու հեռանկարները, որի հիմքն է երկու պետությունների արմատական շահերին անդրադարձող հարցերում փոխադարձ աջակցությունը:

2010 թ.-ի օգոստոսի 19-20-ը ՀՀ նախագահ Սերժ Սարգսյանի հրավերով տեղի է ունեցել Ռուսաստանի Դաշնության նախագահ Դմիտրի Մեդվեդևի՝ Հայաստանի Հանրապետություն կատարած պետական այցը:

Հայտարարության մեջ նշվում է, որ կողմերը կարծիքներ են փոխանակել կարևորագույն միջազգային և տարածաշրջանային խնդիրների շուրջ:

Երկու երկրների ժողովուրդների արմատական շահերին համապատասխան՝ ռուս-հայկական փոխըմբռնման և վստահության, փոխշահավետ համագործակցության ամրապնդմանն ուղղված համատեղ աշխատանքի արդյունքները երկու պետությունների ղեկավարների դրական գնահատականն են ստացել:

«Այցին հատուկ նշանակություն է տվել այն փաստը, որ այն տեղի է ունեցել Հայրենական մեծ հաղթանակի 65-րդ տարեդարձի տոնակատարության տարում», - նշվում է հայտարարության մեջ:

Այցի ընթացքում կողմերը նշեցին, որ նպատակաուղղված են կառուցողական, երկկողմ արտաքին-քաղաքական գործակցության, ԱՊՀ-ի և ՀԱՊԿ-ի, ինչպես նաև միջազգային կազմակերպությունների և ֆորումների, այդ թվում նաև  ՄԱԿ-ի և ԵԱՀԿ-ի  շրջանակներում համատեղ ջանքերի հետագա զարգացմանը՝ ելնելով համընդհանուր խաղաղության, կայունության և անվտանգության ամրապնդման շահերից:

Նշվել է նաև ԱՊՀ-ում և ԵԱՀԿ-ում Ռուսաստանի նախագահության ժամանակահատվածում այդ կազմակերպությունների գործունեության մեջ կատարած ներդրումը:

ՀՀ նախագահը աջակցել է Եվրոպական անվտանգության պայմանագրի մշակման և կնքման մասին ՌԴ նախագահի նախաձեռնությանը, որի հիմքում ընկած են Եվրոատլանտիկայի բոլոր պետությունների համար միասնական, հավասար և անբաժանելի անվտանգության սկզբունքները:

Բանակցությունների ընթացքում նշվել է Տնտեսական համագործակցության միջկառավարական երկկողմ հանձնաժողովի հատուկ դերը, որը կոչված է նոր ազդակ հաղորդել ռուս-հայկական տնտեսական-ներդրումային համագործակցության ընդլայնմանը, երկու երկրների մարզերի տնտեսությունների զարգացմանը:

Ուշադրության է արժանացել էներգետիկայի, տրանսպորտի, հեռահաղորդակցություների, լեռնամետաղագործական և լեռնահանքային ոլորտներում, բանկային հատվածում փոխգործակցության հետագա զարգացման հեռանկարային նշանակությունը, նորարար տեխնոլոգիաների զարգացումը:

«Ռուսաստանի Դաշնությունն ու Հայաստանի Հանրապետությունը փաստել են, որ ռազմաքաղաքական և ռազմատեխնիկական համագործակցությունը դիտարկում են որպես ռուս-հայկական միջպետական դաշնակային հարաբերությունների կարևոր բաղկացուցիչներ: Պետությունները հաստատել են պատրաստակամություն՝ հետագայում ևս նրանց առաջնային ուշադրության արժանացնել », - նշվում է հայտարարության մեջ:

Պետությունների ղեկավարները գոհունակությամբ նշել են մարդասիրական ոլորտում համագործակցության առաջնային զարգացումը և հայտարարել են երկու երկրների ժողովուրդների հոգևոր և մշակութային մտերմության պահպանմանն ու ամրապնդմանն աջակցելու մտադրության մասին:

Բանակցություններից հետո ստորագրվել է երկկողմ համագործակցության մասին  5 փաստաթուղթ. «Հայաստանի Հանրապետության և Ռուսաստանի Դաշնության միջև 1995թ. մարտի 16-ի` «Հայաստանի Հանրապետության և Ռուսաստանի Դաշնության միջև Հայաստանի Հանրապետության տարածքում ռուսաստանյան ռազմակայանի մասին» պայմանագրում փոփոխություններ կատարելու մասին արձանագրություն»,  «Ռուսաստանի Դաշնության Կառավարության և Հայաստանի Հանրապետության Կառավարության միջև Հայաստանի Հանրապետության տարածքում ատոմային էլեկտրակայանի նոր էներգաբլոկներ կառուցելու համար համագործակցության մասին համաձայնագիր», «Հայաստանի Հանրապետության Կառավարության և Ռուսաստանի Դաշնության Կառավարության միջև առևտրային ներկայացուցչություններ փոխադարձաբար հիմնելու մասին Համաձայնագիր»,   «Հայաստանի Հանրապետության Կառավարության և  Ռուսաստանի Դաշնության Կառավարության միջև հետընդունման (ռեադմիսիայի) մասին Համաձայնագրի իրականացման  կարգի մասին Կիրարկման արձանագրություն»,  «Ռազմատեխնիկական համագործակցության Դաշնային ծառայության /ՌԴ/ և Հայաստանի Հանրապետության պաշտպանության նախարարության միջև Հայաստանի Հանրապետության տարածքում` արտոնագրված ծառայությունների կենտրոնների և ռազմական տեխնիկայի և տեխնիկական սպասարկման ու վերանորոգման համատեղ ձեռնարկությունների ստեղծման բնագավառում համագործակցության հարցերի մասին փոխըմբռնման հուշագիր»: 

ՀՀ և ՌԴ նախագահներ Սերժ Սարգսյանն ու Դմիտրի Մեդվեդևն ուրբաթ Գյումրիում մասնակցել են «Պատվո Բլուր» հուշահամալիրի բացմանը: Հուշահամալիրը կառուցվել է այն վայրում, որտեղ ամփոփված են ռուս-թուրքական պատերազմի ժամանակ զոհված 156 սպաների մարմինները։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։