478.57
+0.37
561.79
+1.96
8.05
+0.02
+22
Եղանակը Երևանում
Հայ
ISAF-ն ու աֆղանական իշխանությունները բարձր են գնահատում Աֆղանստանում հայ խաղաղապահների ծառայությունը
17:22
27 Հուլիսի 2010

Աֆղանստանի միջազգային անվտանգության աջակցման ուժերի (ԱՄԱԱՈՒ-ISAF) հրամանատարությունն ու աֆղանական իշխանությունները ՀՀ պաշտպանության նախարար Սեյրան Օհանյանի հետ հանդիպման ժամանակ, որը տեղի է ունեցել Աֆղանստան կատարած ՀՀ պաշտպանության նախարարի աշխատանքային այցի շրջանակներում, բարձր են գնահատել հայ խաղաղապահների ծառայությունը, երեքշաբթի հաղորդում է ՀՀ պաշտպանության նախարարության մամուլի ծառայությունը:

Հուլիսի 24-26-ը հայկական պատվիրակության այցի շրջանակներում պատվիրակությունը հանդիպել է ISAF-ի հրամանատար, գեներալ Դևիդ Հ. Պետրեուսի, ԱՄԱԱՈՒ-ի հյուսիսային տարածաշրջանային հրամանատարության հրամանատարի և Կունդուզ նահանգային վերականգնողական խմբի ղեկավարության հետ: Հանդիպումների ընթացքում կողմերը քննարկել են Աֆղանստանի և տարածաշրջանի անվտանգության միջավայրը, ԱՄԱԱՈՒ-ից աֆղանական զինված ուժերին անվտանգության պատասխանատվության փոխանցման գործընթացի հետ կապված մարտահրավերները, Քաբուլի վեհաժողովի արդյունքները և հետագա համագործակցության հեռանկարները:

«ԱՄԱԱՈՒ-ի հրամանատարությունը շնորհակալություն է հայտնել նախարար Սեյրան Օհանյանին հայկական զորախմբի գերազանց և օրինակելի ծառայության և այն կարևոր ներդրումի համար, որ հայ խաղաղապահերն ունեն Աֆղանստանի հյուսիսի ռազմավարական նշանակություն ունեցող տեղանքների անվտանգության ապահովման գործում», - նշվում է տեղեկատվության մեջ:

ԱՄԱԱՈՒ-ի հյուսիսային տարածաշրջանային հրամանատարության հրամանատար, գեներալ-մայոր Հանց Վերներ Ֆրիցը համառոտ ներկայացրել է նաև Աֆղանստանի հյուսիսային տարածաշրջանում անվտանգության միջավայրը, գործողությունների ռազմավարությունը, հրամանատարական կառուցվածքը, ձեռքբերումները և առաջիկա մարտահրավերները:

ՀՀ պաշտպանության նախարարն այցելել է Կունդուզում տեղակայված ՀՀ զորախմբին, ծանոթացել է հայ խաղաղապահների ծառայության պայմաններին, եղել Կունդուզի օդանավակայանի հենակետերում: Օդանավակայանի անվտանգությունն ապահովում է հայկական զորախումբը: ՀՀ ԶՈՒ հոգևոր առաջնորդ Վրթանես Եպիսկոպոս Աբրահամյանը օրհնել է հայ խաղաղապահների կողմից կառուցված Սուրբ Թադևոս Առաքյալ անվանակոչված մատուռը:

Հուլիսի 25-ին ՀՀ ԶՈՒ պատվիրակությանն ընդունել է Աֆղանստանի պաշտպանության նախարար Աբդուլ Ռահիմ Վարդակը և Աֆղանստանի ԶՈՒ ԳՇ պետ, գեներալ-լեյտենանտ Շեր Մուհամեդ Քարիմը: Հանդիպումների ժամանակ բարձր գնահատականի է արժանացել ՀՀ զորախմբի ծառայությունը Կունդուզում:

Միաժամանակ, ՀՀ պաշտպանության նախարարի խնդրանքով ներկայացվել է Աֆղանստանում տիրող ընդհանուր իրավիճակը: Մասնավորապես՝ նախարար Վարդակը նշել է, որ վերջին տարվա համեմատ դեպքերի և պատահարների աճը ունի նաև օբյեկտիվ պատճառներ, մասնավորապես՝ կտրուկ աճել է ԱՄԱԱՈՒ-ի և Աֆղանստանի անվտանգության ուժերի քանակը, որի շնորհիվ գործողություններ են իրականացվում այն վայրերում, որտեղ նախկինում դա հնարավոր չէր: Նա ավելացրել է, որ չնայած առկա բազում խնդիրներին, ըստ վիճագրական տվյալների, 2002թ. ի վեր Աֆղանստանում նաև միջազգային հանրության ջանքերով արձանագրվել է հասարակական-տնտեսական աճ:

Հուլիսի 26-ին, Աֆղանստանից հետդարձի ճանապարհին, Ուզբեկստանի Թերմեզի օդանավակայանում ՀՀ պաշտպանության նախարարը հանդիպել է Ուզբեկստանի պաշտպանության փոխնախարար Ֆշավկաթ Տուրսուն Նորմատովի հետ: Հանդիպման ժամանակ կողմերը քննարկել են երկկողմ և բազմակողմ ռազմական համագործակցության ներկա վիճակը և զարգացման հնարավորությունները:

Գերմանիայից դեպի Կունդուզ ՀՀ զորախումբի տեղափոխման ճանապարհին Թերմեզի օդանավակայանը ծառայում է որպես միջանկյալ կայան, և հայ խաղաղապահների նկատմամբ ցուցաբերած ջերմ վերաբերմունքի համար Սեյրան Օհանյանը շնորհակալություն է հայտնել Նորմատովին:
Հուլիսի 26-ի երեկոյան ՀՀ պաշտպանության նախարար Սեյրան Օհանյանի գլխավորած պատվիրակությունը վերադարձել է Երևան:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: