481.77
-0.24
540.26
-0.7
8.5
-0.06
+24
Եղանակը Երևանում
Հայ
Գերմանաբնակ թուրք ռեժիսորը դեմ չէ ֆիլմ նկարահանել բռնցքամարտի մասին` հայ-թուրքական հարաբերությունների առնչությամբ
19:27
13 Հուլիսի 2010

Աշխարհահռչակ գերմանաբնակ թուրք ռեժիսոր Ֆաթիհ Աքինը հայտարարել է, որ կցանկանար գեղարվեստական ֆիլմ նկարահանել բռնցքամարտի մասին, որում կարելի կլիներ արտացոլել հայ և թուրք ժողովրդի միջև գոյություն ունեցող դարավոր հակամարտությունը:

«Հայերի և թուրքերի միջև դարավոր թշնամանքի հիմքում ընկած է վախը... Անհրաժեշտ է հաղթահարել այն և կոտրել կարծրատիպերը», - երեքշաբթի Երևանում կազմակերպված մամուլի ասուլիսի ժամանակ հայտարարեց ռեժիսորը:

Աքինը գտնվում է Հայաստանի մայրաքաղաքում «Ոսկե ծիրան» յոթերորդ միջազգային կինոփառատոնին մասնակցելու նպատակով, որի շրջանակներում տեղի կունենա նրա «Հոգու խոհանոց» ֆիլմի ցուցադրությունը:

«Ես հետաքրքրվում եմ բռնցքամարտով և կցանկանայի ֆիլմ նկարահանել բռնցքամարտի մասին: Ես Սյուզի Կենտիկյանի մեծ երկրպագուն եմ, ներկա եմ լինում նրա բոլոր մենամարտերին: Հավանում եմ Արթուր Աբրահամին: Նա մենամարտել է Մահիր Օռալի հետ, ով թուրքական արմատներ ունի», - ասաց նա:

2009 թ.-ի հունիսի 27-ին Բեռլինում կայացած Աբրահամ-Օռալ մենամարտն ավարտվել է հայ բռնցքամարտիկի հաղթանակով:

Ռեժիսորը նշեց, որ այս երկու բռնցքամարտիկների մենամարտից հետո ինտերնետը հեղեղած ատելության և քննադատության հորձանքին ի հակադրություն՝ կարելի էր ֆիլմ նկարահանել այն մասին, թե իրականում ինչպիսի ընկերական հարաբերություններ կան նրանց միջև:

Աքինը հիշեց նաև գերմանացի ռեժիսոր Էրիկ Ֆրիդլերի «Աղետ» աղմկահարույց ֆիլմը, որը պատմում է Հայոց ցեղասպանության մասին: Ֆիլմը կցուցադրվի «Ոսկե ծիրան» փառատոնի շրջանակներում:

«Ես անձամբ ծանոթ եմ ֆիլմի վավերագրական քրոնիկների հետ, և դա ինձ համար նորություն չէր, սակայն օրինակ իմ կնոջ համար ֆիլմը բավականին լուսավորչական նշանակություն ունեցավ: Այս տեսակետից ֆիլմը մեծ ճանաչողական նշանակությու ունի, քանի որ այն ծանոթացնում է շատ կարևոր թեմայի հետ», - ասաց Աքինը:

Ռեժիսորը կիսվեց նաև Երևանից ստացած իր տպավորությունների հետ՝ ասելով, որ այն հյուրընկալ քաղաք է՝ խորհրդավորության երանգով:

«Երեկվա օրը իմ կյանքի ամենակիզիչ օրերից մեկն էր: Սա ամենաարևելյան կետն է, որտեղ ես երբևիցե եղել եմ: Ես մեծ ակնկալիքներ ունեմ Հայաստան այցելությունից... Առաջին հայացքից ես Երևանը ընկալեցի որպես շատ հյուրընկալ քաղաք, որն իր մեջ ինչ-որ խորհրդավոր բան է պարունակում», - ավելացրեց ռեժիսորը:

Գերմանաբնակ թուրք ռեժիսոր Ֆաթիհ Աքինը ծնվել է 1973 թ.-ին Համբուրգում (Գերմանիա): 2000 թ.-ին ավարտել է Համբուրգի գեղարվեստի համալսարանը, 2003 թ.-ին հիմնել է Corazon միջազգային կինոընկերությունը: 2005 թ.-ին դասախոսել է Համբուրգի գեղարվեստի համալսարանի գեղարվեստի քոլեջում:-0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: