482.13
-0.46
538.83
-4.47
8.55
+0.02
+20
Եղանակը Երևանում
Հայ
ԱՄՆ կառավարությունը Հայաստանին 53 միլիոն դոլար կտրամադրի տնտեսության զարգացման և սոցիալական բարեփոխումների համար
14:15
06 Օգոստոսի 2010

ՀՀ էկոնոմիկայի նախարար Ներսես Երիցյանը, Հայաստանում ԱՄՆ արտակարգ և լիազոր դեսպան Մարի Յովանովիչն ու ԱՄՆ ՄԶԳ (USAID) հայաստանյան առաքելության տնօրեն Ջաթինդեր Չիման (Jatinder Cheema) ուրբաթ Երևանում կնքեցին երկու Օժանդակության համաձայնագիր, որոնց շրջանակներում ԱՄՆ ՄԶԳ-ն 2010-2013 թվականների ընթացքում Հայաստանի կառավարությանը կտրամադրի մոտավոր արժեքով մինչև 50 միլիոն ԱՄՆ դոլար` ուղղված երկրի տնտեսական զարգացմանը, ինչպես նաև առողջապահական և սոցիալական բարեփոխումներին:

Տնտեսական զարգացման օժանդակության համաձայնագրի շրջանակներում ԱՄՆ ՄԶԳ -ի կողմից Հայաստանին տրամադրվող ֆինանսավորումը կնպաստի ավելի մրցունակ և բազմազանեցված մասնավոր հատվածի զարգացմանը: Ծրագիրը կբարձրացնի փոքր և միջին ձեռնարկությունների մրցունակությունը երկրի զարգացման համար հեռանկարային ոլորտներում: Աջակցության նպատակային ոլորտները կլինեն  նորարարական տեխնոլոգիաները, իրավական և կանոնակարգիչ դաշտի, ֆինանսական ռեսուրսների հասանելիության բարելավումը, աշխատանքային շուկայի զարգացումը, ինչպես նաև մասնավոր և հանրային հատվածների համագործակցությունը: 

Առողջապահական և սոցիալական բարեփոխումների Օժանդակության համաձայնագրի շրջանակներում ԱՄՆ ՄԶԳ -ի կողմից Հայաստանին տրամադրվող ֆինանսավորումը կշարունակի օժանդակել ՀՀ Կառավարությանը առողջապահական և սոցիալական ծառայությունների արդյունավետության բարելավման հարցում: Ըստ փաստաթղթի՝ աշխատանքներն ուղղված կլինեն Հայաստանի քաղաքացիների առողջության բարելավմանը,  առողջապահության և սոցիալական պաշտպանության ոլորտներում պետական հատկացումների ավելացմանը, ինչպես նաև առողջապահական և սոցիալական ապահովության ծառայությունների որակի բարելավմանը:

ՀՀ էկոնոմիկայի նախարարի խոսքերով՝ հայ-ամերիկյան համագործակցությունը շարունակում է զարգանալ, և նոր հորիզոններ են բացվում երկկողմ փոխգործակցության համար: Միաժամանակ Երիցյանը նշեց, որ ՀՀ կառավարությունը բարձր է գնահատում ԱՄՆ կառավարության հետ հարաբերությունների մակարդակն ու ձեռնարկում է անհրաժեշտ միջոցառումները Հայաստանի հետագա զարգացման, երկու երկրների մասնավոր հատվածների միջև համագործակցության ընդլայնման համար: «Այսօր ստորագրված համաձայնագրերը կնպաստեն այս ամենին», - նշեց նա:

Միաժամանակ ՀՀ էկոնոմիկայի նախարարը տեղեկացրեց, որ Տնտեսական զարգացման օժանդակության համաձայնագրի համաձայն՝ հիմնական շեշտը կդրվի փոքր և միջին բիզնեսի ներուժն ավելացնելու, մասնավորապես՝ ֆինանսական միջոցների հասանելիությունը բարձրացնելու վրա:

Հայաստանում ԱՄՆ դեսպան Մարի Յովանովիչն իր հերթին նշեց, որ ստորագրված փաստաթղթերն ուղղված են երկու կարևորագույն՝ տնտեսական աճի ապահովման և սոցիալական ծառայությունների ոլորտներում Հայաստանի և ԱՄՆ-ի միջև համագործակցության խորացմանն ու ամրապնդմանը:

ԱՄՆ ՄԶԳ երևանյան գրասենյակի ղեկավար Ջաթինդեր Չիման համաձայնագրերը երկկողմ համագործակցության նոր քայլ և նոր մակարդակ համարեց:-0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։