482.36
-0.38
568.99
-1.66
8.19
-0.05
-1
Եղանակը Երևանում
Հայ
Բաքուն հարցականի տակ է դնում սանկտպետերբուրգյան հանդիպման կարևորությունը. ՀՀ ԱԳՆ
13:50
23 Հուլիսի 2010

ՀՀ ԱԳ նախարարը Էդվարդ Նալբանդյանը կարծում է, որ ադրբեջանական կողմը հարցականի տակ է դնում Սանկտ Պետերբուրգում կայացած Հայաստանի, Ռուսաստանի և Ադրբեջանի նախագահներ Սերժ Սարգսյանի, Դմիտրի Մեդվեդևի և Իլհամ Ալիևի եռակողմ հանդիպման կարևորությունը:

Հունիսի 17-ին Սանկտ Պետերբուրգում կայացած Ռուսաստանի, Հայաստանի և Ադրբեջանի նախագահների եռակողմ հանդիպման ընթացքում քննարկվել են  մադրիդյան սկզբունքների հիման վրա ղարաբաղյան հակամարտության կարգավորման թարմացված առաջարկները, որոնք ստացել են «սանկտպետերբուրգյան առաջարկներ» անվանումը:

Ադրբեջանի արտգործնախարարության մամուլի քարտուղար Էլհան Պոլուխովը հայտարարել է, որ հանդիպման ընթացքում կողմերին աշխատանքային առաջարկներ են ներկայացվել, ինչը բավականին հաճախ է արվում: Միաժամանակ Պոլուխովը նշել է, որ այդ աշխատանքային առաջարկներն իբրև թե պատրաստվել են միայն մի կողմի մասնակցությամբ, և «նման կերպով Մինսկի խմբի ձևաչափը չի պահպանվել»:

«Այսօր ադրբեջանցիները մի կողմից ասում են, որ շնորհակալ են, գնահատում են Ռուսաստանի ջանքերը, բայց մյուս կողմից հարցականի տակ են դնում սանկտպետերբուրգյան հանդիպման կարևորությունը», - ասել է Նալբանդյանը «Միասին» երիտասարդական շարժման ամառային ճամբարի մասնակիցների հետ հանդիպման ժամանակ:

Միաժամանակ ՀՀ ԱԳ նախարարը հիշեցրել է, որ վերջին շրջանում վեց հանդիպում է կայացել Ռուսաստանի բարձր  նախաձեռնությամբ: 

«Հարց է առաջանում՝ ինչու՞ էին մասնակցում այդ հանդիպումներին, եթե դրանք իրենց համար կարևորություն չունեն», - նշել է նա:

Պատասխանելով այն հարցին, թե ղարաբաղյան հակամարտության կարգավորման ինչ «դեկտեմբերյան առաջարկությունների» մասին է շարունակում պնդել Ադրբեջանը, Էդվարդ Նալբանդյանը նշել է, որ եռանախագահները 2007թ. նոյեմբերին կողմերին ներկայացրեցին Մադրիդյան փաստաթուղթը և այն, իբրև պաշտոնական առաջարկ, ի պահ հանձնվեց Վիեննայում ԵԱՀԿ քարտուղարությանը: Նրա խոսքերով՝ դրանից հետո եղել են երկու տասնյակից ավելի աշխատանքային առաջարկներ` Մադրիդյան փաստաթղթի հիման վրա: Նախարարը հիշեցրել է, որ Ադրբեջանը հայտարարեց, որ կարող է ընդունել 2009թ. դեկտեմբերյան աշխատանքային առաջարկը՝ բայց որոշ բացառություններով:

«Պարզվեց, որ բացառություններն ավելի շատ են, քան ընդունված մասը: Հետո, ի՞նչ է նշանակում ընդունել բացառություններով: Դա փաստացի նշանակում է չընդունել», - ասել է Նալբանդյանը:

Նա հիշեցրել է, որ 2010թ.-ի հունվարին Սոչիում ՌԴ Նախագահի նախաձեռնությամբ և ներկայությամբ կայացած Հայաստանի և Ադրբեջանի նախագահների հանդիպման ժամանակ պայմանավորվածություն ձեռք բերվեց հանձնարարել ԱԳ նախարարներին`շարունակել բանակցությունները Ռուսաստանի Դաշնության ԱԳ նախարարի միջնորդությամբ:

«Նախարար Լավրովի միջնորդությունը վայելում էր և վայելում է Միացյալ Նահանգների և Ֆրանսիայի լիակատար աջակցությունը, ինչի վկայությունն է Ալմաթիի հայտարարությունը», - ասել է Նալբանդյանը:

Նրա խոսքերով՝ 2010 թ. փետրվար-հունիս ամիսներին կայացել են բազմաթիվ շփումներ արտգործնախարարների մակարդակով, քննարկվել են մի շարք աշխատանքային առաջարկներ` մադրիդյան փաստաթղթի հիման վրա:

«Այս բանակցությունների արդյունքում մշակվել են մադրիդյան փաստաթղթի վերջնական տարբերակը, որը ներկայացվել է հունիսի 17-ին Սանկտ-Պետերբուրգում կայացած հանդիպման ժամանակ, և համաձայնություն ձեռք բերվեց շարունակել բանակցությունները հենց այդ տարբերակի հիման վրա», - նշել է Նալբանդյանը:

Հուլիսի 17-ին Ալմաթիում ընդունված հայտարարության մեջ ՄԽ համանախագահ-երկրների պատվիրակությունների ղեկավարները հղում են կատարել 2009 թ.-ի դեկտեմբերի 1-ին Աթենքում կայացած ԵԱՀԿ նախարարական հանդիպման ժամանակ արված Լեռնային Ղարաբաղի մասին համատեղ հայտարարությանը և կողմերին հիշեցրել են Հելսինկյան Եզրափակիչ Ակտում ամրագրված սկզբունքների հիման վրա ղարաբաղյան հակամարտության խաղաղ կարգավորմանը ձգտելու նրանց պարտավորությունների մասին: Հելսինկյան Եզրափակիչ Ակտի սկզբունքների թվում են ուժի կամ ուժի սպառնալիքի չկիրառումը, պետությունների տարածքային ամբողջականությունը և սեփական ճակատագիրը տնօրինելու ժողովուրդների իրավահավասարությունն ու իրավունքը: Նրանք հաստատել են, որ 2009 թ.-ի հուլիսի 10-ին Լ’Աքվիլայում և 2010 թ.-ի հունիսի 26-ին Մուսկոկում նախագահներ Մեդվեդևի, Սարկոզիի և Օբամայի կողմից ձևակերպված դրույթները պետք է դառնան հակամարտության արդար և երկարատև կարգավորման հիմքը:

Հայտարարության մեջ նշվում է, որ առաջարակված դրույթները մեկ ամբողջություն են կազմում, և դրանցից որևէ մեկին նախապատվություն տալու ցանկացած փորձ բացառում է հավասարակշիռ որոշման ընդունման հնարավորությունը:

Ֆրանսիայի արտգործնախարար Բեռնար Քուշներն ու ԱՄՆ պետքարտուղարի տեղակալ Սթեյնբերգը երախտագիտություն են հայտնել ՌԴ նախագահ Մեդվեդևին և արտգործնախարար Լավրովին՝ կողմերի միջև տարաձայնությունների հաղթահարմանն ուղղված նրանց ջանքերի համար՝ հաշվի առնելով 2010 թ.-ի հունվարի 25-ին Սոչիի և 2010 թ.-ի հունիսի 17-ին Սանկտ Պետերբուրգի հանդիպումների ընթացքում քննարկված դիրքորոշումները:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։