484.75
-0.5
571.76
+2.32
8.19
+0.01
-1
Եղանակը Երևանում
Հայ
Ադրբեջանն աշխատում է Ղարաբաղի շուրջ ստատուս-քվոյի պահպանման ուղղությամբ. ՀՀ փոխարտգործնախարար
13:41
20 Հուլիսի 2010

ԵՐԵՎԱՆ, 20 հուլիսի. /Նովոստի-Արմենիա/. Ադրբեջանն իր պահվածքով աշխատում է ղարաբաղյան խնդրի շուրջ ստատուս-քվոյի պահպանման ուղղությամբ, կարծում է ՀՀ փոխարտգործնախարար Շավարշ Քոչարյանը:

Նրա խոսքերով՝ այժմ հարցն այն է, թե իսկապե՞ս Ադրբեջանը ցանկանում է կարգավորել խնդիրը, թե՞ ողջ բանակցային գործընթացն օգտագործում է որպես շղարշ՝ սեփական, իրականությունից հեռու ցանկությունները որպես բանակցությունների առարկա ներկայացնելու նպատակով:

«Կամ Ադրդբեջանն իսկապես հասկանում է, որ հարցի լուծման համար որոշակի փոխզիջումներ են անհրաժեշտ կամ շարունակելու է միակողմանի ձևով առաջ քաշել «ամեն ինչ կամ ոչինչ», «ամեն ինչ կամ պատերազմ» պահանջները», - ասել է Քոչարյանը «ԱՐ» հեռուստաընկերության տված հարցազրույցում:

Նրա խոսքերով՝ Բաքուն կարծում է, որ այս սպառնալիքների արդյունքում հայկական կողմերը կարող են շանտաժի ենթարկվել:

Քոչարյանը նշել է, որ Ադրբեջանը ղարաբաղյան խնդրի հենց սկզբից ընտրել է ուժային քաղաքականությունը, ինչի ապացույցներն էին Սումգայիթի, Բաքվի, Շամխորի և այլ բնակավայրերի ջարդերը, որտեղ հայեր էին բնակվում, ինչպես նաև՝ էթնիկ զտումների քաղաքականությունը, Լեռնային Ղարաբաղի Հանրապետության նկատմամբ ռազմական ագրեսիան: ՀՀ փոխարտգործնախարարը հիշեցրել է, որ կար ժամանակ, երբ Ղարաբաղի տարածքի 40 տոկոսը ադրբեջանական օկուպացիայի տակ էր գտնվում:

«Իրականում պարտվելով պատերազմում՝ Ադրբեջանն ինքը 1994 թ.-ին զինադադար խնդրեց, սակայն նրա մոտեցումը չփոխվեց: Հետևաբար, ինչպիսին կլինի ապագան (ղարաբաղյան խնդրի), կախված է Բաքվի դիրքորոշումից: Եթե Ադրբեջանը շարունակում է հետամուտ լինել այս ոճին, ապա դա նշանակում է, որ նա անում է ամեն ինչ՝ գոյություն ունեցող ստատուս-քվոն պահպանելու համար», - նշել է Քոչարյանը:

Նրա խոսքերով՝ եթե Ադրբեջանը, այնուամենայնիվ, կփորձի փոխզիջման գնալ և չի պահանջի միակողմանի զիջումներ, ապա որակապես նոր իրավիճակ կստեղծվի, որի դեպքում կարելի կլինի խոսել հնարավոր լուծումների մասին:

«Կարծում եմ, որ այսօր, երբ մենք Ադրբեջանի կողմից հարցի խաղաղ լուծմանն ուղղված իրական մոտեցում դեռ չենք տեսնում, վաղ է խոսել դրա մասին», - ասել է Քոչարյանը:

Նրա խոսքերով՝ այսօրվա պայմաններում, երբ Բաքուն չունի փաստարկներ, նրան ձեռնտու չէ ոչ իրավական հիմքը, ոչ փաստացի իրավիճակը, ոչ էլ բանակցային գործընթացը, ապա նրան ոչինչ չի մնում բացի սպառնալիքներից և փաստերի խեղաթյուրումից:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։