478.73
-0.03
561.07
+4.18
8.06
+0.07
+27
Եղանակը Երևանում
Հայ
Երևանյան «Ոսկե ծիրան» կինոփառատոնի հողթողը թուրքական ֆիլմ է
13:16
19 Հուլիսի 2010

«Ոսկե ծիրան»  յոթերորդ միջազգային կինոփառատոնի «Միջազգային խաղարկային ֆիլմ» մրցութային ծրագրի հաղթող է ճանաչվել թուրք կինոռեժիսոր Ռեհ Էրդեմի «Կոսմոս» ֆիլմը, լրագրողներին տեղեկացրել է կինոփառատոնի գլխավոր տնօրեն, ռեժիսոր Հարություն Խաչատրյանը:

«Ոսկե ծիրան» յոթերորդ միջազգային կինոփառատոնը անցկացվել է Երևանում հուլիսի 11-18-ը: Փառատոնի երեք մրցութային ծրագրերում 45 ֆիլմ է ներառվել:

«Կինոփառատոնի ամենամեծ հաջողությունն ազնվությունն են համարում: Շատ արդար  ընտրություն է կատարվել՝ առանց քաղաքականության և արտաքին միջամտությունների», - ասել է Խաչատրյանը:

Ժյուրիի որոշմամբ՝ «Միջազգային խաղարկային կինո» անվանակարգում «Արծաթե ծիրան» մրցանակի է արժանացել բելառուս ռեժիսոր Սերգեյ Լոզնիցայի «Իմ ուրախություն» ֆիլմը:

«Միջազգային վավերագրական կինո» մրցույթում «Ոսկե ծիրան» մրցանակի է արժանացել Պավել Կոստոմարովի «Երկուսով» ֆիլմը: Շվեյցարացի ռեժիսոր Վադիմ Յենդրեյկոյի «Հինգ փղերով կինը» ֆիլմն արժանացել է «Արծաթե ծիրանի»:

«Հայկական համայնապատկեր» մրցույթում հաղթող է ճանաչվել Արման Երիցյանի և Իննա Սահակյանի «Հայաստանի վերջին լարախաղացը» ֆիլմը: «Արծաթե ծիրանի» է արժանացել Կոմս Շահբազյանի «Այստեղ` ներքևում» ֆիլմը, հատուկ հիշատակման է արժանացել Նիկոլայ Դավթյանի «Քեռի Վալյա» ֆիլմը, որը նվիրված է խաղարկային և անիմացիոն կինոյի բեմադրող-նկարիչ, Հայկական ԽՍՀ-ի վաստակավոր նկարիչ Վալենտին Պոդպոմոգովին:

Կինոքննադատների միջազգային ֆեդերացիայի ժյուրիի մրցանակին (FPRESCI) արժանացել է Յասմիլա Ժբանիչի «Ճանապարհին» ֆիլմը (Բոսնիա և Հերցեգովինա):

Էկումենիկ ժյուրին իր մրցանակը հանձնել է Սուրեն Բաբայանի «Մի նայիր հայելուն» ֆիլմին, Եկեղեցիների անկախ ժյուրիի պատվոգրի է արժանացել Ալեքսեյ Պոպոգրեբսկու «Ինչպես անցավ այս ամառը» ֆիլմը:

Հայ ռեժիսոր Մարատ Սարգսյանի «Լեռնավան» ֆիլմը դարձել է կրկնակի մրցանակակիր, այն արժանացել է հայտնի գրող Հրանտ Մաթևոսյանի անվան հատուկ մրցանակի և ճանաչվել է լավագույնը Բրիտանական խորհրդի հայաստանյան գրասենյակի կարճամետրաժ ֆիլմերի մրցույթում:

FPRESCI-ի ժյուրիի նախագահ, իտալացի կինոքննադատ և լրագրող Լուչիանո Բարիզոնեն նշել է փառատոնի բարձր մակարդակը:

«Բոլորս գիտենք, որ շատ փառատոններ ժամանակի ընթացքում կոմերցիոն են դառնում, և այս ֆոնի ներքո փառատոնները, որոնց ժամանակ արվեստը առաջին պլան է մղվում, առավել արժեքավոր են», - ասել է Բարիզոնեն:

Խոսելով «Հայկական համայնապատկեր» մրցույթի առանձնահատկությունների մասին՝ մրցութային ժյուրիի նախագահ, արվեստագիտության դոկտոր Արմեն Մեդվեդևը ընդգծել է, որ ծրագիրը բավականին արժանավոր էր:

«Ես չեմ իդեալականացնի ծրագիրը, սակայն այն շատ արժանավոր էր: Չկար ոչ մի ֆիլմ, որը ժյուրիի շրջանում անհարմարության զգացում առաջացներ», - ասել է Մեդվեդևը:

Միաժամանակ կինոգետը նշել է ժամանակակից հայկական կինեմատոգրաֆի որոշ թերությունները, մասնավորապես՝ սեփական ավանդույթների անբավարար շեշտադրումը:-0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։