478.23
-0.15
574.4
+0.97
8.26
+0.03
+26
Եղանակը Երևանում
Հայ
Ուժի կիրառման մասին Բաքվի սպառնալիքներն ուղղված են Ղարաբաղի խնդրով բանակցությունների ձախողմանը. Նալբանդյան
13:36
21 Հունիսի 2010

Ուժի կիրառման մասին սպառնալիքները հնչում են Բաքվից՝ նպատակ ունենալով ձախողել ղարաբաղյան հակամարտության կարգավորման բանակցությունները, հայտարարել է ՀՀ ԱԳ նախարար Էդվարդ Նալբանդյանը «Նեզավիսիմայա գազետա» թերթին տված հարցազրույցում:

«Ուժի կիրառման մասին սպառնալիքները հնչում են Բաքվից ամեն օր: Երևի դրանք արվում են բանակցությունները ձախողելու համար», - ասել է Նալբանդյանը:

Նախարարը հիշեցրել է, որ այսօր բանակցային գործընթացն ընթանում է 2007 թ.-ի նոյեմբերին Մինսկի խմբի համանախագահների կողմից ներկայացված Մադրիդյան փաստաթղթի հիման վրա:

«Հայաստանը ավելի քանի երկու տարի առաջ այդ փաստաթուղթը ընդունել է որպես բանակցությունների հիմք: Ադրբեջանը ընդհանրապես ժխտել է այդ փաստաթղթի` Մադրիդյան առաջարկությունների գոյությունը, և հիմա՝ երկու տարի անց, փորձում է ձևանալ, թե ինչ-որ բան ընդունում է: Ի՞նչ է ընդունում Ադրբեջանը», - ասել է Նալբանդյանը:

Նախարարի խոսքերով` հակամարտության կարգավորման, այդ թվում նաև բանակցային գործընթացի գլխավոր հարցը Լեռնային Ղարաբաղի ժողովրդի ինքնորոշման իրավունքի իրագործումն է: Այս մասին վկայում են նախորդ տարվա հուլիսին Լ'Աքվիլլայում Ռուսաստանի, ԱՄՆ-ի և Ֆրանսիայի (ԵԱՀԿ ՄԽ համանախագահ-երկրներ) նախագահների հայտարարությունից հետո հրապարակված որոշ սկզբունքներ, որոնք ամրագրված են Մադրիդյան փաստաթղթում, որտեղ նշվում է, որ Լեռնային Ղարաբաղի կարգավիճակը պետք է որոշվի Լեռնային Ղարաբաղի ժողովրդի իրավաբանորեն պարտադրվող ազատ կամարտահայտության միջոցով:

«Հայտարարելով Ադրբեջանի կազմում ԼՂ-ին բարձր ինքնավարության կարգավիճակ տրամադրելու պատրաստակամության մասին` այդ երկրի ղեկավարները փորձում են կանխորոշել կամարտահայտության ելքը` նման կերպ, ըստ էության, հերքելով ինքնորոշման սկզբունքը», - ասել է Նալբանդյանը:

Նա նշել է, որ այս սկզբունքը Մադրիդյան առաջարկությունների երեք հիմնարար սկզբունքներից մեկն է, որոնք ևս մեկ անգամ հաստատվել են ԵԱՀԿ 56 անդամ-երկրների արտգործնախարարների կողմից 2009 թ.-ի դեկտեմբերին Աթենքում:

«Ադրբեջանը հերքում է, ինչպես նաև կոպիտ կերպով խախտում է նաև վերը նշված հիմնարար սկզբունքներից երկրորդը` ուժի չկիրառման կամ ուժի կիրառման սպառնալիքի սկզբունքը: Ադրբեջանը հրաժարվում է այդ սկզբունքի պահպանման մասին համաձայնագիր կնքել, հրաժարվում է հրադադարի ամրապնդման համար միջոցառումների ձեռնարկման մասին ԵԱՀԿ առաջարկներից, ինչպես նաև դիպուկահարների հետ քաշումից», - ասել է Նալբանդյանը:

Նախարարը նշել է, որ Մայնդորֆյան հռչակագրի ընդունումից հետո Ադրբեջանի ղեկավարները հայտարարել են, որ խաղաղ միջոցներով հակամարտությունը կարգավորելու մասին` փաստաթղթում ամրագրված դրույթները չեն նշանակում ուժի չկիրառման պարտավորություններ: «Ինչպես ասում են` առանց մեկնաբանության», - ասել է Նալբանդյանը:

Նախարարի խոսքերով` Ադրբեջանը կառչում է միայն մեկ սկզբունքից` տարածքային ամբողջականությունից` դրան էլ տալով սեփական մեկնաբանությունը: «Դժվար է որևէ մեկին համոզել, որ դու ընդունում ես Մադրիդյան փաստաթուղթը, եթե դու հերքում ես նրա մեծ մասը», - ասել է Նալբանդյանը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: