478.76
-0.07
556.89
-1.04
7.99
+0.01
+22
Եղանակը Երևանում
Հայ
Բանակցություններին ԼՂՀ-ի լիիրավ մասնակցությանը Բաքվի համաձայնությունը ցույց կտա ղարաբաղյան հակամարտությունը լուծելու Ադրբեջանի ցանկությունը
13:44
20 Հուլիսի 2010

Բանակցային գործընթացում ԼՂՀ-ի լիիրավ մասնակցությանը Բաքվի համաձայնությունը կդառնա ղարաբաղյան հակամարտությունը կարգավորելու նրա ձգտման իրական ապացույցը, ասել է ՀՀ փոխարտգործնախարար Շավարշ Քոչարյանը «ԱՐ» հեռուստաընկերությանը տված հարցազրույցում:

Նրա խոսքերով՝ Ղարաբաղը կայացած պետություն է՝ բոլոր ինստիտուտներով, որտեղ ժողովրդավարական գործընթացը, մասնավորապես ընտրությունների տեսքով, չի դադարել նույնիսկ պատերազմի տարիներին:

«Խնդիրն այն է, որ Ադրբեջանը չի ցանկանում ԼՂՀ մասնակցությունը որպես լիիրավ կողմ, քանի որ դա հակասում է նրանց քարոզչամեքենայի խեղաթյուրված ձևակերպումներին այն մասին, որ սա Հայաստանի և Ադրբեջանի տարածքային վեճն է», - ասել է Քոչարյանը:

ՀՀ փոխարտգործնախարարի կարծիքով՝ այս հարցը ինքնատիպ լակմուսի թուղթ է:

«Եթե Ադրբեջանն իսկապես ճանաչի Ղարաբաղի մասնակցությունը որպես բանակցությունների լիիրավ կողմ, ապա դա ցույց կտա, որ նա ցանկանում է կարգավորվել հարցը, հակառակ դեպքում Բաքուն պարզապես օգտագործելու է բանակցային գործընթացը որպես շղարշ՝ սեփական քարոզչությունը շարունակելու նպատակով», - ասել է Քոչարյանը:

Նրա խոսքերով՝ միջնորդները բազմաթիվ զգուշավոր հայտարարություններ են արել այն մասին, որ անհնար է լուծել հարցն առանց Ղարաբաղի:

ՀՀ փոխարտգործնախարարը նաև կարծում է, որ հակամարտության կարգավորման գործընթացում հայկական կողմի համար առանցքային հարցերն են Ղարաբաղի կարգավիճակն ու անվտանգության երաշխիքները: «Կարգավիճակն անվտանգության որոշակի երաշխիք է, քանի որ միջազգային ճանաչումը պաշտպանություն է ապահովում», - ասել է Քոչարյանը՝ միաժամանակ ճշտելով, որ դա բավարար չէ:

Նրա խոսքերով՝ Ադրբեջանի վարած ուժային քաղաքականության պայմաններում Ղարաբաղի անվտանգության երաշխիքը Հայաստանի հետ ցամաքային կապն է: Նա նշել է, որ միջնորդները նաև բացառում են Ղարաբաղի մեկուսացումը:
Քոչարյանն ընդգծել է, որ կարգավիճակի և անվտանգության երաշխիքի հարցում ձեռք բերած պարզորոշությունը թույլ կտա առաջ ընթանալ:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: