482.01
-0.12
540.96
+2.13
8.56
+0.01
+12
Եղանակը Երևանում
Հայ
Բուլղարական «Պռվա» ներդրումային ընկերության առևտրային ներկայացուցչությունն է բացվել Երևանում
11:46
01 Հուլիսի 2010

Բուլղարական «Պռվա» ներդրումային ընկերության տարածաշրջանում առաջին առևտրային ներկայացուցչությունն է բացվել Երևանում։  

Ինչպես չորեքշաբթի բացման արարողության ժամանակ լրագրողներին հայտնեց ընկերության նախագահ Իրինա Կոտլյարովան, ընկերությունը հայկական շուկայի մարքեթինգային ուսումնասիրություններ է անցկացրել, ինչի հիման վրա որոշում է ընդունել, որ Հայաստանի և Բուլղարիայի գործարար հատվածն իրական հնարավորություններ ունի արդյունավետ, փոխշահավետ համագործակցության ընդհանուր դաշտ ստեղծելու և դրանով իսկ նպաստելու երկու երկրների տնտեսության զարգացմանը։

«Հայերը մեծ հետաքրքրություն ունեն Բուլղարիայի նկատմամբ, որտեղ այժմ շատ բարենպաստ ներդրումային կլիմա և բիզնեսի զարգացման հնարավորություն է ձևավորվել, որը համապատասխանում է Եվրամիության պահանջներին և օրենքներին և զարգացման լայն հեռանկարներ ունի»,- ասաց Կոտլյարովան։

Ըստ նրա, սկզբնական փուլում ընկերությունը կզբաղվի Բուլղարիայում անշարժ գույքի առաջխաղացմամբ, որի գները ներկայում բավական ցածր են՝ 20 հազար եվրոյից սկսած, ինչից հետո հնարավոր կլինի բիզնեսի ձևավորումն ու առաջխաղացումը։

Կոտլյարովան նշեց, որ ընկերությունը նաև խորհրդատվական ծառայություններ կմատուցի, մասնավորապես, Բուլղարիայում գործարարության հնարավորության մասով։ Ինչ վերաբերում է մատուցվող խորհրդատվական ծառայություններին, ապա ընկերությունը զեղչերի բավական ճկուն համակարգ ունի՝ մեկ կոնսալթինգի դիմաց սկսած 20 եվրոյից, ինչպես նաև հատուկ անվճար առաջարկություններ, մասնավորապես, շուկաների ուսումնասիրության, անշարժ գույքի պոտենցիալ գնորդների համար պրոմո-տուրերի անցկացման մասով։

«Հայաստանը շատ թույլ է ներկայացված եվրոպական շուկայում, թեև բավական հնարավորություններ կան ԵՄ-ում, մասնավորապես, Բուլղարիայում, ներուժի իրագործման համար»,- ասաց նա։

Միաժամանակ, ըստ նրա, հայկական շուկայում ընկերությունը չունի մրցակիցներ, քանի որ Հայաստանում ներկայացված բոլոր խորհրդատվական ընկերություններն աշխատում են բուլղարական շուկայում միայն որպես միջնորդներ։

Ռուսաստանում Բուլղարիայի դեսպանության խորհրդական, առևտրատնտեսական հարցերի ծառայության ղեկավար Իլյան Ցոնևն իր հերթին նշեց, որ ընկերությունը հետագայում կարող է զբաղվել նաև Հայաստանում բուլղարական ապրանքների տարածմամբ, որոնք բավական վատ են ներկայացված տեղական շուկայում։

Նրա խոսքերով, երկրների միջև վերացել են տնտեսական կապերը, ինչի կապակցությամբ դրանց վերականգնման ուղղությամբ աշխատանքներ են տարվում։ Նա նշեց, որ երկրների միջև ապրանքաշրջանառությունը շատ փոքր է՝ տարեկան մոտ 500 հազար դոլար, ինչը շատ ցածր ցուցանիշ է, և առևտրային ներկայացուցչության աշխատանքի դեպքում կարող է զգալիորեն բարձրացնել այդ ցուցանիշը։

«Մենք պատրաստ ենք աշխատել դեսպանության հետ միասին առևտրային կապերի զարգացման նպատակով և առաջիկայում որոշակի աճ ենք ակնկալում»,- ասաց Ցոնևը։

«Առաջին Ներդրումային Խորհրդատվական Ընկերությունը» բուլղարական առաջատար ընկերություններից է, որը կոնսալթինգային ծառայությունների լայն շրջանակ է տրամադրում՝ Բուլղարիայի տարածքում բնակելի և առևտրային անշարժ գույքի, ամառանոցների, հողատարածքների և խոշոր ներդրումային նախագծերի հետ գործարքների առկայությամբ, կատարում է գործարքների լիակատար իրավաբանական խորհրդատվություն։ «ՊՌՎԱ» ընկերությունը Բուլղարիայի առողջարանային գոտիների զարգացման նախագծեր է իրականացնում։ 

Ներկայում ընկերությունը Բուլղարիայում գործող հիմնական գրասենյակից բացի ներկայացված է նաև Ռուսաստանի չորս քաղաքներում, նախատեսվում է նաև ներկայացուցչություններ բացել Գերմանիայում և Իսրայելում։ -0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։