484.75
-0.5
571.76
+2.32
8.19
+0.01
-1
Եղանակը Երևանում
Հայ
ՌԴ նախագահը պետական այցով կժամանի Հայաստան
13:34
19 Օգոստոսի 2010

ՌԴ նախագահ Դմիտրի Մեդվեդևը հինգշաբթի պետական այցով կժամանի Հայաստան, որտեղ կմասնացկի ՀԱՊԿ պետությունների ղեկավարների ոչ պաշտոնական հանդիպմանը:

«Պետական այցը դիվանագիտական արձանագրության մեջ միջազգային կապերի բարձրագույն ձևն է: Որպես օրենք՝ օտարերկրյա պետության ղեկավարը նման կարգի այցով ընդունվում է իր նախագահության ընթացքում միայն մեկ անգամ: Մինչև հիմա ռուս-հայկական հարաբերությունների պատմության մեջ պետական այցեր չեն անցկացվել», - այցի նախօրեին ՌԻԱ Նովոստիին է հայտնել Կրեմլի մամուլի ծառայությունը:

ԱՅՑԻ ԾՐԱԳԻՐԸ

ՌԴ նախագահը Երևան կժամանի օգոստոսի 19-ի երեկոյան:

Մեդվեդևը կայցելի Հայոց ցեղասպանության զոհերի հուշահամալիր, որտեղ ծաղկեպսակ կդնի Ցեղասպանության զոհերի հուշահամալիրի մոտ: Այնուհետև Մեդվեդևի պատվին ՀՀ նախագահի նստավայրում պաշտոնական ճաշ կտրվի, տեղեկացրել է ՀՀ նախագահի մամուլի ծառայությունը:

Ուրբաթ՝ օգոստոսի 20-ին նեղ և ընդլայնված կազմերով բանակցություններ կանցկացվեն, որոնց կհետևի փաստաթղթերի ստորագրման արարողությունն ու Դմիտրի Մեդվեդևի և Սերժ Սարգսյանի մամուլի ասուլիսը, լրագրողներին տեղեկացրել է ՌԴ նախագահի օգնական Սերգեյ Պրիխոդկոն:

Նույն օրը Ռուսաստանի և Հայաստանի նախագահները կայցելեն Գյումրի՝ «Պատվո բլուր» հուշահամալիրի բացման հանդիսավոր արարողությանը մասնակցելու: «Պատվո բլուրը» զինվորական գերեզմանոց է՝ հիմնված 1856 թ.-ին, այնտեղ ամփոփված են Կովկասում 1856 և 1877-1878 թթ.-ին տեղի ունեցած ռուս-թուրքական պատերազմների ընթացքում զոհված ռուսական բանակի 156 սպաների մարմինները:

Պետական այցի ավարտից հետո ՌԴ նախագահը կմասնակցի օգոստոսի 20-21-ին կայանալիք ՀԱՊԿ անդամ-պետությունների ղեկավարների ոչ պաշտոնական գագաթնաժողովին:

ԹԵՄԱՆ ԵՎ ՓԱՍՏԱԹՂԹԵՐԸ

Ինչպես անկնալվում է, Մեդվեդևի այցի ընթացքում կքննարկվեն Հայաստանում խոշոր ռուսական ներդրումային նախագծերի իրագործման հարցերը, ինչպես նաև աշխատանքի հեռանկարները, տեղեկացրել են Կրեմլի մամուլի ծառայությունից:

«Այս կապակցությամբ առավել հեռանկարային բնագավառներիցի մեկն ատոմային էներգետիկան է: Այցի շրջանակներում ստորագրման է պատրաստվում Հայաստանի տարածքում հաջորդ սերնդի ատոմային էներգաբլոկի կառուցման հարցում համագործակցության միջկառավարական համաձայնագիրը», - նշվում է տեղեկատվության մեջ:

Այցի ընթացքում կստորագրվի մի քանի երկկողմ փաստաթուղթ, տեղեկացրել է ՌԴ նախագահի օգնականը: Մասնավորապես, ծրագրվում է փոխըմբռնման հուշագիր ստորագրել ՌԴ ռազմատեխնիկական համագործակցության ծառայության և ՀՀ պաշտպանության նախարարության միջև:

«ՌՏՀ-ին վերաբերող հուշագիրը կրում է շրջանակային բնույթ, այն կարգավորում է տարբեր տեսակի սպառազինությունների և ռազմական տեխնիկայի սպասարկման և նորոգման հետ կապված հարցերը», - ասել է Պրիխոդկոն:

Բացի այդ, կստորագրվի Հայաստանում ռուսական ռազմաբայի մասին 1995 թ.-ին ստորագրված պայմանագրի գործողությունների ժամկետի երկարացման մասին արձանագրությունը: Նախատեսված է նաև Ռուսաստանի և Հայաստանի կառավարությունների միջև համաձայնագրի ստորագրումը ռեադմիսիայի և համաձայնագրի գործադիր արձանագրության մասին, ինչպես նաև կստորագրվի առևտրային ներկայացուցչությունների փոխադարձ հիմնադրման մասին պայմանագիրը, տեղեկացրել է Կրեմլի ներկայացուցիչը:

Ռուս-հայկական համագործակցության միջազգային օրակարգում կարևոր տեղ են զբաղեցնում ինտեգրացիոն միավորումներում, մասնավորապես՝ ՀԱՊԿ-ում, փոխգործակցության հարցերը, նշել են Կրեմլի մամուլի ծառայությունից:

«Ակնկալվում է, որ ուշադրության կարժանանա նաև ղարաբաղյան հակամարտության կարգավորումը: ԵԱՀԿ ՄԽ-ի շրջանակներում և Երևանի ու Բաքվի հետ երկկողմ կապերում Ռուսաստանն ակտիվորեն մասնակցում է կարգավորման հիմնական սկզբունքների համաձայնեցմանն ուղղված միջնորդական ջանքերին», - նշվում է ՌԴ նախագահի մամուլի ծառայության տեղեկատվության մեջ:

ՏՆՏԵՍԱԿԱՆ ՀԱՄԱԳՈՐԾԱԿՑՈՒԹՅՈՒՆ

«Ռուսաստանի և Հայաստանի բարեկամական հարաբերությունները հիմնվում են ամուր տնտեսական հիմքի վրա: Հայաստանում հաջող գործում են ռուսական առաջատար ընկերությունները՝ «Գազպրոմը», «Ինտեր ՌԱՕ ԵԷՍ»-ը, «ՌԵ»-ն «ՎՏԲ Բանկը», «Ռուսական ալյումինիումը», «Վիմպելկոմը», «Սիստեմա» ԲՖԿ-ն», - նշել են Կրեմլի մամուլի ծառայությունից:

1991 թ.-ից կուտակված կապիտալի ներդրումները Ռուսաստանից Հայաստանի տնտեսությունում կազմում են շուրջ 2,4 միլիարդ դոլար կամ երկրում արված բոլոր օտարերկրյա ներդրումների գրեթե 60 տոկոսը: Ռուսական կապիտալի տեղաբաշխման հիմնական ոլորտներ են էներգետիկան, հայկական ազգային տնտեսության բանկային, հեռահաղորդակցական, լեռնամետաղագործական և շինարարական հատվածները, նշվում է մամուլի ծառայության տեղեկատվության մեջ:

ՀԱՊԿ ԳԱԳԱԹՆԱԺՈՂՈՎ

ՀԱՊԿ անդամ-պետությունների ոչ պաշտոնական գագաթնաժողովը կանցկացվի Հայաստանում օգոստոսի 20-21-ը: Ինչպես տեղեկացրել է Պրիխոդկոն, հանդիպման ընթացքում կքննարկվի Կենտրոնական Ասիայի տարածաշրջանում տիրող իրավիճակն ու Ղրղզստանում իրավիճակի կայունացմանն ուղղված միջոցառումները:

«Ենթադրվում է, որ առաջնորդների մոտ մտքերի ավելի խորը փոխանակում տեղի կունենա գագաթնաժողովի առաջին օրը՝ օգոստոսի 20-ին: Մասնավորապես, պետությունների ղեկավարները կքննարկեն Կենտրոնական Ասիայի տարածաշրջանում տիրող իրավիճակը, Ղրղզստանում տիրող իրավիճակի կայունացմանն ուղղված ՀԱՊԿ անդամ-պետությունների աջակցության միջոցները, ինչպես նաև ՀԱՊԿ-ում գոյություն ունեցող ճգնաժամային իրավիճակներին արձագանքելու մեխանիզմների կատարելագործման ուղիները», - նշել է ՌԴ նախագահի օգնականը:

Նա նաև նշել է, որ հաշվի առնելով միջոցառումների բնույթը՝ նախագահներից յուրաքանչյուրը կարող է քննարկման հանել լրացուցիչ հարցեր:

«Այսպես, օրինակ, նախատեսվում է, որ ՌԴ նախագահը, ով հիմա Հավաքական անվտանգության կազմակերպության խորհրդի նախագահն է, մնացած պետությունների ղեկավարների հետ համաձայնեցնի Մոսկվայում  ՀԱՊԿ ՀԱԽ-ի հերթական նստաշրջանի անցկացման օրը», - տեղեկացրել է Կրեմլի ներկայացուցիչը:

Պրիխոդկոյի խոսքերով՝ գագաթնաժողովի ոչ պաշտոնական բնույթը չի ենթադրում որևէ փաստաթղթերի ընդունում, հանդիպման մասնակիցները կկենտրոնանան կարծիքների բաց փոխանակման վրա:

Կրեմլի ներկայացուցչի խոսքերով՝ ՀԱՊԿ անդամ-պետությունների առաջնորդները, անկասկած, «ազդակ կհաղորդեն ապագա գագաթնաժողովի որոշումների նախապատրաստմանը, իսկ հնարավոր է, որ, ինչպես դա եղավ Բորովոյում կայացած հանդիպումից հետո, կգտնեն նոր, առաջնային լուծումներ»:

Կայանալիք ոչ պաշտոնական հանդիպումը Կազմակերպության պատմության մեջ կդառնա թվով չորրորդ նմանատիպ միջոցառումը: Բարձր մակարդակի վրա շփումների նմանատիպ ձևաչափին սկիզբ է դրվել Բորովոյում (Ղազախստան) 2008 թ.-ի դեկտեմբերի 19-21-ը և հետագայում զարգացել է Չոլպոն-Աթեում (Ղրղզստան) 2009 թ.-ի հուլիսի 31-ից-օգոստոսի 1-ը և Մոսկվայում՝ 2010 թ.-ի մայիսի 8-ին, հիշեցրել է Պրիխոդկոն:

«Գագաթնաժողովի ծրագրով նախատեսված են ինչպես աշխատանքային, այնպես էլ մշակութային միջոցառումներ. հյուրերը կայցելեն Սևանա լիճ», - տեղեկացրել է նա: «Բացառված չեն տարբեր երկկողմանի հանդիպումները, որոնք ավանդաբար անցկացվում են ՀԱՊԿ գագաթնաժողովների շրջանակներում», - ավելացրել է Պրիխոդկոն:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։